برائے اصلاح - ہمارے دل میں رہنا تھا جو بیگم تم اکیلی کو

[فلسفی]

سر الف عین اور دیگر احباب سے اصلاح کی گذارش ہے ۔

ہمارے دل میں رہنا تھا جو بیگم تم اکیلی کو
تو اپنے ساتھ لے آتیں تم اپنی ہرسہیلی کو

تمہاری دوستوں میں شان رکھنے کے لیے بیگم!
سجائیں گے محبت سے ہم اس دل کی حویلی کو

ذرا سے گوشت کے ٹکڑے میں اتنی وسعتیں کیسی؟
کوئی بوجھے ہمارے دل کی پیچیدہ پہیلی کو

نہ جانے کیوں ہماری آرزو یہ سن کے بیگم نے
ہماری سمت دیکھا اور پھر اپنی ہتھیلی کو​

 

[محمد خلیل الرحمٰن]

تو اپنے ساتھ لے آتی تم اپنی ہرسہیلی کو

تو اپنے ساتھ لے آتیں تم اپنی ہر سہیلی کو

 

[فلسفی]

تو اپنے ساتھ لے آتیں تم اپنی ہر سہیلی کو

بہت شکریہ سر۔ تصحیح کردی ہے۔

 

[الف عین]

مزے کی ہے اور درست

 

[جاسمن]

بہت خوب!
واہ واہ۔ مزیدار۔

 

[احمد محمد]

واہ۔ بہت خوب۔

اب آپ ہی بتائیں کہ ان اشعار کی رو سے آپ کا زائچہ کھینچیں یا آپ کے بیانِ تصوف کو مدِ نظر رکھیں؟

 

[محمد عدنان اکبری نقیبی]

بہت عمدہ فلسفی جی ،

 

[احمد محمد]

آپ کی اس خواہش کے آگے مقطع کم وزن معلوم ہوتا ہے۔

جتنی معصومیت ہے اس خواہش میں اسی تناسب سے مقطع میں "ہتھیلی" کی جگہ کوئی مہلک ہتھیار استعمال ہونا چاہیے تھا۔

 

[احمد محمد]

بہت عمدہ فلسفی جی ،

میں سوچ ہی رہا تھا کہ نقیبی صاحب اس پر داد ضرور دیں گے۔ اور اس کا موجب کوئی اتفاق نہیں بلکہ دونوں احباب کی سوچ کا محور ایک ہونا ہے۔

 

[فلسفی]

آپ کی اس خواہش کے آگے مقطع کم وزن معلوم ہوتا ہے۔

جتنی معصومیت ہے اس خواہش میں اسی تناسب سے مقطع میں "ہتھیلی" کی جگہ کوئی مہلک ہتھیار استعمال ہونا چاہیے تھا۔

جی جی آپ تو تجربہ کار آدمی ہیں۔ اوکاڑہ میں کیا استعمال ہوتا ہے ایسے موقع پر؟

 

[عرفان سعید]

نہ جانے کیوں ہماری آرزو یہ سن کے بیگم نے
ہماری سمت دیکھا اور پھر اپنی ہتھیلی کو

بھلا کیسے دیا تو نے لگائی آگ تھی جس سے
ارے کچھ سوچ ماچس پر رگڑ تا ہے تو تیلی کو
ذرا سا قافیے کو چھوڑ، قصہ یہ تو لکھتا جا
پڑی بیگم سے سر پر تھی، کہاں پھینکا پتیلی کو

 

[فلسفی]

بھلا کیسے دیا تو نے لگائی آگ تھی جس سے
ارے کچھ سوچ ماچس پر رگڑ تا ہے تو تیلی کو
ذرا سا قافیے کو چھوڑ، قصہ یہ تو لکھتا جا
پڑی بیگم سے سر پر تھی، کہاں پھینکا پتیلی کو

بس بھائی آپ تو خود سمجھدار آدمی ہیں۔

 

[محمداحمد]

سر الف عین اور دیگر احباب سے اصلاح کی گذارش ہے ۔

ہمارے دل میں رہنا تھا جو بیگم تم اکیلی کو
تو اپنے ساتھ لے آتیں تم اپنی ہرسہیلی کو

تمہاری دوستوں میں شان رکھنے کے لیے بیگم!
سجائیں گے محبت سے ہم اس دل کی حویلی کو

ذرا سے گوشت کے ٹکڑے میں اتنی وسعتیں کیسی؟
کوئی بوجھے ہمارے دل کی پیچیدہ پہیلی کو

نہ جانے کیوں ہماری آرزو یہ سن کے بیگم نے
ہماری سمت دیکھا اور پھر اپنی ہتھیلی کو​

ہزاروں خواہشیں ایسی کہ (اگر بیگم صاحبہ سن لیں تو) ہر خواہش پہ دم نکلے(بلکہ نکال دیا جائے۔ )

 

[فلسفی]

ہزاروں خواہشیں ایسی کہ

اس پر ہم ایک ٹھنڈی آہ بھر سکتے ہیں۔ جس کو آپ اس سخت گرمی میں بھی محسوس کریں گے۔

 

[محمد تابش صدیقی]

سر الف عین اور دیگر احباب سے اصلاح کی گذارش ہے ۔

ہمارے دل میں رہنا تھا جو بیگم تم اکیلی کو
تو اپنے ساتھ لے آتیں تم اپنی ہرسہیلی کو

تمہاری دوستوں میں شان رکھنے کے لیے بیگم!
سجائیں گے محبت سے ہم اس دل کی حویلی کو

ذرا سے گوشت کے ٹکڑے میں اتنی وسعتیں کیسی؟
کوئی بوجھے ہمارے دل کی پیچیدہ پہیلی کو

نہ جانے کیوں ہماری آرزو یہ سن کے بیگم نے
ہماری سمت دیکھا اور پھر اپنی ہتھیلی کو​

خوب
ہمارے اس حسیں آنگن میں آخر ایک ہی گُل کیوں؟
کہو تو میں بلا لاؤں، بنفشہ اور چنبیلی کو

 

[محمداحمد]

خوب
ہمارے اس حسیں آنگن میں آخر ایک ہی گُل کیوں؟
کہو تو میں بلا لاؤں، بنفشہ اور چنبیلی کو

خوب!

 

[عرفان سعید]

کہو تو میں بلا لاؤں، بنفشہ اور چنبیلی کو

چار پوری کرنے کو چنبیلی کی سہیلی کو بھی

 

[محمد تابش صدیقی]

چار پوری کرنے کو چنبیلی کی سہیلی کو بھی

اصلاح پسند آئی
بلا لاؤں میں نرگس کو، بنفشہ کو، چنبیلی کو؟

 

[محمداحمد]

اصلاح پسند آئی
بلا لاؤں میں نرگس کو، بنفشہ کو، چنبیلی کو؟

دل کہہ رہا ہے کہ اس مراسلے کو بک مارک کر لیا جائے۔

 

[حسن محمود جماعتی]

دل کہہ رہا ہے کہ اس مراسلے کو بک مارک کر لیا جائے۔

تاکہ سند رہے اور بوقت شہادت کام آوے۔۔۔۔