ایک غزل - ہوتا ہے ہر اک صبح ہی جینے کا اعادہ

[ارشد رشید]

یاسر شاہ الف عین شکیل احمد خان23 محمد احسن سمیع راحلؔ علی وقار خورشیداحمدخورشید صریر

غزل

ہوتا ہے ہر اک صُبح ہی جینے کا اِعادہ
دل ویسے مگر شام کو دھڑکے ہے زیادہ
ایسی بھی تری راہ میں کچھ منزلیں آئیں
جن کا تو کبھی تھا بھی نہیں اپنا ارادہ
یادوں کی جو مے شام صُراحی سے اُنڈیلی
ہے اپنے لیے بس وہی اک ساغر و بادہ
ہے کارِ جنوں اپنا بھی فرہاد کے جیسا
ہاں اُس سے کبھی کم تو کبھی اُس سے زیادہ
آفاق کے جلوؤں کا اشارہ بھی سمجھ لے
جتنا کہ وہ رنگین ہے اُتنا ہی ہے سادہ
آسان سمجھتے ہو میاں عشق کو جو تم
منزل تو رہی دور، ملے گا نہیں جادہ
کیوں لوگ سمجھتے ہیں کہ برباد ہے ارشد
مے پاس ہے اُس کے نہ ہی کچھ ویسا لبادہ

ارشد رشید

 

[صریر]

یاسر شاہ الف عین شکیل احمد خان23 محمد احسن سمیع راحلؔ علی وقار خورشیداحمدخورشید صریر

غزل

ہوتا ہے ہر اک صُبح ہی جینے کا اِعادہ
دل ویسے مگر شام کو دھڑکے ہے زیادہ
ایسی بھی تری راہ میں کچھ منزلیں آئیں
جن کا تو کبھی تھا بھی نہیں اپنا ارادہ
یادوں کی جو مے شام صُراحی سے اُنڈیلی
ہے اپنے لیے بس وہی اک ساغر و بادہ
ہے کارِ جنوں اپنا بھی فرہاد کے جیسا
ہاں اُس سے کبھی کم تو کبھی اُس سے زیادہ
آفاق کے جلوؤں کا اشارہ بھی سمجھ لے
جتنا کہ وہ رنگین ہے اُتنا ہی ہے سادہ
آسان سمجھتے ہو میاں عشق کو جو تم
منزل تو رہی دور، ملے گا نہیں جادہ
کیوں لوگ سمجھتے ہیں کہ برباد ہے ارشد
مے پاس ہے اُس کے نہ ہی کچھ ویسا لبادہ

ارشد رشید

ماشاءاللہ سر،اچھی غزل ہے! الفاظ آسان ہیں اور انداز بیاں سادہ ۔ ایک دو جگہوں پر تنافر کا عیب بھی محسوس ہوا، جو بیان کی سادگی کو پھیکا کر رہا ہے۔

یہ دونوں شعر پسند آئے!!👍

ہوتا ہے ہر اک صُبح ہی جینے کا اِعادہ
دل ویسے مگر شام کو دھڑکے ہے زیادہ

آفاق کے جلوؤں کا اشارہ بھی سمجھ لے
جتنا کہ وہ رنگین ہے اُتنا ہی ہے سادہ

 

[صریر]

ہوتا ہے ہر اک صُبح ہی جینے کا اِعادہ
دل ویسے مگر شام کو دھڑکے ہے زیادہ

کیا 'ہوتا' کی جگہ 'یوں تو' لایا جا سکتا ہے ؟

 

[شکیل احمد خان23]

ہوتا ہے ہر اک صُبح ہی جینے کا اِعادہ
دل ویسے مگر شام کو دھڑکے ہے زیادہ۔۔۔۔۔۔۔۔۔۔۔۔۔۔۔ارشد صاحب کمال کردیا ، بے شمار واہ وا!
ایسی بھی تری راہ میں کچھ منزلیں آئیں۔۔۔۔۔۔۔۔۔۔۔۔۔۔۔۔یہاں مجھے لگ رہا ہے کہ تری کی جگہ مری ہو مگر آپ نے کچھ سوچ کر ہی بات کسی اور کے نام کی ہوگی
جن کا تو کبھی تھا بھی نہیں اپنا ارادہ۔۔۔۔۔۔۔۔۔۔۔۔۔۔۔۔۔۔۔واہ مگر مری کے ساتھ
یادوں کی جو مے شام صُراحی سے اُنڈیلی۔۔۔۔۔۔۔۔۔۔۔۔۔۔۔سرخ لفظ کچھ پرابلم نہ کرے تو
ہے اپنے لیے بس وہی اک ساغر و بادہ۔۔۔۔۔۔۔۔۔۔۔۔۔۔۔واہ ارشد صاحب مکرراِرشاد!۔۔۔۔خیال بہت ہی اعلیٰ و ارفعٰ اور منفرد، واہ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔واہ،
ہے کارِ جنوں اپنا بھی فرہاد کے جیسا
ہاں اُس سے کبھی کم تو کبھی اُس سے زیادہ۔۔۔۔۔۔۔۔۔۔۔۔۔۔۔واہ!
آفاق کے جلوؤں کا اشارہ بھی سمجھ لے۔۔۔۔۔۔۔۔۔۔۔۔۔۔۔۔۔۔۔۔۔اگر جلووں املا کرلیا جائے؟
جتنا کہ وہ رنگین ہے اُتنا ہی ہے سادہ۔۔۔۔۔۔۔۔۔۔۔۔۔۔۔۔بے شک ، بلاشبہ ۔۔۔۔۔۔لاریب۔۔۔۔۔واہ!
آسان سمجھتے ہو میاں عشق کو جو تم
منزل تو رہی دور، ملے گا نہیں جادہ۔۔۔۔۔۔۔۔۔۔۔۔۔۔۔۔کیا بات کہی دے تالی۔۔واہ۔۔۔۔۔۔۔۔۔۔۔بالکل تکلم اور براہِ راست بات چیت کا انداز
کیوں لوگ سمجھتے ہیں کہ برباد ہے ارشد
مے پاس ہے اُس کے نہ ہی کچھ ویسا لبادہ۔۔۔۔۔۔۔۔۔۔۔۔۔۔بس اِس میں ذرادور کی بات معلوم ہوئی تو سوچنا پڑا اور پھر خیال تک رسائی ہوئی۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔چلیں اِس بہانے تھوڑی سی ذہنی ورزش ہی سہی۔۔۔۔۔۔۔۔مگر آپ کی زندہ دل، مردانہ وار
ہنستی مسکراتی ، خوش باش اور باغ و بہار تحریریں تو خود۔۔۔۔۔۔۔ لوگوں کی اِس خام خیالی پر پہلے سے خنداں تھیں تو پھر آپ کو کیوں جتلانا پڑگیا۔۔۔۔۔۔۔۔۔۔۔۔۔۔۔۔۔۔۔۔۔بہرحال بہت دنوں کے بعد ایک خوبصورت غزل پڑھنے کا موقع ملا ۔۔۔۔۔۔۔۔۔۔۔واہ اور بہت بہت شکریہ۔۔۔۔۔۔۔۔۔

 

[شکیل احمد خان23]

یادوں کی جو مے شام صُراحی سے اُنڈیلی
ہے اپنے لیے بس وہی اک ساغر و بادہ

یادوں کی جو مے شام صراحی سے لی میں
ہے اپنے لیے بس یہی اب ساغر و بادہ

 

[ارشد رشید]

ہوتا ہے ہر اک صُبح ہی جینے کا اِعادہ
دل ویسے مگر شام کو دھڑکے ہے زیادہ۔۔۔۔۔۔۔۔۔۔۔۔۔۔۔ارشد صاحب کمال کردیا ، بے شمار واہ وا!
ایسی بھی تری راہ میں کچھ منزلیں آئیں۔۔۔۔۔۔۔۔۔۔۔۔۔۔۔۔یہاں مجھے لگ رہا ہے کہ تری کی جگہ مری ہو مگر آپ نے کچھ سوچ کر ہی بات کسی اور کے نام کی ہوگی
جن کا تو کبھی تھا بھی نہیں اپنا ارادہ۔۔۔۔۔۔۔۔۔۔۔۔۔۔۔۔۔۔۔واہ مگر مری کے ساتھ
یادوں کی جو مے شام صُراحی سے اُنڈیلی۔۔۔۔۔۔۔۔۔۔۔۔۔۔۔سرخ لفظ کچھ پرابلم نہ کرے تو
ہے اپنے لیے بس وہی اک ساغر و بادہ۔۔۔۔۔۔۔۔۔۔۔۔۔۔۔واہ ارشد صاحب مکرراِرشاد!۔۔۔۔خیال بہت ہی اعلیٰ و ارفعٰ اور منفرد، واہ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔واہ،
ہے کارِ جنوں اپنا بھی فرہاد کے جیسا
ہاں اُس سے کبھی کم تو کبھی اُس سے زیادہ۔۔۔۔۔۔۔۔۔۔۔۔۔۔۔واہ!
آفاق کے جلوؤں کا اشارہ بھی سمجھ لے۔۔۔۔۔۔۔۔۔۔۔۔۔۔۔۔۔۔۔۔۔اگر جلووں املا کرلیا جائے؟
جتنا کہ وہ رنگین ہے اُتنا ہی ہے سادہ۔۔۔۔۔۔۔۔۔۔۔۔۔۔۔۔بے شک ، بلاشبہ ۔۔۔۔۔۔لاریب۔۔۔۔۔واہ!
آسان سمجھتے ہو میاں عشق کو جو تم
منزل تو رہی دور، ملے گا نہیں جادہ۔۔۔۔۔۔۔۔۔۔۔۔۔۔۔۔کیا بات کہی دے تالی۔۔واہ۔۔۔۔۔۔۔۔۔۔۔بالکل تکلم اور براہِ راست بات چیت کا انداز
کیوں لوگ سمجھتے ہیں کہ برباد ہے ارشد
مے پاس ہے اُس کے نہ ہی کچھ ویسا لبادہ۔۔۔۔۔۔۔۔۔۔۔۔۔۔بس اِس میں ذرادور کی بات معلوم ہوئی تو سوچنا پڑا اور پھر خیال تک رسائی ہوئی۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔چلیں اِس بہانے تھوڑی سی ذہنی ورزش ہی سہی۔۔۔۔۔۔۔۔مگر آپ کی زندہ دل، مردانہ وار
ہنستی مسکراتی ، خوش باش اور باغ و بہار تحریریں تو خود۔۔۔۔۔۔۔ لوگوں کی اِس خام خیالی پر پہلے سے خنداں تھیں تو پھر آپ کو کیوں جتلانا پڑگیا۔۔۔۔۔۔۔۔۔۔۔۔۔۔۔۔۔۔۔۔۔بہرحال بہت دنوں کے بعد ایک خوبصورت غزل پڑھنے کا موقع ملا ۔۔۔۔۔۔۔۔۔۔۔واہ اور بہت بہت شکریہ۔۔۔۔۔۔۔۔۔

شکیل صاحب اتنی پزیرائی اور محبت میری توقع سے کہیں زیادہ ہے - آپ کا ممنون ہوں کہ آپ نے مجھ ناچیز کی کوشش کو اتنی داد کے قابل سمجھا- اللہ خوش رکھے آپ کو-
باقی تری اور مری دونوں ہی صحیح ہیں - آپ مری کہتے میں تری کہنا چاہ رہا ہوں - اس سے مری نظر میں سمت متعین ہو جاتی ہے - باقی باتیں دونوں ہی ٹھیک ہیں -
انڈیلی کو میں نے نون غنہ سے باندھا ہے کیونکہ استاد شعرا کے ہاں ایسا ہی دیکھا گو کہ فیروزاللغات میں نون کا اعلان ہے -

بہر حال - بڑی نوازش جناب -

 

[ارشد رشید]

ماشاءاللہ سر،اچھی غزل ہے! الفاظ آسان ہیں اور انداز بیاں سادہ ۔ ایک دو جگہوں پر تنافر کا عیب بھی محسوس ہوا، جو بیان کی سادگی کو پھیکا کر رہا ہے۔

بہت شکریہ سر

 

[ارشد رشید]

کیا 'ہوتا' کی جگہ 'یوں تو' لایا جا سکتا ہے ؟

جی لایا تو ضرور جا سکتا ہے مگر یہ شاعر پر منحصر ہے کہ وہ بات کس طرح کہنا چاہ رہا ہے - میرے نزدیک ہوتا ہے زیادہ بہتر طور پر مفہوم ادا کر رہا ہے - آپ کو اس سے اختلاف یقینا ہو سکتا ہے -

 

[شکیل احمد خان23]

آپ کا ممنون ہوں

میں بھی آپ کا شکرگزار ہوں محترم کہ آپ اور دیگر اساتذۂ فن سے بہت کچھ سیکھنے کو ملتا ہے ۔آپ اور دیگر اساتذہ کی عالمانہ بحثیں، عاقلانہ باتیں اور فاضلانہ مراسلے ، یقین کیجیے اِس ویب سائٹ کی شان ہیں ۔خدا آپ سب کو سلامت رکھے اور یہ سلسلے چلتے رہیں تو اُمید ہے کہ اُردُو زبان و ادب کو وہ مقام میسر آجائے گا جس کا خواب اکابرین اُردُو نے کبھی دیکھا تھا اور عملاً اِس میں بہت بڑا کردار ادا کرکے اپنا حصہ بھی ڈالاتھا ۔۔۔۔۔۔۔۔۔۔۔۔۔۔۔خدا آپ کو خوش اورتندرست و توانا رکھے ،آپ کے قلم کی جولانیاں قائم اور برقرار رہیں آمین ثم آمین یارب العالمین۔۔۔۔۔۔۔۔

 

[یاسر شاہ]

السلام علیکم محبی و محترمی رشید صاحب تاخیر پہ معذرت ۔
تبصرہ کر تا مگر شاید آخر میں آپ یہی فرمائیں کہ ادارہ آپ کی رائے سے متفق نہیں لہذا اس شعر پہ داد قبول کیجیے:

آسان سمجھتے ہو میاں عشق کو جو تم
منزل تو رہی دور، ملے گا نہیں جادہ

ماشاء اللہ بہت خوبصورت شعر ہے۔
بے ساختہ پن اور چست بندش قابل ستائش ہے ۔کہیں کوئی لفظ زائد از ضرورت نہیں ۔

 

[خورشیداحمدخورشید]

یاسر شاہ الف عین شکیل احمد خان23 محمد احسن سمیع راحلؔ علی وقار خورشیداحمدخورشید صریر

محترم ارشدصاحب! ٹیگ کرنے کا شکریہ۔
خوبصورت غزل۔ مضامین بہترین۔
میں خودبزمِ سخن کا طالب علم ہوں۔اپنی استطاعت کے مطابق کچھ عرض کرتا ہوں ۔ اگر پسند نہ آئے تو آپ کے قول کے مطابق آپ کا اس سے متفق ہونا ضروری نہیں۔ اسے میرا ادنٰی خیال سمجھ کر رد کردیں

ہوتا ہے ہر اک صُبح ہی جینے کا اِعادہ
دل ویسے مگر شام کو دھڑکے ہے زیادہ

صبح ہی میں تنافر محسوس ہوتا ہے ۔ اسی طرح ویسے مگر میں سے ایک زائد لگ رہا ہے۔ اس کو ایسے کہا جاسکتا ہے
دل ویسے مرا شام کو دھڑکے ہے زیادہ

ایسی بھی تری راہ میں کچھ منزلیں آئیں
جن کا تو کبھی تھا بھی نہیں اپنا ارادہ

یہاں میری رائے شکیل خان صاحب جیسی ہے۔ یعنی منزلیں تری راہ میں آئیں اور ارادہ میرا نہیں تھا۔ یہ وضاحت طلب ہے۔

یادوں کی جو مے شام صُراحی سے اُنڈیلی
ہے اپنے لیے بس وہی اک ساغر و بادہ

یادوں کی مئے ہے تو صراحی کس چیز کی؟ اصل صراحی میں تو یادوں کی مئے نہیں ہوتی۔ اسی طرح شام اکیلا بھی عجیب لگ رہا ہے۔ تجویز
ہر شام تری یاد میں ڈوبا ہوں میں ایسے
جیسے ہو تری یاد ہی اک ساغرو بادہ

 

[ارشد رشید]

صبح ہی میں تنافر محسوس ہوتا ہے ۔ اسی طرح ویسے مگر میں سے ایک زائد لگ رہا ہے

جناب خورشید صاحب - میں عموما ایسی باتوں کے جواب میں یہی لکھتا ہوں کہ ایڈیٹر کا مراسلہ نگار کی رائے سے متفق ہونا ضروری نہیں مگر آپ نے پہلے ہی یہ کہہ دیا تھا لہذا اپنا خیال آپ تک پہنچانے کی کوشش کرتا ہوں - اور اگر آپ اتفاق نہ کریں تو آپ بھی یہی کہہ سکتے ہیں - کہ ایڈیٹر کا مراسلہ نگار کی رائے سے متفق ہونا ضروری نہیں
تنافر ایک اضافی چیز ہے - آپ کو محسوس ہو دوسرے کو ہو سکتا ہے کہ نہ ہو - اس میں اساتذہ کی روش اپنا تا ہوں کہ اگر برا نہیں لگ رہا تو تنافر تو ہے عیب نہیں -
تو جناب مجھے صبح ہی بولنے میں زبان کی کوئ مشکل نہیں معلوم ہوتی لہذا میرے نزدیک یہ عیب نہیں ہے

 

[ارشد رشید]

یعنی منزلیں تری راہ میں آئیں اور ارادہ میرا نہیں تھا۔ یہ وضاحت طلب ہے۔

جناب یہ اعتراض سمجھ کا ہے - تری منزلیں کا مطلب ہے کہ میں جس راستے پہ جا رہا ہوں وہ تیری طرف جاتا ہے - تو اس راہ میں جو تیری طرف جاتی تھی ایسی بھی منزلوں سے گزرا جن کا کبھی ارادہ بھی نہیں کیا تھا - ایسی بھی تری راہ میں کچھ منزلیں آئیں - مگر میں سمجھ سکتا ہوں کہ اس میں ایک ابہام ہے -

 

[ارشد رشید]

محترم ارشدصاحب! ٹیگ کرنے کا شکریہ۔
خوبصورت غزل۔ مضامین بہترین۔
میں خودبزمِ سخن کا طالب علم ہوں۔اپنی استطاعت کے مطابق کچھ عرض کرتا ہوں ۔ اگر پسند نہ آئے تو آپ کے قول کے مطابق آپ کا اس سے متفق ہونا ضروری نہیں۔ اسے میرا ادنٰی خیال سمجھ کر رد کردیں

صبح ہی میں تنافر محسوس ہوتا ہے ۔ اسی طرح ویسے مگر میں سے ایک زائد لگ رہا ہے۔ اس کو ایسے کہا جاسکتا ہے
دل ویسے مرا شام کو دھڑکے ہے زیادہ

یہاں میری رائے شکیل خان صاحب جیسی ہے۔ یعنی منزلیں تری راہ میں آئیں اور ارادہ میرا نہیں تھا۔ یہ وضاحت طلب ہے۔

یادوں کی مئے ہے تو صراحی کس چیز کی؟ اصل صراحی میں تو یادوں کی مئے نہیں ہوتی۔ اسی طرح شام اکیلا بھی عجیب لگ رہا ہے۔ تجویز
ہر شام تری یاد میں ڈوبا ہوں میں ایسے
جیسے ہو تری یاد ہی اک ساغرو بادہ

جناب یادوں کی مے جس صراحی سے انڈیلی ہے وہ شام ہے - یہاں میں نے شام کو صراحی سے تشبیہ دی ہے اور شام صراحی کی ایک اصطلاح پیش کی ہے -
شام صراحی سے جو مے انڈیلی ہے وہ یادیں ہیں تو ہر شام انہی یادوں میں رہنا میرے لیے ساغر و بادہ ہے -

 

[خورشیداحمدخورشید]

محترم ارشدصاحب!
میرے جیسے طالب علم سیکھنے کی غرض سے ہی سوال و جواب کرتے ہیں ۔ آپ کے مراسلات سے ظاہر ہوتا ہے کہ آپ سوال و جواب کو پسند کرتے ہیں۔بے لاگ سوال کرتے ہیں اور سوال سنتے بھی ہیں ۔آپ کے جوب میں کچھ تشنگی رہ گئی اس لیے میں دوبارہ جسارت کررہا ہوں۔

ہوتا ہے ہر اک صُبح ہی جینے کا اِعادہ
دل ویسے مگر شام کو دھڑکے ہے زیادہ

ویسے مگر میں سے ایک زائد لگ رہا ہے۔ کیا یہ بہتر نہیں؟

دل ویسے مرا شام کو دھڑکے ہے زیادہ​

یادوں کی جو مے شام صُراحی سے اُنڈیلی
ہے اپنے لیے بس وہی اک ساغر و بادہ
جناب یادوں کی مے جس صراحی سے انڈیلی ہے وہ شام ہے - یہاں میں نے شام کو صراحی سے تشبیہ دی ہے اور شام صراحی کی ایک اصطلاح پیش کی ہے -
شام صراحی سے جو مے انڈیلی ہے وہ یادیں ہیں تو ہر شام انہی یادوں میں رہنا میرے لیے ساغر و بادہ ہے -

سر! آپ نے کہا
یادوں کی مے
شام صراحی
یا تو یہ اس طرح ہو کہ

یادیں مئے جو شام صراحی سے انڈیلیں (یہ بہتر نہیں لگے گا)​

یا پھر یادوں اور شام دونوں کے ساتھ کی ہو نی چاہیے جیسے

یادوں کی جو مے شام کی مینا سے اُنڈیلی​

 

[ارشد رشید]

ویسے مگر میں سے ایک زائد لگ رہا ہے۔ کیا یہ بہتر نہیں؟

​

خورشید صاحب ویسے مگر میں ہو سکتا ہے ایک لفظ زائد لگ رہا ہو مگر میں نے چونکہ ایسا روز مرہ کی گفتگو میں سنا ہے لہذا استعمال کیا اور ابھی تک جن چند اردو دانوں کو میں اپنی غزل پہلے دکھائی انہوں نے بھی اعتراض نہیں کیا سو میں نے اسکو روا سمجھا - مگر آپ کی بات بھی دل کو لگتی ہے میں اس پر اور غور کرتا ہوًں -
آپ کا تجویز کردہ میر ا اس شعر کو صرف مجھ تک محدود کردے گا جبکہ میں ایک عمومی بات کرنا چاہ رہا ہوں -
آپ کے کہنے پر دوبارہ کوشش کروں گا

 

[ارشد رشید]

سر! آپ نے کہا
یادوں کی مے
شام صراحی
یا تو یہ اس طرح ہو کہ

یادیں مئے جو شام صراحی سے انڈیلیں (یہ بہتر نہیں لگے گا)​

یا پھر یادوں اور شام دونوں کے ساتھ کی ہو نی چاہیے جیسے

یادوں کی جو مے شام کی مینا سے اُنڈیلی​

سر یہاں میں آپ سے مؤدبانہ اختلاف کروں گا یہ مصرعہ میرے حساب سے ایسے ہی بہتر ہے اور یہ معاملہ اپنے اپنے ذوق کا ہے زبان و بیان کا مسئلہ نہیں لہذا اسے ایسے ہی میں درست سمجھتا ہوں - آپ یقینا اس سے اختلاف کر سکتے ہیں -

 

[شکیل احمد خان23]

​

 

[ارشد رشید]

جزاک اللہ خیر

 

[خورشیداحمدخورشید]

یادوں کی جو مے شام صُراحی سے اُنڈیلی
ہے اپنے لیے بس وہی اک ساغر و بادہ
جناب یادوں کی مے جس صراحی سے انڈیلی ہے وہ شام ہے - یہاں میں نے شام کو صراحی سے تشبیہ دی ہے اور شام صراحی کی ایک اصطلاح پیش کی ہے -
شام صراحی سے جو مے انڈیلی ہے وہ یادیں ہیں تو ہر شام انہی یادوں میں رہنا میرے لیے ساغر و بادہ ہے

سر! ایک مسئلہ آپ نے غرابت کا چھیڑا تھا ۔
تو کیا شام صراحی ایک نئی اصطلاح نہیں اور غرابت کے زمرے میں نہیں آئے گی؟
(کیونکہ اب تک ہم نے شام چوراسی تو سنا ہے شام صراحی نہیں۔)