ایک ڈراؤنا خواب

[محمد خلیل الرحمٰن]

ایک ڈراؤنا خواب​

محمد خلیل الرحمٰن​

بہت سال گزرے ہیں اس بات کو​

کوئی دوش دیوے نہ حالات کو​

کہ مردوں کی عادت کا نہ تھا جواب​

کہیں چال اُلٹی، چلن تھے خراب​

جو مردوں کا دیکھا یہ طرزِ کہن​

بنالی خواتین نے انجمن​

جو ظالم تھا شوہر وہ مارا گیا​

ہر اِک قرض اُس کا اُتارا گیا​

مظالِم کی ہر اِک کے لسٹیں بنیں​

جو اِس نظم کی ہیں بنائے بریں​

کہیں پر جو شہنائیاں بج اُٹھیں​

یہ دھرنا دیئے واں پہ بیٹھی رہیں​

پکڑوا دئیے کان مردوں کے واں​

جو مانا نہیں اس کو دیں گالیاں​

کہیں حال مردوں کا یہ ہوگیا​

تھا ہرکوئی گھر کی طرف بھاگتا​

بس اِک نام بیوی کا جپنے لگے​

بری عورتوں سے بدکنے لگے​

جنھیں زعم اپنی جوانی پہ تھا​

انھیں چوک پر اُلٹا لٹکا دیا​

یہی حال ہر ایک کا ہوگیا​

کلیجے کو ہر کوئی تھاما کیا​

کوئی دوسری کابھی گر سوچتا​

اسے دیتیں بس ایک دھتا بتا​

ایمیزان تھیں یا خواتین تھیں​

وہ حسنِ عجم، لعبتِ چین تھیں​

جو یہ حال دیکھا تو ہم کٹ لیے​

جو بیوی ہے اپنی ، اُسی کے ہوئے​

اچانک گھٹا سر پہ چھانے لگی​

کہ ہر سمت سے آندھی آنے لگی​

جو کڑکی ہے بجلی تو ہم کانپ اُٹھے​

جو لرزے تو جاگ اٹھّے ہم خواب سے​

 

[شمشاد]

شکر ہے اچھا خواب دیکھا، یہ ڈراؤنا تو نہیں تھا۔

عنوان پڑھ کر میں سمجھا کہ زورداری اور ملک صاحب کو اکٹھے خواب میں دیکھ لیا۔

 

[مہ جبین]

ہاہاہاہاہا
شکر کریں کہ خواب ہی تھا ۔۔۔۔۔۔اگر سچ مچ ایسا ہوتا تو کیا ہوتا۔۔۔؟؟؟

 

[شمشاد]

ہونا کیا تھا، بخشے جاتے اور سیدھے جنت میں لینڈ کرتے۔

 

[یوسف-2]

بہت خوب!