ایک ہوسٹنگ سے دوسری ہوسٹنگ پر فورم
- صاحب لڑی فخرنوید
- تاریخ ابتداء
نبیل
تکنیکی معاون
فورم کو ایک ہوسٹنگ سے دوسری ہوسٹنگ پر منتقل کرنا زیادہ مشکل نہیں ہونا چاہیے۔ آسان طریقہ یہی ہے کہ آپ پہلی ہوسٹنگ پر فورم کا ڈیٹا بیک اپ کر لیں اور دوسری ہوسٹنگ پر ڈیٹابیس بنا کر اسی ڈیٹا کو وہاں ریسٹور کر لیں۔ ڈیٹابیس ریسٹور کرنے کے لیے phpMyAdmin کا استعمال کیا جا سکتا ہے۔ اگر مائی ایس کیو ایل کا کمانڈ پرامپٹ کے استعمال کی سہولت موجود ہو تو اسے بھی استعمال کیا جا سکتا ہے۔ ڈیٹابیس ریسٹور کرنے کے بعد پرانی فورم سے فورم کی تمام فائلیں نئی ہوسٹنگ میں کاپی کر دیں۔ اس کے بعد کچھ تبدیلیاں کرنے کی ضرورت پیش آئے گی۔ پہلے تو فورم کی روٹ میں config.php میں ڈیٹابیس کا ہوسٹ، یوزر نیم اور پاسورڈ تبدیل کریں۔ اس کے بعد ڈیٹابیس میں جا کر phpbb_config ٹیبل میں فورم کی سکرپٹ کی پاتھ وغیرہ تبدیل کر لیں۔ اس کے بعد آپ کی فورم نئی ہوسٹنگ پر ٹھیک چلنی چاہیے۔
نبیل
تکنیکی معاون
میں نے cPanel کا زیادہ استعمال نہیں کیا ہوا لیکن میرا اندازہ ہے کہ اس میں phpMyAdmin کے ذریعے ڈیٹابیس کی ایڈمنسٹریشن ضرور ممکن ہوگی۔ phpMyAdmin میں جا کر فورم کی ڈیٹابیس میں config ٹیبل کھولیں۔ اگر ڈیٹابیس کا پریفکس phpbb ہے تو اس ٹیبل کا نام phpbb_config ہوگا۔ اس کے بعد اس ڈیٹا ٹیبل کا جائزہ لیں، وہاں آپ کو سرورسیٹنگز اور سکرپٹ پاتھ وغیرہ سے متعلق مندرجات مل جائیں گے۔ ان میں آپ مناسب ترمیم کر سکتے ہیں۔
نبیل
تکنیکی معاون
مجھے اس ایرر کا علم نہیں ہے لیکن دیکھنے سے یہی لگ رہا ہے کہ ڈیٹابیس ریسٹوریشن پی ایچ پی مائی ایڈمن کی سکت سے باہر ہو رہی ہے۔ بہتر یہی ہوگا کہ براہ راست مائی ایس کیو ایل کے کمانڈ پرامپٹ سے ڈیٹابیس کو ریسٹور کیا جائے۔ لیکن اس کے لیے مائی ایس کیو ایل کی کمانڈز پر عبور ہونا ضروری ہے اور اس کے لیے آپ کے ہوسٹ پر شیل کے ذریعے رسائی (shell access) بھی ممکن ہونی چاہیے۔
