فاتح
لائبریرین
اگ وی ہمتوں بوہتی دِتّی فر وی بھانڈے پلّے رہے
بھانبھڑ جہیاں دھُپّاں وچ وی میرے لیڑے گِلّے رہے
دوش دیو نہ جھکڑاں اُتّے سر توں اُڈّے تنبواںدا
کِلّے ٹھیک نئیں ٹھوکے خورے ساتھوں رسّے ڈھِلّے رہے
ایہدھر گبھرو لاشاں ڈِگیاں، سینے پاٹے ماواں دے
اودھر ٹھیک نشانے بدلے لگدے تکمے تِلّے رہے
میں وی دھی سی ڈولے پاؤنی سُوہا جوڑا لین گیا
ویکھ کے میری حالت ولّے ہسدے گوٹے تِلّے رہے
رستا، پینڈا، ویلا اکّو، منزل اُتّے اپڑن دا
پٹّن گے تقدیراں بہہ کے ذرا وی جیہڑے جِلّہے رہے
اک دیہاڑے بدّل وسیا جشن منایا چودھریاں
جھُگیاں دے فِر کئی دیہاڑے بالن چُلھّے سِلّے رہے
ساڈا حال وی پُچھّن جوگی اوہناں پلّے فرصت نئیں
جہناں دی تندرستی دے لئی بابا کٹدے چِلّے رہے
بھانبھڑ جہیاں دھُپّاں وچ وی میرے لیڑے گِلّے رہے
دوش دیو نہ جھکڑاں اُتّے سر توں اُڈّے تنبواںدا
کِلّے ٹھیک نئیں ٹھوکے خورے ساتھوں رسّے ڈھِلّے رہے
ایہدھر گبھرو لاشاں ڈِگیاں، سینے پاٹے ماواں دے
اودھر ٹھیک نشانے بدلے لگدے تکمے تِلّے رہے
میں وی دھی سی ڈولے پاؤنی سُوہا جوڑا لین گیا
ویکھ کے میری حالت ولّے ہسدے گوٹے تِلّے رہے
رستا، پینڈا، ویلا اکّو، منزل اُتّے اپڑن دا
پٹّن گے تقدیراں بہہ کے ذرا وی جیہڑے جِلّہے رہے
اک دیہاڑے بدّل وسیا جشن منایا چودھریاں
جھُگیاں دے فِر کئی دیہاڑے بالن چُلھّے سِلّے رہے
ساڈا حال وی پُچھّن جوگی اوہناں پلّے فرصت نئیں
جہناں دی تندرستی دے لئی بابا کٹدے چِلّے رہے
(بابا نجمی)
