داغ بات میری کبھی سنی ہی نہیں

[یوسف سلطان]

بات میری کبھی سنی ہی نہیں
جانتے وہ بری بھلی ہی نہیں
دل لگی ان کی دل لگی ہی نہیں
رنج بھی ہے فقط ہنسی ہی نہیں
لطفِ مے تجھ سے کیا کہوں زاہد
ہائے کمبخت تُو نے پی ہی نہیں
اُڑ گئی یوں وفا زمانے سے
کبھی گویا کسی میں تھی ہی نہیں
جان کیا دوُں کہ جانتا ہوں میں
تم نے یہ چیز لے کے دی ہی نہیں
ہم تو دشمن کو دوست کر لیتے
پر کریں کیا تری خوشی ہی نہیں
ہم تری آرزو پہ جیتے ہیں
یہ نہیں ہے تو زندگی ہی نہیں
دل لگی، دل لگی نہیں ناصح
تیرے دل کو ابھی لگی ہی نہیں
داغ کیوں تُم کو بے وفا کہتا
وہ شکایت کا آدمی ہی نہیں
(داغ دہلوی)

 

[فاتح]

ایک ہی حادثہ تو ہے اور وہ یہ کہ آج تک
بات نہیں کہی گئی ، بات نہیں سنی گئی

 

[فرخ منظور]

بہت عرصے قبل یہ غزل یہاں ارسال کی جا چکی ہے۔
بات میری کبھی سنی ہی نہیں

 

[نظام الدین]

بہت خوب انتخاب ہے۔۔۔۔۔۔۔۔۔۔۔ واہ