ساغر صدیقی اے چمن والو! متاعِ رنگ و بُو جلنے لگی - ساغر صدیقی

[کاشفی]

غزل
(ساغر صدیقی)

اے چمن والو! متاعِ رنگ و بُو جلنے لگی
ہر روش پر نکہتوں کی آبرو جلنے لگی

پھر لغاتِ زندگی کو دو کوئی حرفِ جُنوں
اے خرِد مندو! ادائے گفتگو جلنے لگی

قصرِ آدابِ محبت میں چراغاں ہو گیا
ایک شمعِ نو ورائے ما و تو جلنے لگی

ہر طرف لُٹنے لگی ہیں جگمگاتی عصمتیں
عظمت انسانیت پھر چارسُو جلنے لگی

دے کوئی چھینٹا شراب ارغواں کا ساقیا
پھر گھٹا اُٹھی تمنّائے سبُو جلنے لگی

اِک ستارہ ٹوٹ کر معبودِ ظلمت بن گیا
اِک تجلّی آئینے کے رُو برُو جلنے لگی

دیکھنا ساغرخرامِ یار کی نیرنگیاں
آج پُھولوں میں بھی پروانوں کی خُو جلنے لگی​

 

[فرخ منظور]

بہت اعلیٰ انتخاب ہے کاشفی صاحب۔ بہت شکریہ!

 

[کاشفی]

بہت اعلیٰ انتخاب ہے کاشفی صاحب۔ بہت شکریہ!

بیحد شکریہ جناب سخنور صاحب!

 

[علی فاروقی]

شکریہ ،کاشفی، بہت اچھا کلام ہے

 

[کاشفی]

شکریہ ،کاشفی، بہت اچھا کلام ہے

شکریہ علی فاروقی صاحب! خوش رہیں۔