ایک شعر از میرزا رفیع سودا تشریح و توضیح درکار ہے

[مغزل]

سلامت باشید

 

[چودھری ناصر حسین]

ذوقِ نظر ملے تو تماشا ہے کائنات
ہر ذرے میں چھپے ہیں کئی آفتاب سے
از واصف علی واصفؔ
جناب یوسف ثانی صاحب:آپ نے بہت اچھے انداز میں شعر کی تشریح کی اب لگے ہا تھوں واصف علی واصف کے اس شعر کی بھی وضاحت کرتے چلے خصو صََا دوسرے مصرے پر
نگاہِ دیدہِ تحقیق ڈالیے گا کیوں کہ اس
'' ہر ذرے میں چھپے ہیں کئی آفتاب سے''
پر تقریر لکھنا مقصود ہے
سمجھنے سے قاصر ہوں کہ اس کو رب ِکائنات سے متصل کریں یا عہدِحاضر کہ ہونہار طفلِ مکتب سے۔۔۔۔جلد از جلد جواب دیجیے گا۔۔۔۔شپاس گزار ہیں جناب کے۔۔۔۔۔

 

[چودھری ناصر حسین]

الف عین صاحب آپ بھی کچھ مدد کیجیے گا آپ کی عین نوازش ہو گی۔۔۔۔۔۔

 

[شہزاد احمد]

ذوقِ نظر ملے تو تماشا ہے کائنات
ہر ذرے میں چھپے ہیں کئی آفتاب سے
از واصف علی واصفؔ
سمجھنے سے قاصر ہوں کہ اس کو رب ِکائنات سے متصل کریں یا عہدِحاضر کہ ہونہار طفلِ مکتب سے۔۔۔ ۔

شاعر نے چونکہ کائنات کو تماشا کہا ہے اس لیے اس شعر کو اسی تناظر میں دیکھا جانا چاہیے ۔۔۔ یہ شعر شاعر کے "کائناتی شعور" کا عکاس ہے ۔۔۔ البتہ دوسرے مصرعے کو الگ سے پڑھا جائے تو اس کے معنی بدل جائیں گے ۔۔۔ اور اس مصرعے کو "ہونہار طفلان" پر بھی "چسپاں" کیا جا سکتا ہے ۔۔۔ گو کہ دوسرے مصرعے کی تشریح بھی سائنس کی رو سے کی جا سکتی ہے ۔۔۔

 

[چودھری ناصر حسین]

ہاں بجا فرمایا جناب نے ہمیں بھی یہی لگتا ہے دراصل ہم نے بحث چوں کہ دوسرے مصرے پر کرنی ہے اس لیے توجہ کا مرکز بھی یہی ہونا چاہیے۔۔باقی ہم اور بھی کسی صاحب فِراست خرامہ فرسائی کے متمنی ہیں دیدہ و دل فرشِ راہ ہیں

 

[شہزاد احمد]

ہاں بجا فرمایا جناب نے ہمیں بھی یہی لگتا ہے دراصل ہم نے بحث چوں کہ دوسرے مصرے پر کرنی ہے اس لیے توجہ کا مرکز بھی یہی ہونا چاہیے۔۔باقی ہم اور بھی کسی صاحب فِراست خرامہ فرسائی کے متمنی ہیں دیدہ و دل فرشِ راہ ہیں

وہ ضرور خامہ فرسائی فرمائیں گے اگر آپ ان کو ٹیگ کر دیں تو ۔۔۔ تاکہ ان کو بھی خبر ہو جائے کہ آپ نے "دیدہ و دل فرشِ راہ" کیا ہوا ہے ۔۔۔

 

[الف عین]

میری ذاتی تفہیم کے مطابق تو اس کا تعلق طالب علم سے ہی ہے، یعنی جو اپنے کو طالب علم سمجھتا ہے اور کائنات کے راز ہائے سر بستہ سے پردہ اٹھانا چاہتا ہے۔ ضمنی طور پر خالق کائنات کے نظام پر بھی اشارہ ضرور ہے، لیکن شعر دیدہء بینا سے ہی متعلق محسوس ہوتا ہے۔

 

[محمود احمد غزنوی]

حقیقت ایک ہے ہر شئے کی نوری ہو کہ ناری ہو
لہو خورشید کا ٹپکے اگر ذرّے کا دل چیریں۔۔۔۔
اقبال

 

[چودھری ناصر حسین]

وہی ہے مہر میں ذرے میں ہے جو رنگ نمود
کسی میں تیز کسی میں ذرا ظہور کیا

 

[چودھری ناصر حسین]

درپردہ نہیں ہے نور تیرا
ہر ذرے میں ہے ظہورتیرا

 

[چودھری ناصر حسین]

بات ذرے کی چلی تھی یاں ذرا سی ناصر لیکن
بڑھا دیا اہل ِ محفل نے زیبِ داستاں کے لیے

 

[شہزاد احمد]

دل ہر قطرہ ہے ساز انا البحر
ہم اس کے ہیں، ہمارا پوچھنا کیا

 

[چودھری ناصر حسین]

میری ذاتی تفہیم کے مطابق تو اس کا تعلق طالب علم سے ہی ہے، یعنی جو اپنے کو طالب علم سمجھتا ہے اور کائنات کے راز ہائے سر بستہ سے پردہ اٹھانا چاہتا ہے۔ ضمنی طور پر خالق کائنات کے نظام پر بھی اشارہ ضرور ہے، لیکن شعر دیدہء بینا سے ہی متعلق محسوس ہوتا ہے۔

بہت بہت نوازش عین نوازش۔۔ہم سپاس گزار ہیں جناب کے۔۔۔۔۔۔۔۔۔

 

[چودھری ناصر حسین]

نئے عنصر نہیں آتے چمن میں گل کھلانے کو
یہی ذرے ابھرتے ہیں یہی مٹی سنورتی ہے

 

[نایاب]

ذوقِ نظر ملے تو تماشا ہے کائنات
ہر ذرے میں چھپے ہیں کئی آفتاب سے
از واصف علی واصفؔ
شعر کی اصل حقیقت تو شاعر ہی جانتا ہے ۔ میں بھی لگے ہاتھوں کچھ لفاظی کرتا چلوں ۔
محترم واصف صاحب چونکہ اک روحانی بزرگی کے حامل تھے سو ان کا سب کلام " سالک " یعنی " حقیقت کی جستجو میں سرگرداں رہنے والوں کو اپنا مخاطب بناتا ہے ۔ سالک اک سائنسدان بھی ہو سکتا ہے اور اک طالب علم بھی ۔
اس شعر میں " ذوق نظر " سے مراد وہی ہے جس کو علامہ اقبال صاحب نے " نگاہ مرد مومن " قرار دیا ہے
یہ " ذوق نظر " جو کسی " مرد مومن " کو اس کائنات بارے غوروفکر کرتے نصیب ہوتی ہے ۔
تو اسکی نظر تحقیق و طلب کو ہمراہ لیئے کائنات کے کسی مظہر سے ٹکراتی ہے ۔ حقیقت کو کھوجتی ہے ۔
تو اس مظہر سے حجابات کے پردے اترنے لگتے ہیں ۔ اور چھپی ہوئی حقیقت سامنے آنے لگتی ہے ۔
اور حقیقت ازلی و ابدی سامنے آجاتی ہے کہ " ہر ذرہ خود میں کئی آفتاب چھپائے ہوئے ہے "
اسے چاہے مادیت سے منسلک کر لیں چاہے روحانیت سے بہر طور مقصود اک ہی نکلے گا ۔
بظاہر اک ذرہ معمولی نظر آتا ہے مگر جب سائنسدان کی نظر جستجو و تحقیق و طلب کو ہمراہ لیئے اس پر اپنی " توجہ " مرکوز کرتا ہے تو اس ذرے میں " ایٹم بم " دریافت ہوجاتا ہے ۔ اسی طرح بظاہر معمولی و سادہ نظر آنے والے انسان بھی اپنے اندر اتنا نور سمائے ہوتے ہیں ۔ جو نظر نہ آنے والی روحانی تاریکی کو اک نگاہ سے اجالے میں بدل دیتے ہیں ۔
نہ یہ شعر کی تشریح ہے نہ توضیح ۔ جو میرے ناقص علم نے سمجھایا تحریر کر دیا ۔ تاکہ کوئی صاحب علم اس پر رائے دیتے میرے علم میں اضافے کا سبب بنے ۔

 

[شہزاد احمد]

ذوقِ نظر ملے تو تماشا ہے کائنات
ہر ذرے میں چھپے ہیں کئی آفتاب سے
از واصف علی واصفؔ
شعر کی اصل حقیقت تو شاعر ہی جانتا ہے ۔ میں بھی لگے ہاتھوں کچھ لفاظی کرتا چلوں ۔
محترم واصف صاحب چونکہ اک روحانی بزرگی کے حامل تھے سو ان کا سب کلام " سالک " یعنی " حقیقت کی جستجو میں سرگرداں رہنے والوں کو اپنا مخاطب بناتا ہے ۔ سالک اک سائنسدان بھی ہو سکتا ہے اور اک طالب علم بھی ۔
اس شعر میں " ذوق نظر " سے مراد وہی ہے جس کو علامہ اقبال صاحب نے " نگاہ مرد مومن " قرار دیا ہے
یہ " ذوق نظر " جو کسی " مرد مومن " کو اس کائنات بارے غوروفکر کرتے نصیب ہوتی ہے ۔
تو اسکی نظر تحقیق و طلب کو ہمراہ لیئے کائنات کے کسی مظہر سے ٹکراتی ہے ۔ حقیقت کو کھوجتی ہے ۔
تو اس مظہر سے حجابات کے پردے اترنے لگتے ہیں ۔ اور چھپی ہوئی حقیقت سامنے آنے لگتی ہے ۔
اور حقیقت ازلی و ابدی سامنے آجاتی ہے کہ " ہر ذرہ خود میں کئی آفتاب چھپائے ہوئے ہے "
اسے چاہے مادیت سے منسلک کر لیں چاہے روحانیت سے بہر طور مقصود اک ہی نکلے گا ۔
بظاہر اک ذرہ معمولی نظر آتا ہے مگر جب سائنسدان کی نظر جستجو و تحقیق و طلب کو ہمراہ لیئے اس پر اپنی " توجہ " مرکوز کرتا ہے تو اس ذرے میں " ایٹم بم " دریافت ہوجاتا ہے ۔ اسی طرح بظاہر معمولی و سادہ نظر آنے والے انسان بھی اپنے اندر اتنا نور سمائے ہوتے ہیں ۔ جو نظر نہ آنے والی روحانی تاریکی کو اک نگاہ سے اجالے میں بدل دیتے ہیں ۔
نہ یہ شعر کی تشریح ہے نہ توضیح ۔ جو میرے ناقص علم نے سمجھایا تحریر کر دیا ۔ تاکہ کوئی صاحب علم اس پر رائے دیتے میرے علم میں اضافے کا سبب بنے ۔

واہ!

 

[چودھری ناصر حسین]

نا یا ب صاحب ۔۔اچھا ناقص علم ہے آپ کا۔۔

 

[احمد بلال]

براہِ کرم سودا کے اِس شعر کی تشریح کردیں:

سودا نگاہِ دیدہِ تحقیق کے حضور
جلوہ ہر ایک ذرے میں ہے آفتاب کا

میرزا رفیع سودا

اسی مفہوم میں علامہ اقبال نے کہا تھا
"حقیقت ایک ہے ہر شے کی خاکی ہو کہ نوری ہو
لہو خورشید کا ٹپکے اگر ذرے کا دل چیریں"

 

[احمد بلال]

بجا فرمایا آپ نے ۔ اشکال کافی حد تک دور ہوگیا لیکن یہ نگاہ اور دیدہ کو یکجا کرنے سے کیا مراد ہے یہاں؟ کیا نگاہ سے مراد نظر اور دیدہ سے مراد آنکھ ہے؟

نگاہ اور دیدہ میں فرق ہوتا ہے۔ نگاہ اور چیز ہے دیدہ اور ۔ نگاہ کے معنی نظر کے ہیں