بحر کا تعین

[منصور محبوب چوہدری]

مہربانی فرما کے اس مطلع کی بحر تعین کر دیجئے(مطلع کو توڑ کر) - بحر سمجھنے کی کوشش کر دہا ہوں

رنجش ہی سہی دل ہی دکھانے کے لیے آ
آ پھر سے مجھے چھوڑ کے جانے کے لیے آ

 

[راحیل فاروق]

بحر کا نام ہے ہزج مثمن اخرب مکفوف محذوف۔ اس کے افاعیل ہیں:
مفعول مفاعیل مفاعیل فعولن
ان میں سے مفعول اخرب ہے، مفاعیل مکفوف اور فعولن محذوف۔ تقطیع کچھ یوں ہو گی:

رنجش ہِ - سہی دل ہِ - دکھانے کِ - لیے آ
مفعول - مفاعیل - مفاعیل - فعولن
آ پھر سِ - مجھے چھوڑ - کِجانے کِ - لیے آ
مفعول - مفاعیل - مفاعیل - فعولن​

 

[منصور محبوب چوہدری]

شکریہ - "مجھے چھوڑ" مفاعیل میں بیٹھتا نظر آتا ہے پر 'سہی دل ہِ' مفاعیلن لگ رہا ہے۔ روشنی ڈال دیجئے

 

[راحیل فاروق]

جی، "مجھے چھوڑ" تو خود بیٹھ جاتا ہے باقیوں کو ذرا زدوکوب کرنا پڑتا ہے۔

 

[منصور محبوب چوہدری]

جی، "مجھے چھوڑ" تو خود بیٹھ جاتا ہے باقیوں کو ذرا زدوکوب کرنا پڑتا ہے۔

سر ابھی ابھی پڑھنا شروع کیا ہے - اس کو مزاح سمجھوں یہ واقعہ ہی زد و کوب ؟میری نااہلی پہ معذرت

 

[عاطف ملک]

جی، "مجھے چھوڑ" تو خود بیٹھ جاتا ہے باقیوں کو ذرا زدوکوب کرنا پڑتا ہے۔

آپ کی لاجواب غزلوں اور طبیعت کی روانی کا راز شاید یہی "زدوکوب" ہے.
"Just kidding"

 

[الف عین]

راحیل کا مطلب تھا کہ باقی میں حروف علت کو گرانا پڑتا ہے۔ اور کسی کو زبردستی گرانا ہو تو مار پیٹ ہی کرنی پڑے گی نا!!!