بجلی (نظم برائے اصلاح)

[محمد اسامہ سَرسَری]

اصولِ زندگی بتلا رہا ہوں غور سے سننا​

”سنہری“ ہے یہ موقع زندگی بہتر بنانے کا​

​

اگر ہے بند ”بجلی“ آپ کی ، جاؤ کسی کے گھر​

بس اس سے وقت پہلے پوچھ لو ”بجلی“ کے جانے کا​

​

بہت اچھی صفت ہے وقت کی پابندی کرنا بھی​

سلیقہ ”واپڈا“ سے سیکھو بروقت آنے جانے کا​

​

وہی مہماں ہے اچھا ”لوڈ شیڈنگ“ کے زمانے میں​

ہو بس معمول جس کا ”دستی پنکھا“ ساتھ لانے کا​

​

وہی ہے پارٹنر اچھا ، وہی بیوی بھلی ہے اب​

جسے ہو تجربہ فی الفور ”جرنیٹر“ چلانے کا​

​

شبہ کوئی نہیں اس دوست کی قلبی محبت میں​

جو ”ایمرجنسی لائٹ“ گفٹ دے اک مسکرانے کا​

​

بہت سی روشنی ”بجلی“ پہ ڈالی سَرسَری! تم نے​

”اندھیرے“ میں تمھارا شکریہ اس سر کھپانے کا​

 

[محمد اسامہ سَرسَری]

ٹیگ نامہ۔

 

[مہ جبین]

واہ ۔۔۔۔۔ کیا خوب روشنی ڈالی ہے محترمہ بجلی پر

 

[الف عین]

اچھی نظم ہے، بہتری کی گنجائش تو ہے ہی

اگر ہے بند ”بجلی“ آپ کی ، جاؤ کسی کے گھر​

بس اس سے وقت پہلے پوچھ لو ”بجلی“ کے جانے کا​

یہاں آپ اور تم کا ملن ہو گیا ہے​

اگر بجلی تمہاری بند ہو، جاؤ کسی کے گھر​

کر دیں۔​

وہی مہماں ہے اچھا ”لوڈ شیڈنگ“ کے زمانے میں​

میں شیڈنگ‘ کا گاف سے گرنا درست نہیں، لیکن مزاحیہ شاعری میں چل بھی سکتا ہے۔​

اور شبہ کا یہ تلفظ تم نے کہاں سے سیکھا؟؟​

شبہ کوئی نہیں اس دوست کی قلبی محبت میں​

کوئی شک ہی نہیں۔۔۔ کر دو​

 

[ملائکہ]

بہت اچھی لگی مجھے تو حسبِ حال ہے

 

[محمد اسامہ سَرسَری]

واہ ۔۔۔ ۔۔ کیا خوب روشنی ڈالی ہے محترمہ بجلی پر

بہت شکریہ بجلی پر روشنی ڈالنے پر روشنی ڈالنے کا۔

 

[محمد اسامہ سَرسَری]

اچھی نظم ہے، بہتری کی گنجائش تو ہے ہی

اگر ہے بند ”بجلی“ آپ کی ، جاؤ کسی کے گھر​

بس اس سے وقت پہلے پوچھ لو ”بجلی“ کے جانے کا​

یہاں آپ اور تم کا ملن ہو گیا ہے​

اگر بجلی تمہاری بند ہو، جاؤ کسی کے گھر​

کر دیں۔​

وہی مہماں ہے اچھا ”لوڈ شیڈنگ“ کے زمانے میں​

میں شیڈنگ‘ کا گاف سے گرنا درست نہیں، لیکن مزاحیہ شاعری میں چل بھی سکتا ہے۔​

اور شبہ کا یہ تلفظ تم نے کہاں سے سیکھا؟؟​

شبہ کوئی نہیں اس دوست کی قلبی محبت میں​

کوئی شک ہی نہیں۔۔۔ کر دو​

جزاکم اللہ خیرا۔
پہلی اور تیسری غلطی اب جاکر سامنے آئی ہے۔
لوڈشیڈنگ کو قصدا رکھا تھا یہ سوچ کر کہ مزاحیہ ہے۔
نظم درست کرتا ہوں۔
اللہ تعالیٰ آپ کی عمر ، علم اور عمل میں خوب برکت دے۔

 

[محمد اسامہ سَرسَری]

بہت اچھی لگی مجھے تو حسبِ حال ہے

بہت شکریہ تعریف اور حوصلہ افزائی کا۔
جزاکِ اللہ خیرا۔

 

[بھلکڑ]

واہ ”اندھیرے“ میں تمھارا شکریہ اس سر کھپانے کا چھا گئے او سرکار

​

 

[محمد اسامہ سَرسَری]

واہ ”اندھیرے“ میں تمھارا شکریہ اس سر کھپانے کا چھا گئے او سرکار

تعریف ضرور کریں ، مگر ڈرائیں تو نہیں، ہم ویسے بھی اندھیرے میں ہیں۔

 

[بھلکڑ]

تعریف ضرور کریں ، مگر ڈرائیں تو نہیں، ہم ویسے بھی اندھیرے میں ہیں۔

 

[نایاب]

بہت خوب نظم محترم سرسری بھائی