برائے اصلاح و تنقید (غزل 51)

[امان زرگر]

۔۔۔
بات دل میں نہیں کو بہ کو بھی نہیں
کم سخن سے مری گفتگو بھی نہیں

سانس بھی مشک بو دھڑکنیں بھی رواں
گرچہ اب وہ مرے رو برو بھی نہیں

کل تلک ڈھونڈتی تھی نظر بام و در
آج دل میں غمِ آرزو بھی نہیں

شوقِ منزل، نوائے رحیلِ سفر
آبلہ پا کو اب جستجو بھی نہیں

کیوں عدو تیری محفل میں لوٹے گا اب
میرے جیسا وہ بے آبرو بھی نہیں​

 

[امان زرگر]

محترم نوید ناظم صاحب کی غزل اب تو دل میں کوئی آرزو ہی نہیں سے متاثر ہو کر یہ غزل لکھی ہے۔۔۔ گستاخی پہ معذرت خواہ ہوں۔
سر الف عین
سر محمد ریحان قریشی
سر محمد تابش صدیقی

 

[امان زرگر]

سر محمد ریحان قریشی
سر محمد تابش صدیقی
سر الف عین
دوبارہ ٹیگ اس لئے کیا کہ مجھے شک گزرا کہ شاید درست ٹیگ نہیں ہوا اور ٹیگ نہ ملا ہو۔۔ گستاخی پہ معذرت۔۔۔

 

[محمد تابش صدیقی]

مطلع دو لخت معلوم ہوتا ہے۔ یا میں مفہوم تک نہیں پہنچا

 

[امان زرگر]

مطلع دو لخت معلوم ہوتا ہے۔ یا میں مفہوم تک نہیں پہنچا

یقیناً ابلاغ کا مسئلہ ہو گا جی، تبھی مدعا آپ تک نہیں پہنچا۔۔۔ بہتر کرتا ہوں۔

 

[نوید ناظم]

محترم نوید ناظم صاحب کی غزل اب تو دل میں کوئی آرزو ہی نہیں سے متاثر ہو کر یہ غزل لکھی ہے۔۔۔ گستاخی پہ معذرت خواہ ہوں۔
سر الف عین
سر محمد ریحان قریشی
سر محمد تابش صدیقی

ایسا تو نہ کہیں زرگرصاحب، اس میں گستاخی یا معذرت کیسی۔۔۔۔۔ اللہ پاک خوش رکھے۔

 

[امان زرگر]

مطلع دو لخت معلوم ہوتا ہے۔ یا میں مفہوم تک نہیں پہنچا

نیا مطلع۔۔۔

بات خلوت میں بھی کُو بہ کُو بھی نہیں
کم سخن سے مری گفتگو بھی نہیں​

 

[محمد تابش صدیقی]

نیا مطلع۔۔۔

بات خلوت میں بھی کُو بہ کُو بھی نہیں
کم سخن سے مری گفتگو بھی نہیں​

ہمم۔ اب ٹھیک لگ رہا ہے۔

 

[امان زرگر]

...
بات خلوت میں بھی کُو بہ کُو بھی نہیں
کم سخن سے مری گفتگو بھی نہیں

سانس بھی مشک بو دھڑکنیں بھی رواں
گرچہ اب وہ مرے رو برو بھی نہیں

کل تلک ڈھونڈتی تھی نظر بام و در
آج دل میں غمِ آرزو بھی نہیں

شوقِ منزل، نوائے رحیلِ سفر
آبلہ پا کو اب جستجو بھی نہیں

کیوں عدو تیری محفل میں لوٹے گا اب
میرے جیسا وہ بے آبرو بھی نہیں​

 

[الف عین]

مطلع اور آخری شعر کے علاوہ تو مجھ کم نصیب کو باقی اشعار کا ابلاغ بھی نہیں ہو سکا۔ یہ الفاظ محل نظر ہیں ۔۔ سانسیں مشک، رحیل سفر، غم آرزو

 

[امان زرگر]

بہتر کرتا ہوں سر​

 

[امان زرگر]

مطلع اور آخری شعر کے علاوہ تو مجھ کم نصیب کو باقی اشعار کا ابلاغ بھی نہیں ہو سکا۔ یہ الفاظ محل نظر ہیں ۔۔ سانسیں مشک، رحیل سفر، غم آرزو

۔۔۔
بات خلوت میں بھی کُو بہ کُو بھی نہیں
کم سخن سے مری گفتگو بھی نہیں

غیر مربوط و بے خود سہی دھڑکنیں
وہ پری رخ مرے روبرو بھی نہیں

میرے قلب و نظر بھی پریشان سے
اور سبب وصل کی آرزو بھی نہیں

شوقِ منزل ہو یا شورشِ کارواں
آبلہ پا کو اب جستجو بھی نہیں

کیوں عدو تیری محفل میں لوٹے گا اب
میرے جیسا وہ بے آبرو بھی نہیں​

 

[امان زرگر]

سر الف عین
سر محمد ریحان قریشی
سر محمد تابش صدیقی

 

[امان زرگر]

شاید سطحی سی ہو گئی ہے اب غزل۔۔۔۔

 

[امان زرگر]

۔۔۔
بات خلوت میں بھی کُو بہ کُو بھی نہیں
کم سخن سے مری گفتگو بھی نہیں

غیر مربوط و بے خود سی ہیں دھڑکنیں
وہ پری رخ مرے روبرو بھی نہیں

میرے قلب و نظر بھی پریشاں سے ہیں
اور سبب وصل کی آرزو بھی نہیں

شوقِ منزل ہو یا شورشِ کارواں
آبلہ پا کو اب جستجو بھی نہیں

کیوں عدو تیری محفل میں لوٹے گا اب
میرے جیسا وہ بے آبرو بھی نہیں​

 

[الف عین]

مراسلہ نمبر 14 اور 16 مجھے یکساں لگ رہے ہیں۔
صرف تیسرے شعر میں بات مکمل نہیں لگ رہی۔ایک عدد ’ہیں‘ بڑھا دیا جائے۔
’پریشاں سے ہیں‘
باقی اشعار درست ہیں۔