آیا نہ ہوگا اس طرح رنگ و شباب ریت پر۔۔۔

[سید لبید غزنوی]

آیا نہ ہوگا اس طرح رنگ و شباب ریت پر
گُلشنِ فاطمہ کے تھے سارے گُلاب ریت پر

جانِ بتول کے سِوا کوئی نہیں کھِلا سکا
قطرہ ٔ آب کے بغیر اتنے گُلاب ریت پر

ترسے حُسین آب کو میں جو کہوں تو بے ادب
لمسِ لبِ حُسین کو تَرسا ہے آب ریت پر

عشق میں کیا لُٹایئے عشق میں کیا بچا ئیے
آلِ نبی نے لکھ دیا سارا نصاب ریت پر

لذّت سوزش ِ بلال، شوقِ شہادتِ حُسین
جس نے لیا یونہی لیا اپنا خطاب ریت پر

جتنے سوال عشق نے آل ِ رسول سے کیے
ایک سے بڑھ کے اِک دیا سب نے جواب ریت پر

آل ِ نبی کا کام تھا آلِ نبی ہی کر گئے
کوئی نہ لکھ سکا ادیب ایسی کتاب ریت پر

شاعر :پروفیسر ڈاکٹر ادیب رائے پوری

ربط۔۔۔
http://lyrics.qtvtutor.com/urdu/manqabat/​

 

[محمد تابش صدیقی]

بہت عمدہ۔

عشق میں کیا لُٹایئے عشق میں کیا بچا ئیے
آلِ نبی نے لکھ دیا سارا نصاب ریت پر

آل ِ نبی کا کام تھا آلِ نبی ہی کر گئے
کوئی نہ لکھ سکا ادیب ایسی کتاب ریت پر

بے شک۔
جزاک اللہ لبید بھائی

 

[سید لبید غزنوی]

بہت عمدہ۔



بے شک۔
جزاک اللہ لبید بھائی

اصل داد تو لکھنے والے کو بنتی ہے۔۔۔۔میں نے تو بس انتخاب کیا۔۔۔شکریہ

 

[الشفاء]

سبحان اللہ۔۔۔ اچھا کلام۔۔۔

ترے حُسین آب کو میں جو کہوں تو بے ادب
لمسِ لبِ حُسین کو تَرسا ہے آب ریت پر

پہلا لفظ شاید ترسے ہے۔۔۔

 

[سید لبید غزنوی]

سبحان اللہ۔۔۔ اچھا کلام۔۔۔

پہلا لفظ شاید ترسے ہے۔۔۔

نہیں جی لنک پر کلک کریں اور اپنی تسلی و تشفی کریں۔۔لفظ ترے ہی ہے۔۔۔

 

[محمد تابش صدیقی]

نہیں جی لنک پر کلک کریں اور اپنی تسلی و تشفی کریں۔۔لفظ ترے ہی ہے۔۔۔

لنک پر بھی ٹائپنگ غلط ہو سکتی ہے.
مجھے بھی الشفاء بھائی والی بات درست معلوم ہو رہی ہے.

 

[ہادیہ]

بہت عمدہ

 

[سید لبید غزنوی]

لنک پر بھی ٹائپنگ غلط ہو سکتی ہے.
مجھے بھی الشفاء بھائی والی بات درست معلوم ہو رہی ہے.

تو پھر میں تابش بھائی سے عرض کروں گا۔۔۔سر اس میں درستگی کروائی جائے۔۔

 

[محمد تابش صدیقی]

تو پھر میں تابش بھائی سے عرض کروں گا۔۔۔سر اس میں درستگی کروائی جائے۔۔

درستگی کا اختیار تو محمد وارث صاحب کے پاس ہے۔

 

[محمد تابش صدیقی]

تو پھر میں تابش بھائی سے عرض کروں گا۔۔۔سر اس میں درستگی کروائی جائے۔۔

ابھی تو غالباً آپ کے اپنے پاس بھی اختیار ہو گا۔
پوسٹ کے نیچے تدوین لکھا آ رہا ہے؟

 

[سید لبید غزنوی]

ابھی تو غالباً آپ کے اپنے پاس بھی اختیار ہو گا۔
پوسٹ کے نیچے تدوین لکھا آ رہا ہے؟

تابش بھائی میرا کہنے کا مطلب یہ تھا اصل سائٹ پر تصحیح کروا دیں۔۔۔میں تو یہا ں کردوں کوئی حرج بھی نہیں۔۔۔۔لیکن اس کی تفشیش ضروری ہے آیا کہ شاعر نے یہی لفظ استعمال کیا ہے یا پھر ۔۔اصل لفظ ترسے ہے جو ٹائپنگ میں غلط ہو گیا۔۔کیا خیال ہے۔۔

 

[محمد وارث]

تابش بھائی میرا کہنے کا مطلب یہ تھا اصل سائٹ پر تصحیح کروا دیں۔۔۔میں تو یہا ں کردوں کوئی حرج بھی نہیں۔۔۔۔لیکن اس کی تفشیش ضروری ہے آیا کہ شاعر نے یہی لفظ استعمال کیا ہے یا پھر ۔۔اصل لفظ ترسے ہے جو ٹائپنگ میں غلط ہو گیا۔۔کیا خیال ہے۔۔

ترسے ہی صحیح ہے۔ ترے سے وزن بھی خراب ہوتا ہے اور معانی بھی اور دوسرے مصرعے سے مطابقت بھی خراب ہوتی ہے۔ یہاں میں نے درست کر دیا ہے۔

 

[محمد خرم یاسین]

آیا نہ ہوگا اس طرح رنگ و شباب ریت پر
گُلشنِ فاطمہ کے تھے سارے گُلاب ریت پر

جانِ بتول کے سِوا کوئی نہیں کھِلا سکا
قطرہ ٔ آب کے بغیر اتنے گُلاب ریت پر

ترسے حُسین آب کو میں جو کہوں تو بے ادب
لمسِ لبِ حُسین کو تَرسا ہے آب ریت پر

عشق میں کیا لُٹایئے عشق میں کیا بچا ئیے
آلِ نبی نے لکھ دیا سارا نصاب ریت پر

لذّت سوزش ِ بلال، شوقِ شہادتِ حُسین
جس نے لیا یونہی لیا اپنا خطاب ریت پر

جتنے سوال عشق نے آل ِ رسول سے کیے
ایک سے بڑھ کے اِک دیا سب نے جواب ریت پر

آل ِ نبی کا کام تھا آلِ نبی ہی کر گئے
کوئی نہ لکھ سکا ادیب ایسی کتاب ریت پر

شاعر :پروفیسر ڈاکٹر ادیب رائے پوری

ربط۔۔۔
http://lyrics.qtvtutor.com/urdu/manqabat/​

انتہائی خوبصورت کلام۔ اور گایا بھی خوب گیا ہے ۔ سبحان اللہ

 

[سید لبید غزنوی]

انتہائی خوبصورت کلام۔ اور گایا بھی خوب گیا ہے ۔ سبحان اللہ

جزاک اللہ ۔۔۔

 

[ادب دوست]

اچھا کلام ہے واہ
خوب انتخاب واہ

 

[ادب دوست]

درستگی

درستی..

 

[اکمل زیدی]

گایا بھی خوب گیا ہے

کس نے گایا ؟

 

[سید لبید غزنوی]

ترسے ہی صحیح ہے۔ ترے سے وزن بھی خراب ہوتا ہے اور معانی بھی اور دوسرے مصرعے سے مطابقت بھی خراب ہوتی ہے۔ یہاں میں نے درست کر دیا ہے۔

جزاک اللہ وارث بھائی اللہ آپ کو خوش رکھے آمین اب پہلے سے زیادہ خوبصورت معلوم ہو رہا ہے اور وزن بھی درست ۔۔مطابقت پیدا ہو جانے سے معنی بھی خوب واضح ہو گیا۔۔۔جزاک اللہ

 

[محمد خرم یاسین]

کس نے گایا ؟

گایا اور پڑھا کی بحث نئی نہیں ہے، ہم ہر موسیقائی چیز کو گانے میں شمار کر سکتے ہیں اور ہر تحت الفظ پڑھے جانے والی چیز کو اگر اس میں لے نہ ہو تو پڑھنے میں۔ انگلش میں بھی اگر آپ حمد، نعت،منقبت وغیرہ پڑھنے کو (اگر آپ تحت الفظ پڑھ رہے ہیں) ریڈنگ کہیں گے اور اگر کسی طرز میں گا رہے ہیں تو ری سائیٹنگ کہیں گے۔ اس لیے میں نے دانستہ طور پر گایا کا لفظ استعمال کیا۔ ویسے تو بہت سے لوگوں نے اسے گایا مگر مجھے سب سے زیادہ ذوالفقار حسینی کی پر سوز آواز میں پسند ہے۔


اویس قادری

حوریہ رفیق


سہر وردی صاحب


دعوتِ اسلامی

 

[سید لبید غزنوی]

گایا اور پڑھا کی بحث نئی نہیں ہے، ہم ہر موسیقائی چیز کو گانے میں شمار کر سکتے ہیں اور ہر تحت الفظ پڑھے جانے والی چیز کو اگر اس میں لے نہ ہو تو پڑھنے میں۔ انگلش میں بھی اگر آپ حمد، نعت،منقبت وغیرہ پڑھنے کو (اگر آپ تحت الفظ پڑھ رہے ہیں) ریڈنگ کہیں گے اور اگر کسی طرز میں گا رہے ہیں تو ری سائیٹنگ کہیں گے۔ اس لیے میں نے دانستہ طور پر گایا کا لفظ استعمال کیا۔ ویسے تو بہت سے لوگوں نے اسے گایا مگر مجھے سب سے زیادہ ذوالفقار حسینی کی پر سوز آواز میں پسند ہے۔


اویس قادری

حوریہ رفیق


سہر وردی صاحب


دعوتِ اسلامی

میں نے سارے کلپ سنے ہیں واقعی ذوالفقار حسینی کی آواز میں بڑا سوز ہے۔۔۔