مجھے اس بات سے اختلاف کرنے کی اجازت دیجئے۔ دل ناداں تجھے ہوا کیا ہے، آخر اس درد کی دوا کیا ہے۔ اس میں ہُوا اور دَوا کے بارے میں آپ کی کیا رائے۔ اسی طرح سے اقبال کی "سارے جہاں سے اچھا ہندوستاں" میں ہندوستاں میں 'س' ساکن آرہا ہے جب کہ گلستاں میں 'س' کے نیچے زیر ہے۔
غالبؔ کی جو مثال آپ نے پیش کی ہے، وہ ایطائے خفی کے باب میں اکثر پیش کی جاتی ہے۔ ایطائے خفی کی مثالیں اساتذہ کے یہاں بہتیری مل جاتی ہیں، اس لئے اس کو روا رکھا جاتا ہے، مشورہ یہ دیا جاتا ہے کہ اس کو عمداً نہ برتا جائے۔ آپ کے مطلعے میں بھی میرے خیال میں ایطائے خفی ہی ہے کیونکہ روی سے ماقبل کے حروف میں محض حرکت کا اختلاف ہے۔ ایطائے جلی، میری ناقص رائے میں، تب لازم آتا جب آپ چلنا کے ساتھ گرنا کو قافیہ لاتے۔ واللہ اعلم۔
کیا دوا اور ہوا قافیے ہیں؟ اگر ہیں تو کیسے؟ 'وا' دونوں میں مشترک ہے۔ 'ہ' پر پیش ہے اور 'د' پر زبر۔ اور اگر یہ قافیے جائز ہیں تو جو اقتباس آپ نے کسی استاد کی تحریر سے لے کر اوپر درج کیا ہے وہ درست ہے۔ مجھ ناچیز کے شعروں کے قوافی سے اگر 'نا' کو نہ نکالا جائے تو پھر چلنا اور کھلنا بھی قوافی ہیں۔'نا' مشترک ہے، 'ل' ساکن ہے اور ان سے پہلے کی حروف کی مختلف حرکات ہیں جیسے دوا اور ہوا میں 'د' اور 'ہ' کی ہیں۔
دوا اور ہوا میں ایطائے خفی ہے، یہی میں نے اوپر بھی لکھا تھا اور یہ بھی عرض کیا تھا کہ آپ نے جو مثال دی وہ ایطائے خفی کے باب میں اکثر پیش کی جاتی ہے۔ ایطائے خفی اساتذہ کے یہاں موجود ہے، مگر اس سے اس کا عیب ہونا ختم نہیں ہوتا۔ آپ کے شعر کے حوالے سے بھی میری عاجزانہ رائے یہی ہے کہ اس میں ایطائے خفی ہے (ممکن ہے میں اپنی رائے میں غلط ہوں) جو گو ایک عیب ہے، مگر روا ہے۔ میرے خیال میں اس کے عمداً ارتکاب سے احتراز کرنا چاہیئے۔
یہ فرمائیے کہ مصادر والے قافیوں سے 'نا' نکال کر قافیہ پرکھنے کی شرط کی منطق کیا ہے؟دوا اور ہوا میں ایطائے خفی ہے، یہی میں نے اوپر بھی لکھا تھا اور یہ بھی عرض کیا تھا کہ آپ نے جو مثال دی وہ ایطائے خفی کے باب میں اکثر پیش کی جاتی ہے۔ ایطائے خفی اساتذہ کے یہاں موجود ہے، مگر اس سے اس کا عیب ہونا ختم نہیں ہوتا۔ آپ کے شعر کے حوالے سے بھی میری عاجزانہ رائے یہی ہے کہ اس میں ایطائے خفی ہے (ممکن ہے میں اپنی رائے میں غلط ہوں) جو گو ایک عیب ہے، مگر روا ہے۔ میرے خیال میں اس کے عمداً ارتکاب سے احتراز کرنا چاہیئے۔
باقی ماہرین عروض کا اچھا شاعر بھی ہونا ایک الگ معرکۃ الآراء مسئلہ ہے۔ علم عروض خود اپنے آپ میں ایک سمندر ہے۔ علم عروض کی کمال درجہ مہارت اور اچھا شعر کہنے کی قدرت گو باہم لازمی نہیں مگر عروضی قوانین کی رعایت رکھے بغیر اچھی شاعری کرنا بہر حال ایک کارِ دشوار ہے، اور قافیہ کی جو بحث یہاں چل رہی ہے، وہ تو بہت بنیادی بات ہے، ’’عروضی موشگافیوں‘‘ کے درجے میں نہیں
دعاگو،
راحلؔ
تو پھر درج بالا غالب کے شعروں میں 'وا' کو ردیف میں کیوں نہ شامل کیا جائے؟ بہر حال میں نے جو عرض کرنی تھی آپ کی خدمت میں پیش کر دی۔ آپ جو فیصلہ کریں گے مجھے قبول ہو گا۔
اگر دیگر اشعار کے قوافی بھی وا پر ختم ہو رہے ہوتے تو یہ ایطائے جلی ہوجاتا (شاید؟)
معذرت لیکن آپ کے اس مراسلے سے عیاں ہورہا ہے کہ آپ مبادیاتِ قافیہ اور تقطیع کے اصولوں سے کماحقہ واقف نہیں ۔ اس صورت میں بات سمجھانا مشکل ہوجاتا ہے ۔
بہت مہربانی