برائے اصلاح (بحرِ رمل)

[نوید ناظم]

زلف اگر شام نہ ہو پھر کہنا
وہ نظر جام نہ ہو پھر کہنا

کیوں نہیں زخم دکھاتا دل کے
اُس کا دل رام نہ ہو پھر کہنا

ہاں! محبت میں زیاں ہوتا ہے
گر تو ناکام نہ ہو پھر کہنا

پوچھ خود سے مِرے دل کی چوری
یہ ِترا کام نہ ہو پھر کہنا

لے چلو اُس کی گلی میں مجھ کو
دل کو آرام نہ ہو پھر کہنا

جھوٹ کے شہر میں سچ بولے گا؟
الٹا بدنام نہ ہو پھر کہنا

ہم بھی صیاد سے کچھ واقف ہیں
دانہ گر دام نہ پو پھر کہنا

 

[نوید ناظم]

محترم سر الف عین
دیگر اساتذہءِ کرام

 

[La Alma]

اچھی غزل کہی ہے بس ردیف میں " تو " کی کمی محسوس ہوئی . شاید بحر کی مجبوری آڑے آئی ہو گی .

زلف اگر شام نہ ہو تو پھر کہنا
وہ نظر جام نہ ہو تو پھر کہنا

 

[الف عین]

درست ہے غزل۔ لا المیٰ کی بات میں بھی وزن تو ہے۔ لیکن پھر بھی قبول کی جا سکتی ہے۔

 

[نوید ناظم]

اچھی غزل کہی ہے بس ردیف میں " تو " کی کمی محسوس ہوئی . شاید بحر کی مجبوری آڑے آئی ہو گی .

زلف اگر شام نہ ہو تو پھر کہنا
وہ نظر جام نہ ہو تو پھر کہنا

شکریہ، آپ کی بات درست۔۔۔ یہ کمی تو ہے اس میں!

 

[نوید ناظم]

درست ہے غزل۔ لا المیٰ کی بات میں بھی وزن تو ہے۔ لیکن پھر بھی قبول کی جا سکتی ہے۔

بہت شکریہ سر!!

 

[سید لبید غزنوی]

اچھی غزل کہی ہے بس ردیف میں " تو " کی کمی محسوس ہوئی . شاید بحر کی مجبوری آڑے آئی ہو گی .

زلف اگر شام نہ ہو تو پھر کہنا
وہ نظر جام نہ ہو تو پھر کہنا

لاجواب ۔۔۔۔بہت اچھی غزل ہے ۔۔۔اور اس بات پے گر عمل ہو تو چاشنی مزید بڑھ جائے گی ۔

 

[ڈاکٹرعامر شہزاد]

پوچھ خود سے مِرے دل کی چوری
یہ ِترا کام نہ ہو پھر کہنا

لے چلو اُس کی گلی میں مجھ کو
دل کو آرام نہ ہو پھر کہنا

بہت ہی اعلیٰ اور خوبصورت غزل ہے ۔ ڈھیروں داد بھیا

 

[نوید ناظم]

لاجواب ۔۔۔۔بہت اچھی غزل ہے ۔۔۔اور اس بات پے گر عمل ہو تو چاشنی مزید بڑھ جائے گی ۔

بہت شکریہ

 

[نوید ناظم]

بہت ہی اعلیٰ اور خوبصورت غزل ہے ۔ ڈھیروں داد بھیا

ڈاکٹر صاحب، بڑی نوازش!