امان زرگر
محفلین
۔۔۔
ہجومِ آفات کے مقابل ہے ذات میری
اُڑے گی دنیا میں خاک بن کر حیات میری
عجیب طوفانِ معصیت ہے بپا جہاں میں
تو حشر میں بھی طفیل اس کے نجات میری!
مزاجِ اربابِ فکر و فن کو گراں نہ گزرے
تو ہے خیالاتِ چرخِ نو سے برات میری
ثبات ذوقِ نمو سے قائم ہے اس چمن میں
فروغِ کن سے جڑی ہے یہ کائنات میری
مزاجِ ژولیدہ مثلِ برق و شرر ہے تیرا
تو نرم لہجہ زبان شاخِ نبات میری
بدل میں تاروں کے سج گئے اشکِ شمعِ فرقت
ہوئی نہ روشن بہت اندھیری ہے رات میری
مرے جنوں کو ہے بس تمنائے دید زرگر
حلیفِ حرص و ہَوس نہیں شش جہات میری
ہجومِ آفات کے مقابل ہے ذات میری
اُڑے گی دنیا میں خاک بن کر حیات میری
عجیب طوفانِ معصیت ہے بپا جہاں میں
تو حشر میں بھی طفیل اس کے نجات میری!
مزاجِ اربابِ فکر و فن کو گراں نہ گزرے
تو ہے خیالاتِ چرخِ نو سے برات میری
ثبات ذوقِ نمو سے قائم ہے اس چمن میں
فروغِ کن سے جڑی ہے یہ کائنات میری
مزاجِ ژولیدہ مثلِ برق و شرر ہے تیرا
تو نرم لہجہ زبان شاخِ نبات میری
بدل میں تاروں کے سج گئے اشکِ شمعِ فرقت
ہوئی نہ روشن بہت اندھیری ہے رات میری
مرے جنوں کو ہے بس تمنائے دید زرگر
حلیفِ حرص و ہَوس نہیں شش جہات میری
آخری تدوین:
