ماوراء
محفلین
بسم اللہ الرحمن الرحیم۔
السلام علیکم اہل محفل،
جیسا کہ آپ کو معلوم ہے کہ محفل کی سالگرہ 30 جون کو منائی گئی تھی۔ پلان کے مطابق جولائی میں ایوارڈز دیئے جانے تھے۔ لیکن اللہ کو شاید کچھ اور ہی منظور تھا۔ ہم نے ایک مہینہ جو محفل کی سالگرہ کے حوالے سے کاموں پر سوچ رکھا تھا۔ کسی پر بھی ٹھیک سے عمل نہیں ہو سکا۔ اس کی وجہ آپ سب جانتے ہیں کہ ہمارے وطنِ عزیز کی صورت حال نازک ہونے کے ساتھ ساتھ محفل میں "سیاست" کے زمرے کی صورت حال بھی کافی خراب ہو گئی تھی۔ اس سے پہلے کہ سیاست کے زمرے میں ایک بار پھر سے شور اٹھے، ہمیں جلدی سے اپنے کام نمٹا لینے چاہیں۔
ایوارڈز کے دھاگے دو، تین ہفتوں سے کھلے ہوئے تھے۔ جو لوگ ووٹ دینا چاہتے تھے انہوں نے دئیے۔ ایک بات یہاں یاد رکھی جائے۔ کہ اگر کوئی یہ سمجھے کہ کہیں اس کے ساتھ زیادتی ہوئی ہے تو دل برداشتہ ہونے کے بجائے حوصلہ رکھیں۔ انشاءاللہ اگلا سال بھی ضرور آئے گا اور ہم اپنی کی ہوئی غلطیوں کو آنے والے سال تک سدھار سکتے ہیں۔
دوسری بات کہ ہم محفل میں پہلی بار ایوارڈز کا اجراء کر رہے ہیں۔ یقیناً اس میں کوئی نہ کوئی غلطی ہو سکتی ہے یا شاید کچھ خاص ایوارڈز رہ جائیں۔ اگر اراکین ایوارڈز کے حوالے سے اپنی اپنی تجاویز دیتے رہیں اور اپنی رائے کا اظہار کرتے رہیں تو آنے والے سال میں ہم زیادہ بہتر طور پر یہ کام انجام دے سکیں گے۔
آپ سب کے پاس ووٹنگ کے لیے زیادہ سے زیادہ ایک سے دو دن ہیں۔ جیسا کہ نبیل بھائی نے کہا ہے کہ وہ فورم میں ایوارڈ سسٹم کو جلد ہی انسٹال کر رہے ہیں۔ اور محب علوی ابو شامل کی مدد سے ایوارڈز کے آئکونز بنوا رہے ہیں (یا ایک مہینے سے بنوانے کا سوچ رہے ہیں) اس کے بعد ہم سب ایوارڈ یافتہ اراکین کے نام کے ساتھ ان کو دئیے گئے ایوارڈز بھی دیکھ سکیں گے۔
