اک بار مسکرا دو ۔۔ (منی بیگم)

[نبیل]

فردوس جھوم اٹھی
فضا گنگنانے لگی
تم اگر مسرا اٹھو تو
خدا مسکرا اٹھے



اک بار مسکرا دو
افسانہ چمن کا عنوان ہی بدل دو
کلیوں کا دل مسل دو
پھولوں کا سر کچل دو
آکاش کی جوانی
بادل میں چھپائے
مہتاب ڈوب جائے
تاروں کو نیند آئے
زہرہ جبیں پری رو
تمثیل ماہ و انجم
آنکھیں شراب انگیں
جذبات میں تلاطم
کھلتے ہوئے لبوں پہ
ہنستا ہوا ترانہ
اے دلنواز پیکر
خاطر میں ہے زمانہ
لب ہائے احمریں پر
نکھری ہوئی ہے لالی
یہ ہلکی ہلکی سرخی
تصویر ہے شفق کی
آوارہ شوخ زلفیں
رخسار چومتی ہیں
بے خود میں جھومتی ہیں
ہو زیست کا سہارا
تم موج میں کنارا
لیکن سنو خدارا
اک بار مسکرا دو
اک نوجواں مسافر
فطرت کا لا ابالی
اک عالم جنوں میں
اک سمت چل رہا تھا
جیسے کہ اپنی دھن میں
پربت پہ چڑھ رہا تھا
زلفیں کہ منتشر تھیں
چہرے سے مضمحل تھا
نظریں کہ راہ پہ تھیں
کتنا شکستہ دل تھا
ماضی کے دھندلکوں میں
اک عکس پا رہا تھا
گزرا ہوا زمانہ پھر یاد آرہا تھا
ارماں تڑپ رہے تھے
حسرت مچل رہی تھی
بے تاب زندگانی کروٹ بدل رہی تھی
گن گن تارے ہائے بیچارے
چین نہ آئے جی گھبرائے
دیکھ تو کیا ہے
کون بسا ہے
دیدہ تر میں
نیچی نظر میں
آنکھ کے تل میں
آپکے دل میں
دل کو جلانا
کھیل ہے جاناں
دل کو جلا کر
آگ لگا کر
خود بھی جلو گے
ہاتھ ملو گے
تم شمع فروزاں ہو
خود بھی جلو جلا دو
لیکن
اک بار مسکرا دو
اک بار مسکرا دو

اک حسن دلربا ہو۔۔۔

اتنا تو میں کہوں گا
میری ہی اس غزل کا۔۔
رنگین قافیہ ہو۔۔

اک بات تم سے پوچھوں؟
بولو جواب دو گے؟
یہ حسن یہ جوانی
سرکار کیا کروگے؟

ہونٹوں کی مسکراہٹ
بیچو خرید لوں گا
منظور ہو تو بولو
انمول دام دوں گا۔۔

لیکن ایک بار مُسکرا دو۔۔۔۔۔
ایک بار مُسکرا دو۔۔۔

 

[شاہ حسین]

شکریہ جناب نبیل صاحب ۔

میری چند پسندیدہ غزلوں میں سے ایک تھی ۔

 

[شمشاد]

میری بھی بہت پسندیدہ ہے۔ بہت شکریہ نبیل بھائی۔

 

[انیس فاروقی]

کیا بات ہے، لگتا ہے کہ اب تو فرمائشی پروگرام شروع کرنا پڑے گا، لیجئے اگر ممکن ہو تو فیض صاحب کی مجھ سے پہلی سی محبت میرے محبوب نہ مانگ بھی پیش کر دیجئے ۔

 

[نبیل]

کیا بات ہے، لگتا ہے کہ اب تو فرمائشی پروگرام شروع کرنا پڑے گا، لیجئے اگر ممکن ہو تو فیض صاحب کی مجھ سے پہلی سی محبت میرے محبوب نہ مانگ بھی پیش کر دیجئے ۔

یہ لیجیے۔۔

 

[انیس فاروقی]

بہت شکریہ، فرمائش پوری کرنے کا۔

 

[محسن وقار علی]

مجھے بھی بہت ہی پسند ہے۔

 

[محمد بلال اعظم]

ایک بار مُسکرا دو۔۔۔​

​

 

[محسن وقار علی]

​

ایک بار مُسکرا دو۔۔۔ ​

یہ لیجیے

 

[محمد بلال اعظم]

یہ لیجیے

اب کاش وہ بھی مسکرا دے

جس کے لئے کہا ہے کہ

اے جانِ بلال اتنی بھی توفیق کسے تھے
ہم کو غمِ ہستی بھی گوارا ہے کہ تم ہو

احمد فراز سے معذرت

 

[ثاقب الرحمن]

کیا کوئی دوست یہ بتا سکتا ہے کہ یہ کس نے لکھا ہے ؟

 

[یوسُف]

دل کو جلانا
کھیل ہے جاناں
دل کو جلا کر
آگ لگا کر
خود بھی جلو گے
ہاتھ ملو گے
تم شمع فروزاں ہو
خود بھی جلو جلا دو
لیکن
اک بار مسکرا دو
اک بار مسکرا دو

 

[وسیم واصل]

السلام علیکم! میں اس فورم پر نیا ہوں اور ادب میں دلچسپی ہے۔۔۔۔سوال یہ ہے کہ غزل کے لیے قافیہ بندی ضروری سمجھی جاتی ہے میرے ناقص علم کے مطابق۔جبکہ ایک بار مسکرا دو جسے مُنی بیگم نے گایا ہے نظم کی طرز کی نہیں ہے؟ اگر غزل ہے تو اس کے قوافی کیا ہیں؟ اور مزید یہ کہ اس کے شاعر کون ہیں؟ احباب رہنمائی فرمائیں

 

[سید عاطف علی]

ایک بار مُسکرا دو۔۔۔

کلام کس کا ہے یہ

؟