آنکھ برسی نہ دل میں ہے کچھ نم ۔۔۔۔ غزل از والدِ گرامی جناب نصراللہ مہر

[متلاشی]

السلام علیکم !
والد صاحب کی ڈائری سے ایک غزل پیش کرنے کی جسارت کر رہا ہوں ۔۔۔۔
ڈائری کافی بوسیدہ ہو چکی ہے ۔۔۔ سوچا اسی طرح والد صاحب اشعار محفوظ ہو جائیں گے

آنکھ برسی نہ دل میں ہے کچھ نم
ایک مدت سے خشک ہیں موسم

جسم و جاں کے تقاضے شرمندہ
ذہن و دل میں کشیدگی پیہم

تومگر قادر و علیم بھی ہے
نظمِ دنیا بھی ہے ابھی قائم

سارے احوال پر نظر تیری
ایک عملِ مسلسل و پیہم

تونے اپنی عطا کی حد کر دی
حد سے بڑھتے گئے ہیں پھر بھی ہم

نصراللہ مہر​

 

[متلاشی]

الف عین محمد یعقوب آسی سید عاطف علی محمد اسامہ سَرسَری ابن رضا نور سعدیہ شیخ مزمل شیخ بسمل شوکت پرویز کاشف اسرار احمد نایاب آوازِ دوست منیب احمد فاتح محمد خلیل الرحمٰن امجد علی راجا ابن سعید نیرنگ خیال فرخ منظور سید شہزاد ناصر سید زبیر مہ جبین مقدس مغزل فاتح نیلم محمد بلال اعظم شمشاد محمد وارث [USER=1044]محمد احمد مہدی نقوی حجاز محمود احمد غزنوی شاہد شاہنواز عرفان سعید ادب دوست واسطی خٹک شزہ مغل راحیل فاروق منیب احمد فاتح ابن رضا[/USER]

 

[محمد یعقوب آسی]

یہ بھی اچھا طریقہ ہے۔
ساتھ ساتھ اس ڈائری کی نئی ہارڈ کاپی بنا لیجئے۔

 

[محمد یعقوب آسی]

بزرگوں کا احترام ملحوظ رکھتے ہوئے کسی بھی تنقیدی یا ناصحانہ گفتگو سے گریز کروں گا۔ تاہم کبھی کچھ کہنا ضروری محسوس ہو جائے تو؟

سارے احوال پر نظر تیری
ایک عملِ مسلسل و پیہم

منقولہ شعر کے دوسرے مصرعے میں اوپر چلے تین ہجائے کوتاہ واقع ہو گئے۔
املائے اصوات: اے ک ع م لے م سل س لو پے ہم
انہیں کسی طور سنبھال لیا جائے تو مناسب ہو گا۔ مثلاً: اک عمل ہے مسلسل و پیہم
گستاخی کی معافی چاہتا ہوں۔

 

[متلاشی]

بزرگوں کا احترام ملحوظ رکھتے ہوئے کسی بھی تنقیدی یا ناصحانہ گفتگو سے گریز کروں گا۔ تاہم کبھی کچھ کہنا ضروری محسوس ہو جائے تو؟

منقولہ شعر کے دوسرے مصرعے میں اوپر چلے تین ہجائے کوتاہ واقع ہو گئے۔
املائے اصوات: اے ک ع م لے م سل س لو پے ہم
انہیں کسی طور سنبھال لیا جائے تو مناسب ہو گا۔ مثلاً: اک عمل ہے مسلسل و پیہم
گستاخی کی معافی چاہتا ہوں۔

بجا فرمایا استاذ گرامی والد صاحب عروض و بحور سے واقف نہیں وہ بس گنگنا کر مصرعے کا وزن پورا کرتے ہیں ۔۔۔۔
انہوں نے شاید عمل میں میں م کو ساکن سمجھ لیا ہو گا۔۔۔۔!

 

[الف عین]

اچھی غزل ہے۔
تونے اپنی عطا کر حد کر دی
یا تو کمپوزنگ میں ’کی‘ کو ’کر‘ لکھ گئے ہیں، یا ’م‘ کی طرح یہاں ’ر‘ کا بھی اسقاط جائز سمجھ لیا ہے

 

[محمد خلیل الرحمٰن]

اچھی غزل ہے۔
تونے اپنی عطا کر حد کر دی
یا تو کمپوزنگ میں ’کی‘ کو ’کر‘ لکھ گئے ہیں، یا ’م‘ کی طرح یہاں ’ر‘ کا بھی اسقاط جائز سمجھ لیا ہے

ہمارے خیال میں تو یہ ٹائپو ہے۔ سرِدست اس کی تدوین کیے دیتے ہیں۔

 

[لئیق احمد]

کیونکہ مجھے ٹیگ نہیں کیا گیا اس لئے احتجاجاً میں یہ نہیں بتاؤں گا کہ مجھے یہ غزل بہت خوب لگی۔

 

[متلاشی]

کیونکہ مجھے ٹیگ نہیں کیا گیا اس لئے احتجاجاً میں یہ نہیں بتاؤں گا کہ مجھے یہ غزل بہت خوب لگی۔

لئیق بھائی میں پوری محفل کو تو میں ٹیگ کرنے سے رہا ۔۔۔۔

 

[لئیق احمد]

لئیق بھائی میں پوری محفل کو تو میں ٹیگ کرنے سے رہا ۔۔۔۔

اسی لئے اپنے خاص خاص بندوں کو ٹیگ کر لیا

سرگوشی

جی ظاہر ہے می نے محض مزاح کا چسکا لینے کے لئے ایسا لکھا تھا۔

 

[متلاشی]

اسی لئے اپنے خاص خاص بندوں کو ٹیگ کر لیا

سرگوشی

جی ظاہر ہے می نے محض مزاح کا چسکا لینے کے لئے ایسا لکھا تھا۔

نہیں میں نے شعراء اور جو شعر و ادب میں زیادہ دلچسپی لیتے ہیں انہیں ٹیگ کیا ۔۔۔

سرگوشی

ڈونٹ وری اب ان میں آپ کا نام بھی شامل کیے دیتا ہوں

 

[متلاشی]

اچھی غزل ہے۔
تونے اپنی عطا کر حد کر دی
یا تو کمپوزنگ میں ’کی‘ کو ’کر‘ لکھ گئے ہیں، یا ’م‘ کی طرح یہاں ’ر‘ کا بھی اسقاط جائز سمجھ لیا ہے

یہ کمپوزنگ کی ہی غلطی تھی استاذ گرامی

 

[لئیق احمد]

نہیں میں نے شعراء اور جو شعر و ادب میں زیادہ دلچسپی لیتے ہیں انہیں ٹیگ کیا ۔۔۔

سرگوشی

ڈونٹ وری اب ان میں آپ کا نام بھی شامل کیے دیتا ہوں

اگر آپ نے میری یہ غزل پڑھی ہوتی تو مجھے شعرا کی فہرست سے خارج نہ کرتے۔

 

[محمد یعقوب آسی]

یا تو کمپوزنگ میں ’کی‘ کو ’کر‘ لکھ گئے ہیں،

قرینِ قیاس یہی ہے۔ جسے ٹائپو کہتے ہیں۔