اک چادرِ بوسیدہ میں دوش پہ رکھتا ہوں ۔ آفتاب اقبال شمیم

[فرخ منظور]

غزل بشکریہ ظفر خاں صاحب، یاور ماجد صاحب۔

اک چادرِ بوسیدہ میں دوش پہ رکھتا ہوں
اور دولتِ دنیا کو پاپوش پہ رکھتا ہوں

کیفیت ِ بے خبری کیا چیز ہے کیا جانوں
بنیاد ہی ہونے کی جب ہوش پہ رکھتا ہوں

جو قرض کی مے پی کر تسخیرِ سخن کر لے
ایماں اُسی دلی کے مے نوش پہ رکھتا ہوں

آنکھوں کو ٹکاتا ہوں ہنگامہ دنیا پر
اور کان سخن ہائے خاموش پہ رکھتا ہوں

میں کون ہوں! ازلوں کی حیرانیاں کیا بولیں
اک قرض ہمیشہ کا میں گوش پہ رکھتا ہوں

(آفتاب اقبال شمیم)

 

[زیف سید]

جنابِ عالی، بہت شکریہ کہ آپ نے یہ اعلیٰ غزل عنایت کی۔ خاک سار نے پچھلے سال آفتاب صاحب کا انٹرویو کیا تھا، جس میں انہوں نے یہ غزل بھی سنائی تھی۔ درجِ ذیل ربط میں 22:40 پر یہ غزل سنی جا سکتی ہے:

http://bit.ly/aftab_iqbal_shameem

 

[فرخ منظور]

بہت شکریہ زیف صاحب۔ انٹرویو کا بہت لطف آیا۔

 

[فرخ منظور]

جو قرض کی مے پی کر تسخیرِ سخن کر لے
ایماں اُسی دلی کے مے نوش پہ رکھتا ہوں

(آفتاب اقبال شمیم)