یوسف سلطان
محفلین
ڈِٹھی میں اک حُور، مرے ول پَیلاں پاندی آوے،
اک نظر مستانی جس دی لکھ بُھلیکھے پاوے،
ایڈی سوہنی چھیل چھبیلی جھاتی پاندے ڈریے،
بدل اوہدیاں زُلفاں اگے آکھن پانی بھریے،
قد اوہدا رب اپنی ہتھی بوٹا لایا ہویا،
رنگ اوہدا جیویں میدے وچ سندور ملایا ہویا،
حُسن جمال تے روپ اوہدھے دا کوئی نہ حد بنّاں،
اُس دیاں نازک ہتھاں وچ سونے دا اک چھناں،
اوہ چھناں اُس آن کے میرے ہونٹاں نال لگایا،
ہابَڑ ہابَڑ پِین لگا میں ورہیاں دا ترہایا،
ٹھنڈا ٹھار پھلُودا سنگھوں لنگھدا جائے اگے،
دُدھ وراچھاں میریاں وچوں سجے کھبے وگے،
دُدھ پھلُودے چاڑھے مینوں نشے شراباں والے،
اینے چِروچ ہور وی حُوراں کھلیاں آن دوالے،
اوہناں نے کُجھ ہور سوغاتاں میرے لئی منگوایاں،
قِسماں قسم مُربے،میوے، حلوے تے مٹھیائیاں،
مُڑمیں ایناں وگ تگ کھادا کڑتا ڈِھڈ نہ کجے،
پاٹن ہاکا پیٹ، ندیدی اَکھ میری نہ رجے،
میری ایہو نیت سی پئی کدی نہ ایتھوں ہَلیے،
حُوراں آکھن "آؤجی ہُن سیر کرن نوں چلیے"،
اک تھاں مینوں شہد دی اوہناں وگدی نہر وکھائی،
جیویں جیویں ویکھاں وھددی جائے اکھیاں دی روشنائی،
کاراں اَتے جہازاں والے بُھل گئے سب جھوٹے،
قوس قزح وچ بہا کے مینوں حُوراں دتے ہُوٹے،
ہر کوئی مینوں جی جی بولے آکھے راج دُلارا،
میرے نال پروہنیاں ورگا اوہناں دا وَرتارا،
سرہیوں جھییاں سوہنیاں ناراں دِسن ہر ہر پاسے،
پتلے لک، بسنتی چُنیاں، ہونٹاں اُپر ہاسے،
میں پُچھیا نی حورو اڑیو"کاہنوں کِھڑ کِھڑ ہسو؟"،
میری ایڈی خدمت خاطر، وِچلی گل تے دَسو۔۔۔
آکھن لگیاں "بیبا، ایڈا پردہ کاہنوں پاناں؟"،
جنت وچ الیکشن ہونائے، ووٹ اسانوں پاناں!۔۔۔
اک نظر مستانی جس دی لکھ بُھلیکھے پاوے،
ایڈی سوہنی چھیل چھبیلی جھاتی پاندے ڈریے،
بدل اوہدیاں زُلفاں اگے آکھن پانی بھریے،
قد اوہدا رب اپنی ہتھی بوٹا لایا ہویا،
رنگ اوہدا جیویں میدے وچ سندور ملایا ہویا،
حُسن جمال تے روپ اوہدھے دا کوئی نہ حد بنّاں،
اُس دیاں نازک ہتھاں وچ سونے دا اک چھناں،
اوہ چھناں اُس آن کے میرے ہونٹاں نال لگایا،
ہابَڑ ہابَڑ پِین لگا میں ورہیاں دا ترہایا،
ٹھنڈا ٹھار پھلُودا سنگھوں لنگھدا جائے اگے،
دُدھ وراچھاں میریاں وچوں سجے کھبے وگے،
دُدھ پھلُودے چاڑھے مینوں نشے شراباں والے،
اینے چِروچ ہور وی حُوراں کھلیاں آن دوالے،
اوہناں نے کُجھ ہور سوغاتاں میرے لئی منگوایاں،
قِسماں قسم مُربے،میوے، حلوے تے مٹھیائیاں،
مُڑمیں ایناں وگ تگ کھادا کڑتا ڈِھڈ نہ کجے،
پاٹن ہاکا پیٹ، ندیدی اَکھ میری نہ رجے،
میری ایہو نیت سی پئی کدی نہ ایتھوں ہَلیے،
حُوراں آکھن "آؤجی ہُن سیر کرن نوں چلیے"،
اک تھاں مینوں شہد دی اوہناں وگدی نہر وکھائی،
جیویں جیویں ویکھاں وھددی جائے اکھیاں دی روشنائی،
کاراں اَتے جہازاں والے بُھل گئے سب جھوٹے،
قوس قزح وچ بہا کے مینوں حُوراں دتے ہُوٹے،
ہر کوئی مینوں جی جی بولے آکھے راج دُلارا،
میرے نال پروہنیاں ورگا اوہناں دا وَرتارا،
سرہیوں جھییاں سوہنیاں ناراں دِسن ہر ہر پاسے،
پتلے لک، بسنتی چُنیاں، ہونٹاں اُپر ہاسے،
میں پُچھیا نی حورو اڑیو"کاہنوں کِھڑ کِھڑ ہسو؟"،
میری ایڈی خدمت خاطر، وِچلی گل تے دَسو۔۔۔
آکھن لگیاں "بیبا، ایڈا پردہ کاہنوں پاناں؟"،
جنت وچ الیکشن ہونائے، ووٹ اسانوں پاناں!۔۔۔
