اختر شیرانی اے عشق ہمیں برباد نہ کر! از اختر شیرانی

[فرخ منظور]

اے عشق ہمیں برباد نہ کر!

اے عشق نہ چھیڑ آ آ کے ہمیں
ہم بھولے ہوؤں کو یاد نہ کر!
پہلے ہی بہت ناشاد ہیں ہم
تو اور ہمیں ناشاد نہ کر!
قسمت کا ستم ہی کم نہیں کچھ
یہ تازہ ستم ایجاد نہ کر!
یوں ظلم نہ کر، بیداد نہ کر!
اے عشق ہمیں برباد نہ کر!

جس دن سے ملے ہیں دونوں کا
سب چین گیا، آرام گیا
چہروں سے بہار صبح گئی
آنکھوں سے فروغ شام گیا
ہاتھوں سے خوشی کا جام چھٹا
ہونٹوں سے ہنسی کا نام گیا
غمگیں نہ بنا، ناشاد نہ کر!
اے عشق ہمیں برباد نہ کر!

راتوں کو اٹھ اٹھ کر روتے ہیں
رو رو کے دعائیں کر تے ہیں
آنکھوں میں تصور،دل میں خلش
سر دھنتے ہیں آہیں بھرتےہیں
اے عشق! یہ کیسا روگ لگا
جیتے ہیں نہ ظالم مرتے ہیں؟
یہ ظلم تو اے جلاد نہ کر!
اے عشق ہمیں برباد نہ کر!

یہ روگ لگا ہے جب سے ہمیں
رنجیدہ ہوں میں بیمار ہے وہ
ہر وقت تپش، ہر وقت خلش بے
خواب ہوں میں،بیدار ہے وہ
جینے سے ادھر بیزار ہوں میں
مرنے پہ ادھر تیار ہے وہ
اور ضبط کہے فریاد نہ کر!
اے عشق ہمیں برباد نہ کر!

جس دن سے بندھا ہے دھیان ترا
گھبرائےہوئے سے رہتے ہیں
ہر وقت تصور کر کر کے
شرمائے ہوئے سے رہتے ہیں
کملائے ہوئے پھولوں کی طرح
کملائے ہوئے سے رہتے ہیں
پامال نہ کر، برباد نہ کر!
اے عشق ہمیں برباد نہ کر!

بیددر! ذرا انصاف تو کر!
اس عمر میں اور مغموم ہے وہ!
پھولوں کی طرح نازک ہے ابھی
تاروں کی طرح معصوم ہے وہ!
یہ حسن ، ستم! یہ رنج،غضب!
مجبور ہوں میں! مظلوم ہے وہ!
مظلوم پہ یوں بیداد نہ کر
اے عشق ہمیں برباد نہ کر!

اے عشق خدارا دیکھ کہیں
وہ شوخ حزیں بدنام نہ ہو !
وہ ماہ لقا بدنام نہ ہو !
وہ زہرہ جبیں بدنام نہ ہو !
ناموس کا اس کے پاس رہے
وہ پردہ نشیں بدنام نہ ہو!
اس پردہ نشیں کو یاد نہ کر!
اے عشق ہمیں برباد نہ کر!

امید کی جھوٹی جنت کے
رہ رہ کے نہ دکھلا خواب ہمیں!
آئندہ کی فرضی عشرت کے
وعدوں سے نہ کر بیتاب ہمیں!
کہتا ہے زمانہ جس کو خوشی
آتی ہے نظر کمیاب ہمیں!
چھوڑ ایسی خوشی کویاد نہ کر!
اے عشق ہمیں برباد نہ کر!

کیا سمجھےتھےاور تو کیا نکلا
یہ سوچ کےہی حیران ہیں ہم!
ہے پہلے پہل کا تجربہ اور
کم عمر ہیں ہم، انجان ہیں ہم!
اے عشق ! خدارا رحم و کرم!
معصوم ہیں ہم ،نادان ہیں ہم!
نادان ہیں ہم، ناشاد نہ کر!
اے عشق ہمیں برباد نہ کر!

وہ راز ہے یہ غم آہ جسے
پا جائے کوئی تو خیر نہیں!
آنکھوں سےجب آنسو بہتےہیں
آجائے کوئی تو خیر نہیں!
ظالم ہے یہ دنیا، دل کو یہاں
بھا جائے کوئی تو خیر نہیں!
ہے ظلم مگر فریاد نہ کر!
اے عشق ہمیں بر باد نہ کر!

دو دن ہی میں عہد طفلی کے
معصوم زمانے بھول گئے!
آنکھوں سےوہ خوشیاں مٹ سی گئیں
لب کووہ ترانےبھول گئے!
ان پاک بہشتی خوابوں کے
دلچسپ فسانے بھول گئے!
ان خوابوں سے یوں آزاد نہ کر!
اے عشق ہمیں برباد نہ کر!

اس جان حیا کا بس نہیں کچھ
بے بس ہے پرائے بس میں ہے
بے درد دلوں کو کیا ہے خبر
جو پیار یہاں آپس میں ہے
ہے بے بسی زہر اور پیار ہے رس
یہ زہر چھپا اس رس میں ہے
کہتی ہے حیا فریاد نہ کر!
اے عشق ہمیں برباد نہ کر!

آنکھوں کو یہ کیا آزار ہوا
ہر جذب نہاں پر رو دینا!
آہنگ طرب پر جھک جانا
آواز و فغاں پر رو دینا!
بربط کی صدا پر رو دینا
مطرب کے بیاں پر رو دینا!
احساس کو غم بنیاد نہ کر!
اے عشق ہمیں برباد نہ کر!

ہر دم ابدی راحت کا سماں
دکھلا کے ہمیں دلگیر نہ کر!
للہ حبابِ آب رواں پر
نقش بقا تحریر نہ کر!
مایوسی کے رمتے بادل پر
امید کے گھر تعمیر نہ کر!
تعمیر نہ کر، آباد نہ کر !
اے عشق ہمیں بر باد نہ کر!

جی چاہتا ہے اک دوسرے کو
یوں آٹھ پہر ہم یاد کریں!
آنکھوں میں بسائیں خوابوں کو
اور دل میں خیال آباد کریں!
خلوت میں بھی ہوجلوت کاسماں
وحدت کو دوئی سےشاد کریں!
یہ آرزوئیں ایجاد نہ کر!
اے عشق ہمیں برباد نہ کر!

دنیا کا تماشا دیکھ لیا
غمگین سی ہے ، بے تاب سی ہے!
امید یہاں اک وہم سا ہے
تسکین یہاں اک خواب سی ہے!
دنیا میں خوشی کا نام نہیں
دنیا میں خوشی نایاب سی ہے!
دنیا میں خوشی کو یاد نہ کر!
اے عشق ہمیں برباد نہ کر!

(اختر شیرانی)

 

[شاہ حسین]

واہ واہ بہت خوب جناب نہایت عمدہ کلام ہے شامل کرنے کا بہت شکریہ سخنور صاحب

 

[فرخ منظور]

واہ واہ بہت خوب جناب نہایت عمدہ کلام ہے شامل کرنے کا بہت شکریہ سخنور صاحب

پسند کرنے کے لئے بہت شکریہ شاہ صاحب!

 

[محمد وارث]

لا جواب، بہت شکریہ فرخ صاحب شیئر کرنے کیلیے!

 

[عمران شناور]

سخنور جی! بہت شکریہ

 

[فرخ منظور]

لا جواب، بہت شکریہ فرخ صاحب شیئر کرنے کیلیے!

بہت شکریہ وارث صاحب!

 

[فرخ منظور]

سخنور جی! بہت شکریہ

بہت شکریہ عمران شناور صاحب!

 

[جیا راؤ]

واہ۔۔۔ بہت ہی خوبصورت۔۔۔ !
اس کا کچھ حصہ نیرہ نور صاحبہ نے گایا بھی ہے ناں۔۔۔
میرے پاس یہ کلام 'رومن' میں تھا اور اس میں بے شمار اغلاط تھیں۔۔۔
شیئر کرنے کا بہت شکریہ۔۔۔

 

[فرخ منظور]

واہ۔۔۔ بہت ہی خوبصورت۔۔۔ !
اس کا کچھ حصہ نیرہ نور صاحبہ نے گایا بھی ہے ناں۔۔۔
میرے پاس یہ کلام 'رومن' میں تھا اور اس میں بے شمار اغلاط تھیں۔۔۔
شیئر کرنے کا بہت شکریہ۔۔۔

جی بالکل نیّرہ نور نے اسے گایا بھی ہے لیکن شاید ایک ہی بند۔ پسند کرنے کے لئے آپ کا بھی بہت شکریہ!

 

[محمد بلال اعظم]

کتابی چہرہ کی آوارہ گردی کے دوران یہ نظم ملی، اچھی لگی، شئیر کر رہا ہوں۔

• اے عشق ہمیں برباد نہ کر
  
  اے عشق نہ چھیڑ آ آ کے ہمیں، ہم بھولے ہوؤں کو یاد نہ کر
  پہلے ہی بہت ناشاد ہیں ہم، تُو اور ہمیں ناشاد نہ کر
  قسمت کا ستم ہی کم نہیں کچھ، یہ تازہ ستم ایجاد نہ کر
  یوں ظلم نہ کر، بیداد نہ کر
  اے عشق ہمیں برباد نہ کر
  جس دن سے ملے ہیں دونوں کا، سب چین گیا، آرام گیا
  چہروں سے بہارِ صبح گئی، آنکھوں سے فروغِ شام گیا
  ہاتھوں سے خوشی کا جام چُھٹا، ہونٹوں سے ہنسی کا نام گیا
  غمگیں نہ بنا، ناشاد نہ کر
  اے عشق ہمیں برباد نہ کر
  راتوں کو اٹھ اٹھ کر روتے ہیں، رو رو کے دعائیں کر تے ہیں
  آنکھوں میں تصور، دل میں خلش، سر دُھنتے ہیں آہیں بھرتے ہیں
  اے عشق، یہ کیسا روگ لگا، جیتے ہیں نہ ظالم مرتے ہیں
  یہ ظلم تو اے جلاد نہ کر
  اے عشق ہمیں برباد نہ کر
  یہ روگ لگا ہے جب سے ہمیں، رنجیدہ ہوں میں بیمار ہے وہ
  ہر وقت تپش، ہر وقت خلِش، بے خواب ہوں میں، بیدار ہے وہ
  جینے سے ادھر بیزار ہوں میں، مرنے پہ اُدھر تیار ہے وہ
  اور ضبط کہے فریاد نہ کر
  اے عشق ہمیں برباد نہ کر
  جس دن سے بندھا ہے دھیان ترا، گھبرائے ہوئے سے رہتے ہیں
  ہر وقت تصور کر کر کے شرمائے ہوئے سے رہتے ہیں
  کمہلائے ہوئے پھولوں کی طرح کمہلائے ہوئے سے رہتے ہیں
  پامال نہ کر، برباد نہ کر
  اے عشق ہمیں برباد نہ کر
  بے درد، ذرا انصاف تو کر، اس عمر میں اور مغموم ہے وہ
  پھولوں کی طرح نازک ہے ابھی، تاروں کی طرح معصوم ہے وہ
  یہ حسن، ستم، یہ رنج، غضب، مجبور ہوں میں، مظلوم ہے وہ
  مظلوم پہ یوں بیداد نہ کر
  اے عشق ہمیں برباد نہ کر
  اے عشق خدارا دیکھ کہیں، وہ شوخ حزیں بدنام نہ ہو
  وہ ماہ لقا بدنام نہ ہو، وہ زہرہ جبیں بدنام نہ ہو
  ناموس کا اس کے پاس رہے، وہ پردہ نشیں بدنام نہ ہو
  اس پردہ نشیں کو یاد نہ کر
  اے عشق ہمیں برباد نہ کر
  امید کی جھوٹی جنت کے، رہ رہ کے نہ دِکھلا خواب ہمیں
  آئندہ کی فرضی عشرت کے، وعدوں سے نہ کر بے تاب ہمیں
  کہتا ہے زمانہ جس کو خوشی، آتی ہے نظر کمیاب ہمیں
  چھوڑ ایسی خوشی کو یاد نہ کر
  اے عشق ہمیں برباد نہ کر
  کیا سمجھے تھےاور تو کیا نکلا، یہ سوچ کے ہی حیران ہیں ہم
  ہے پہلے پہل کا تجربہ اور کم عمر ہیں ہم، انجان ہیں ہم
  اے عشق، خدارا رحم و کرم، معصوم ہیں ہم، نادان ہیں ہم
  نادان ہیں ہم، ناشاد نہ کر
  اے عشق ہمیں برباد نہ کر
  وہ راز ہے یہ غم آہ جسے، پا جائے کوئی تو خیر نہیں
  آنکھوں سےجب آنسو بہتے ہیں، آ جائے کوئی تو خیر نہیں
  ظالم ہے یہ دنیا، دل کو یہاں، بھا جائے کوئی تو خیر نہیں
  ہے ظلم مگر فریاد نہ کر
  اے عشق ہمیں برباد نہ کر
  دو دن ہی میں عہدِ طفلی کے، معصوم زمانے بُھول گئے
  آنکھوں سےوہ خوشیاں مِٹ سی گئیں، لب کو وہ ترانے بُھول گئے
  ان پاک بہشتی خوابوں کے، دلچسپ فسانے بُھول گئے
  ان خوابوں سے یوں آزاد نہ کر
  اے عشق ہمیں برباد نہ کر
  اس جانِ حیا کا بس نہیں کچھ، بے بس ہے پرائے، بس میں ہے
  بے درد دلوں کو کیا ہے خبر، جو پیار یہاں آپس میں ہے
  ہے بے بسی زہر اور پیار ہے رس، یہ زہر چھپا اس رس میں ہے
  کہتی ہے حیا فریاد نہ کر
  اے عشق ہمیں برباد نہ کر
  آنکھوں کو یہ کیا آزار ہوا، ہر جذبِ نہاں پر رو دینا
  آہنگِ طرب پر جُھک جانا، آواز فغاں پر رو دینا
  بربط کی صدا پر رو دینا، مُطرب کے بیاں پر رو دینا
  احساس کو غم بنیاد نہ کر
  اے عشق ہمیں برباد نہ کر
  ہر دم ابدی راحت کا سماں دِکھلا کے ہمیں دلگیر نہ کر
  للہ، حبابِ آبِ رواں پر نقش بقا تحریر نہ کر
  مایوسی کے رمتے بادل پر امید کے گھر تعمیر نہ کر
  تعمیر نہ کر، آباد نہ کر
  اے عشق ہمیں برباد نہ کر
  جی چاہتا ہے اِک دوسرے کو یوں آٹھ پہر ہم یاد کریں
  آنکھوں میں بسائیں خوابوں کو اور دل میں خیال آباد کریں
  خِلوت میں بھی ہوجلوت کا سماں، وحدت کو دوئی سےشاد کریں
  یہ آرزوئیں ایجاد نہ کر
  اے عشق ہمیں برباد نہ کر
  دنیا کا تماشا دیکھ لیا، غمگین سی ہے، بے تاب سی ہے
  امید یہاں اِک وہم سی ہے، تسکین یہاں اِک خواب سی ہے
  دنیا میں خوشی کا نام نہیں، دنیا میں خوشی نایاب سی ہے
  دنیا میں خوشی کو یاد نہ کر
  اے عشق ہمیں برباد نہ کر
  
  اختر شیرانی ..

 

[باباجی]

واہ واہ بہت ہی خوب شیئرنگ


دنیا کا تماشا دیکھ لیا، غمگین سی ہے، بے تاب سی ہے
امید یہاں اِک وہم سی ہے، تسکین یہاں اِک خواب سی ہے
دنیا میں خوشی کا نام نہیں، دنیا میں خوشی نایاب سی ہے
دنیا میں خوشی کو یاد نہ کر
اے عشق ہمیں برباد نہ کر

 

[محمد بلال اعظم]

واہ واہ بہت ہی خوب شیئرنگ


دنیا کا تماشا دیکھ لیا، غمگین سی ہے، بے تاب سی ہے
امید یہاں اِک وہم سی ہے، تسکین یہاں اِک خواب سی ہے
دنیا میں خوشی کا نام نہیں، دنیا میں خوشی نایاب سی ہے
دنیا میں خوشی کو یاد نہ کر
اے عشق ہمیں برباد نہ کر

اتنی پیاری نظم پسند کرنے کا بیحد شکریہ۔

 

[صائمہ شاہ]

واہ

جس دن سے ملے ہیں دونوں کا، سب چین گیا، آرام گیا​

چہروں سے بہارِ صبح گئی، آنکھوں سے فروغِ شام گیا​

ہاتھوں سے​

خوشی​

کا جام چُھٹا، ہونٹوں سے ہنسی کا نام گیا​

غمگیں نہ بنا، ناشاد نہ کر​

اے عشق ہمیں برباد نہ کر​

راتوں کو اٹھ اٹھ کر روتے ہیں، رو رو کے دعائیں کر تے ہیں​

آنکھوں میں تصور، دل میں خلش، سر دُھنتے ہیں آہیں بھرتے ہیں​

اے عشق، یہ کیسا روگ لگا، جیتے ہیں نہ ظالم مرتے ہیں​

یہ ظلم تو اے جلاد نہ کر​

اے عشق ہمیں برباد نہ کر​

 

[نیرنگ خیال]

یار نیرہ نور نے اتنی لمبی تو نہیں گائی۔
بہت عمدہ یار بلال
چھا گئے ہو

 

[محمد بلال اعظم]

یار نیرہ نور نے اتنی لمبی تو نہیں گائی۔
بہت عمدہ یار بلال
چھا گئے ہو

تو
کل چودھویں کی رات تھی
والی امانت علی نے کونسا پوری گائی ہے؟

نظم پسند کرنے کا شکریہ۔

 

[محمد بلال اعظم]

واہ

جس دن سے ملے ہیں دونوں کا، سب چین گیا، آرام گیا​

چہروں سے بہارِ صبح گئی، آنکھوں سے فروغِ شام گیا​

ہاتھوں سے​

خوشی​

کا جام چُھٹا، ہونٹوں سے ہنسی کا نام گیا​

غمگیں نہ بنا، ناشاد نہ کر​

اے عشق ہمیں برباد نہ کر​

راتوں کو اٹھ اٹھ کر روتے ہیں، رو رو کے دعائیں کر تے ہیں​

آنکھوں میں تصور، دل میں خلش، سر دُھنتے ہیں آہیں بھرتے ہیں​

اے عشق، یہ کیسا روگ لگا، جیتے ہیں نہ ظالم مرتے ہیں​

یہ ظلم تو اے جلاد نہ کر​

اے عشق ہمیں برباد نہ کر​

بہت بہت شکریہ۔

 

[سید شہزاد ناصر]

اہا اہا کیا کہنے
میری پسندیدہ نظموں میں سے ایک
میں یہ نظم پوسٹ کرنے کا سوچ رہا تھا
شاد و آباد رہیں

 

[محسن وقار علی]

جی بالکل نیّرہ نور نے اسے گایا بھی ہے لیکن شاید ایک ہی بند۔ پسند کرنے کے لئے آپ کا بھی بہت شکریہ!

شکریہ اس خوبصورت غزل کو شئیر کرنے کا
نیرہ نور نےایک بند نہیں بلکہ 3 بند گائے تھے۔
ترتیب کے مطابق یہ 1،3،5 ہوں گے
آڈیو لنک

 

[فرخ منظور]

شکریہ اس خوبصورت غزل کو شئیر کرنے کا
نیرہ نور نےایک بند نہیں بلکہ 3 بند گائے تھے۔
ترتیب کے مطابق یہ 1،3،5 ہوں گے
آڈیو لنک

شکریہ محسن صاحب، ہمیں کیا جناب چاہے ایک بند گایا ہو یا سارے ۔ ہم تو برباد ہو کر ٹھیک بھی ہو گئے۔

 

[بھلکڑ]

کیا سمجھےتھےاور تو کیا نکلا
یہ سوچ کےہی حیران ہیں ہم!
ہے پہلے پہل کا تجربہ اور
کم عمر ہیں ہم، انجان ہیں ہم!
اے عشق ! خدارا رحم و کرم!
معصوم ہیں ہم ،نادان ہیں ہم!
نادان ہیں ہم، ناشاد نہ کر!اے عشق ہمیں برباد نہ کر!



عمدہ انتخاب ہے