محمداحمد
لائبریرین
ہاہاہاہاہا۔۔۔! محفل میں آپ کا ہونا بھی ایک نعمت ہے۔ اتنے مزے کی باتیں ایک ساتھ ہی کر دیتے ہیں آپ۔
شاعر با الفاظِ دیگر یہی کہہ رہا ہے کہ
ع۔ دیکھو مجھے جو دیدہء عبرت نگاہ ہو
لیکن دیکھنے والے کو لگ رہا ہے کہ جیسے پانچوں انگلیاں گھی میں ہیں اور سر کڑاہی میں۔
ہم بولنے والے کی زبان نہیں پکڑ سکتے۔
بہتر یہ ہے کہ اُس کی کوئی پچھلی غلطی اُسے یاد دلا کر چپ کروایا جائے۔
بس اب اور نہیں۔
لائحہ عمل ضرور ہونا چاہیے اور یہی سوچ کر میں نے اس تحریر کو محفل جیسے جاندار ڈسکشن فورم پر پیش کیا ہے کہ یہاں اچھے عالی دماغ لوگ موجود ہیں۔ کئی ایک ایسے بھی ہیں جو بچوں کی تربیت کے دور سے گزر رہے ہیں۔ مجھے اُمید ہے کہ اگر گفتگو آگے بڑھے تو ممکن ہے کہ بہتر تجاویز مل سکیں گی۔
واقعی۔ اس بات سے انکار نہیں ہے کہ ان سب چیزوں (جن کا تحریر میں ذکر ہے) کی عدم موجودگی زندگی سے سب رنگینیاں بھی لے جائے گی۔
لیکن اس معاملے پر گفتگو تو ضرور ہونی چاہیے۔
یہ بات بالکل درست ہے۔ ہم بچوں کو بالکل بھی دنیا سے کاٹ نہیں سکتے۔ سو کوشش کرکے اُن کے لئے صحت مند سرگرمیاں تلاش کرنی چاہیے۔
آج کل کے بچوں میں جسمانی کھیل کود کے رجحانات کم ہوتے جا رہے ہیں۔ حالانکہ جسمانی کھیل کود بچوں کو جوش و جذبہ سے آشکار کرتے ہیں جن سے زندگی کافی دلچسپ ہو سکتی ہے۔
میری اور آپ کی بدقسمتی میں کچھ زیادہ فرق نہیں ہے (اور یہ کہ لطیف جذبوں کو میں بھی کچھ نہ کچھ اہمیت ضرور دیتا ہوں) اور شاید یہی وجہ ہے کہ میں یہ مضمون لکھ سکا۔ لیکن اب جب پیچھے مُڑ کر دیکھتے ہیں تو سمجھ آتا ہے کہ بہت سی چیزیں کچھ بہتر ہو سکتی تھیں۔ بس یہ تحریر ایک کوشش ہے کہ شاید ہمارے بچوں کے معاملات ہم سے کچھ بہتر ہو سکیں۔