اٹھارہویں سالگرہ بات سے بات
- صاحب لڑی گُلِ یاسمیں
- تاریخ ابتداء
سید عاطف علی
لائبریرین
کتنی زبردست تین باتیں کہی آپ نے۔
گُلِ یاسمیں
لائبریرین
تعریف کرنے میں آپ نے ذرہ برابر مبالغے سے کام نہیں لیا مگر اپنے مراسلہ میں محاورہ وغیرہ شامل کرنا فراموش کر گئے۔ اچھے اچھے سے محاورے پڑھنے کو مل جائیں تو ہم بھی علم کے موتی چن کر پلو میں باندھ لیں۔ فضیلت والی چادر کے پلو میں۔
سیما علی
لائبریرین
خوشبو دار توہے ۔نام جو خوشبودار ہے آپا
اور اسی کو ہی تو کہتے ہیں اپنے منہ میاں مٹھو بننا جو کہ ہم بنے ابھی ابھی۔
اُس کا لہجہ تو گلابوں کو دہن دیتا ہے
گُلِ یاسمیں
لائبریرین
ہو نہ ہو کل سیما آپا کے پڑوسی گلے شکووں کا ٹوکرا بھر کر آپ کی خدمت میں پیش کریں گے پھر دیتی رہئیے گا صفائیاں۔
لیکن سچی میں دل باغ باغ ہو گیا۔ بلکہ خوشی سے جھومنے لگا۔
خورشیداحمدخورشید
محفلین
یہ ایسی ہی بات ہے جیسے
کچھ بھی نہ کہا اور کہ بھی گئے
یا
رنگ باتیں کریں اور باتوں سے خوشبو آئے
یا
رنگ باتیں کریں اور باتوں سے خوشبو آئے
سرعاطف صاحب!اللہ آپ کو ہمیشہ خوش رکھے اور آپ ایسے ہی خوشیاں بکھیرتے رہیں۔
گُلِ یاسمیں
لائبریرین
بس اب تھوڑی محنت کر کے سالگرہ کی تمام لڑیوں کو سامنے لانا ہے و محمد عبدالرؤوف بھائی نے تو ہمیں پہلے ہی خبردار کر دیا تھا نجانے ہم کیسے بھول گئے۔
محمد عبدالرؤوف
لائبریرین
گُلِ یاسمیں
لائبریرین
بڑی مشکلوں سے عقل ٹھکانے پر ائی ہے ہماری۔ اور آپ پٹائی کر کے پھر سے اسے نو دو گیارہ کرنے پر تلے ہوئے ہیں بھائی۔
محمد عبدالرؤوف
لائبریرین
اس مار کٹائی سے صحیح معنوں میں آپ کی عقل ٹھکانے لگے گی۔ 😎
گُلِ یاسمیں
لائبریرین
مگر ٹھکانے لگانا نہیں واپس لانا ہے عقل کو۔ اس میں مدد کیجئے
خورشیداحمدخورشید
محفلین
محترم استاد سید عاطف علی صاحب سےمودبانہ عرض کیا ہے!
باتوں سے بات نکلتی ہے
یہ بات بھی ہے ان باتوں کی
جو باتیں ہم تم کرتے تھے
پھر باتوں باتوں میں جانے
یہ بات کہاں تک جا پہنچی
اب بات مجھے کرنی تم سے
مشکل ہے بہت پہلے جو نہ تھی
اب سوچتا ہوں کیا بات کروں
کیسے میں ایسی بات کروں
باتوں ہی باتوں میں تم سے
وہ مشکل بات بھی ہو جائے
کچھ باتیں میں نے سوچی ہیں
اُن باتوں میں وہ بات بھی ہے
جو بات تمہیں پہنچانی ہے
اے کاش مری ان باتوں کو
سن کر تم ایسی بات کرو
کوئی بات تو ہے ان باتوں میں
پھر شاید میری بات بنے
آخری تدوین:
سید عاطف علی
لائبریرین
در جواب آں غزل ہمیں یہ باتیں سوجھیں ۔
جو باتیں مجھ سے کیں تم نے
وہ باتیں کیسے سمجھوں میں
یہ باتیں مشکل باتیں ہیں
آسان انہیں میں کہوں کیسے
یہ سال گرہ کی لڑیاں ہیں
مطلب میں اخذ کروں کیسے
ان گنجلگ بھول بھلیوں سے
اب باہر میں نکلوں کیسے
ان سال گرہ کی لڑیوں میں
باتیں آسان کروں کیسے
یہ رنگ برنگے غبارے
اور پھلجھڑیاں چھوڑوں کیسے
ان خاکی کاغذی خاکوں میں
میں اپنے رنگ بھروں کیسے
اٹھارھویں سال گرہ پر میں
پیغام اپنا بھیجوں کیسے
پیغامِ محبت مشکل ہے
مشکل آسان کروں کیسے
محفل کے ہر اک دھاگے میں
میں مہر یہ ثبت کروں کیسے ؟
خورشیداحمدخورشید
محفلین
ایک دفعہ پھر
محترم استاد سید عاطف علی صاحب سےمودبانہ عرض کیا ہے!
گر بات نبھانی ہو تم نے
یہ باتیں ہیں آسان بہت
یہ باتیں ہیں دل والوں کی
محفل کے سب متوالوں کی
ان باتوں میں کوئی بات نہیں
جو بات سمجھنا مشکل ہو
یہ باتیں ہیں اس محفل کی
جو سب کی اردو محفل ہے
اس محفل کے آکاش تلے
چندا بھی ہے اور تارے بھی
فنکار بھی ہیں فن پارے بھی
اردو سے اردو محفل سے
کرتے ہیں محبت سارے ہی
یہ بات ہے پھر سو باتوں کی
یہ میٹھی میٹھی باتیں ہیں
ہر خطے کی سوغاتیں ہیں
یہ باتیں ہیں آسان بہت
گر بات نبھانی ہو تم نے
یہ باتیں ہیں آسان بہت
سید عمران
محفلین
حد ہی ہوگئی یعنی کہ تعریفوں کی!!!
گُلِ یاسمیں
لائبریرین
گُلِ یاسمیں
لائبریرین
آپ شعر کو سلیس اردو میں پڑھ لیا کیجئیے۔ شعرا ء اپنے اشعار بھی پیش کر کے داد وصول کر لیں گے اور دھوکہ دہی کا معاملہ بھی نہیں رہے گا۔