اے شافع امم شہ ذی جاہ لے خبر

[جیلانی]

کلام اعلیٰ حضرت امام احمد رضا خان بریلوی قدس سرہٗ
اے شافع امم شہ ذی جاہ لے خبر
للہ لے خبر مری للہ لے خبر
دریا کا جوش ناؤ نہ بیڑا نہ خدا
میں ڈوبا تو کہاں ہے مرے شاہ لے خبر
منزل کڑی ہے رات اندھیری میں نابلد
اے خضر لے خبر مری اے ماہ لے خبر
پہنچے پہنچنے والے تو منزل مگر شہا
ان کی جو تھک کے بیٹھے سر راہ لے خبر
جنگل درندوں کا ہے میں بے یار شب قریب
گھیرے ہیں چار سمت سے بد خواہ لے خبر
منزل نئی‘ عزیز جدا لوگ نا شناس
ٹوٹا ہے کوہ غم میں پر کاہ لے خبر
وہ سختیاں سوال کی وہ صورتیں مہیب
اے غمزدوں کے حال سے آگاہ لے خبر
مجرم کو بارگاہ عدالت میں لائے ہیں
تکتا ہے بے کسی میں تری راہ لے خبر
اہلِ عمل کو ان کے عمل کام آئیں گے
میرا ہے کون تیرے سوا آہ لے خبر
پر خار راہ برہنہ پا تشنہ آب دور
مولیٰ پڑی ہے آفت جانکاہ لے خبر
باہر زبانیں پیاس سے ہیں آفتاب گرم
کوثر کے شاہ کثرہ اللہ لے خبر
مانا کہ سخت مجرم و ناکارہ ہے رضا
تیرا ہی تو ہے بندہ ٴدرگاہ لے خبر​

 

[زبیر قمر عباسی]

سبحان اللہ، جزاک اللہ۔۔ کیا بات ہے کلامِ رضا کی

 

[سیدہ شگفتہ]

واہ، کیا انداز تخاطب ہے!
بہت منفرد

 

[سیدہ شگفتہ]

اہل عمل کو ان کے عمل کام آئیں گے
میرا ہے کون تیرے سوا آہ لے خبر

 

[سیدہ شگفتہ]

بہت ہی منفرد

 

[الشفاء]

پہنچے پہنچنے والے تو منزل مگر شہا
ان کی جو تھک کے بیٹھے سر راہ لے خبر
جنگل درندوں کا ہے میں بے یار شب قریب
گھیرے ہیں چار سمت سے بد خواہ لے خبر

واہ۔ سبحان اللہ۔۔۔

جزاک اللہ خیر۔۔۔

 

[نعمان چوہدری صاحب]

سلام آپ نے لکھنے میں بہت بڑی غلطی کی ہے درست کریں

دریا کا جوش ناؤ نہ بیڑا نہ نا خدا (رہنما) یہ لفظ نا خدا ہے صرف خدا نہیں