ایک شعر ایک خواہش جو کاش کبھی پوری ہو۔۔ نیا سلسلہ

[مغزل]

شعر لوگوں کے بہت یاد ہیں اورروں کے لیے
تو ملے تو میں تجھے شعر سناؤں اپنے

انور شعور

 

[مغزل]

کاش ایسا ہو میں جی بھر کے تجھے دیکھ سکوں
کاش ایسا ہو مرے پاس کبھی تو آئے

 

[مغزل]

شام آئے اور گھر کے لیے دل مچل پڑے
شام آئے اور دل کے لیے کوئی گھر نہ ہو
اختر عثمان

 

[محمد وارث]

اس جہاں میں ایسی کوئی بات ہو
جیت ہو اور نے کسی کی مات ہو

خاکسار

 

[مغزل]

کہاں کہاں نہ پھرا روئے یار کی خاطر
کہ خوا ب میں سہی اس کو دیکھتا تو سہی
خاکسار کی ایک غزل کا شعر

 

[غ۔ن۔غ]

کاش ایسا ہو کہ اپنی دوستی قائم رہے
روز ہم ملتے رہیں اور تشنگی قائم رہے
لفظ خوشبو ہی رہیں میری سماعت کے لئے
تیری باتوں میں ہمیشہ تازگی قائم رہے

 

[غ۔ن۔غ]

الله کرے جہاں کو میری یاد بھول جائے
الله کرے کہ تم کبھی ایسا نہ کر سکو
میرے سوا کسی کی نہ ہو تم کو جستجو
میرے سوا کسی کی تمنا نہ کر سکو

 

[مغزل]

آج پھر جھیل کنارے مجھے تڑپاتا ہے
کاش اس چاند کو پانی میں کوئی حل کر دے

 

[محمود احمد غزنوی]

کبھی اے حقیقتِ منتظر، نظر آ لباسِ مجاز میں۔۔۔۔۔​

کہ ہزاروں سجدے تڑپ رہے ہیں مری جبینِ نیاز میں​

 

[عظیم اللہ قریشی]

اس زندگی میں اتنی فرغت کسے نصیب
اتنا نہ یاد آ کہ تجھے بھول جائیں ہم

 

[غ۔ن۔غ]

اور ہم بیٹھ کے خاموشی سے روئے جاتے
شام ہوتی، کسی دریا کا کنارا ہوتا

 

[شاکرالقادری]

وہ آکے خواب میں تسیکن اضطرب تو دے
ولے مجھے تپش دل مجال خواب تو دے

 

[کاشفی]

یہ آرزو تھی تجھے گُل کے رُوبرُو کرتے
ہم اور بلبلِ بے تاب گفتگو کرتے
(خواجہ حیدر علی آتش)

 

[زبیر مرزا]

کوئی دن گر زندگانی اور ہے
اپنے جی میں ہم نے ٹھانی اور ہے

(مرزاغالب)

 

[کاشفی]

ملا جو موقع تو روک دوں گا جلال روزِ حساب تیرا
پڑھوں گا رحمت کا وہ قصیدہ کہ ہنس پڑے گا عتاب تیرا
(جوش ملیح آبادی)

 

[محمد وارث]

ابنِ مریم ہوا کرے کوئی
میرے دکھ کی دوا کرے کوئی

غالب

 

[کاشفی]

سب سے چُھپتے ہیں چھُپیں، مجھ سے تو پردا نہ کریں
سیرِ گلشن وہ کریں شوق سے، تنہا نہ کریں
(سید فضل الحسن حسرت موہانی)

 

[ایم اے راجا]

کاش بدلے ملال کا موسم
سبز ہو اگلے سال کا موسم
(ایم اے راجا)

 

[محمد وارث]

جو تمنّا بھر نہ آئے عمر بھر
عمر بھر اس کی تمنّا کیجیے

اختر شیرانی

 

[مغزل]

یہ آرزو تھی تجھے گل کے روبرو کرتے
ہم اور بلبلِ بے تاب گفت گو کرتے
خواجہ حیدر علی آتش