برائے اصلاح: یہ نہیں، کوئی بھی خودسر نہیں دیکھا ہم نے

[الف عین]

میں ارشد رشید سے متفق ہوں، میں بھی خواہ مخواہ الفاظ یا مفہوم بدلنے کی کوشش نہیں کرتا الا یہ کہ کوئی فاش علطی ہو یا دفوری کسی ایک لفظ سے بہتر کوئی لفظ فوراً ذہن میں آ جائے ۔ مطلع میں سب سے پہلے مجھے لگا کہ پہلا لفظ یہ کی جگہ "یوں" ہو تو لطف بڑھ جاتا ہے
یوں نہیں ہے، کوئی خودسر...
دوسرا مصرع مجھے اصل بھی قبول ہے،
دوسرا شعر یار کی پوزیشن بدلنے سے بہتر ہو گیا

ہوئے زخمی بھی مگر آنکھ نہ منزل سے ہٹی
راہ میں ایک بھی پتھر نہیں دیکھا ہم نے

مجھے یہ شعر قبول ہے، مبہم ضرور ہے لیکن اتنا بھی نہیں

ایک دنیا ہے جو مے خانے میں گر پڑتی ہے
ایک ہم ہیں، کبھی ساغر نہیں دیکھا ہم نے

ارشد رشید سے متفق ہوں

ان کو ہنستے ہوئے دیکھا تھا، مگر پھر اس سے
خوبصورت کوئی منظر نہیں دیکھا ہم نے

پہلے مصرع کا "اس سے" زیادہ ابہام پیدا کرتا ہے، "اس کے بعد" کر دیں تو درست ہو جائے گا

ان کو دیکھا ہے تو دیکھا ہے بھلا کر دنیا
خود کو دیکھا بھی تو اکثر نہیں دیکھا ہم نے

تم سے بہتر بھی زمانے میں کوئی لگتا ہے؟
آسماں سے کبھی اوپر نہیں دیکھا ہم نے

یہ دونوں مجھے درست لگ رہے ہیں

کس قدر ہم نے مکاں دیکھے، مکیں بھی دیکھے
کتنی مدت سے کوئی گھر نہیں دیکھا ہم نے

ہم نے کتنے ہی مکاں دیکھے، مکیں بھی دیکھے
ایک مدت سے....
بہتر ہو گا میرے خیال میں

جتنا ممکن ہوا، انصاف کیا ہے سب سے
کوئی کمتر کوئی بہتر نہیں دیکھا ہم نے

برتر سے بہتر ہو گیا

 

[شاہد شاہنواز]

کل 2 مزید اشعار کہہ دیئے، کہ غزل 4 سے 5 کی ہوجائے ۔۔۔ وعدے کے مطابق پوسٹ کرنے کا وقت نہیں ملا۔
سامنے جو بھی چلا آئے، یہ اس کا ہو جائے
آئنے سا کوئی پتھر نہیں دیکھا ہم نے
ایک تم ہو کہ رہے مے کی طلب میں ہر دم
ایک ہم ہیں، کبھی ساغر نہیں دیکھا ہم نے

تاہم انہیں شامل کرنا ضروری بھی نہیں ۔۔۔

 

[شاہد شاہنواز]

اب تک کی گفتگو سے جو نتیجہ اخذ کیا ہے، وہ یہ رہا:

یوں نہیں ہے کوئی خود سر نہیں دیکھا ہم نے
ہاں، مگر تیرے برابر نہیں دیکھا ہم نے

ہوئے زخمی بھی مگر آنکھ نہ منزل سے ہٹی
راہ میں ایک بھی پتھر نہیں دیکھا ہم نے

ہم نے کتنے ہی مکاں دیکھے، مکیں بھی دیکھے
ایک مدت سے کوئی گھر نہیں دیکھا ہم نے

جان لی یار نے ایسے کہ پتہ تک نہ چلا
اس کے ہاتھوں میں بھی خنجر نہیں دیکھا ہم نے

ان کو ہنستے ہوئےدیکھا تھا مگر اس کے بعد
خوبصورت کوئی منظر نہیں دیکھا ہم نے

تم سے بہتر بھی زمانے میں کوئی لگتا ہے؟
آسماں سے کبھی اوپر نہیں دیکھا ہم نے

ان کو دیکھا ہے تو دیکھا ہے بھلا کر دنیا
خود کو دیکھا بھی تو اکثر نہیں دیکھا ہم نے

جتنا ممکن ہوا، انصاف کیا ہے سب سے
کوئی کمتر کوئی برترنہیں دیکھا ہم نے

 

[شاہد شاہنواز]

یہ نہیں ہے کوئی خود سر نہیں دیکھا ہم نے
ہاں، مگر تیرے برابر نہیں دیکھا ہم نے
۔۔۔ دوسری صورت بھی اچھی ہے:
یہ نہیں ہے کوئی خود سر نہیں دیکھا ہم نے
ہاں مگر آپ سے بڑھ کر نہیں دیکھا ہم نے


جان لی یار نے ایسے کہ پتہ تک نہ چلا۔۔۔۔۔۔۔۔۔۔۔۔۔۔۔جان لی یار نے خنجر ہے نہ ہے خوں کا نشاں
اس کے ہاتھوں میں بھی خنجر نہیں دیکھا ہم نے۔۔۔۔۔۔۔۔۔۔۔۔۔۔۔۔۔ہائے قاتل سا تو دلبر نہیں دیکھا ہم نے

ان کو دیکھا ہے تو دیکھا ہے بھلا کر دنیا۔۔۔۔۔۔۔۔۔۔۔۔۔۔۔۔۔۔۔اُس کو دیکھا ہے تو دیکھا ہے بھلا کر دنیا
خود کو دیکھا بھی تو اکثر نہیں دیکھا ہم نے۔۔۔۔۔۔۔۔۔۔۔۔۔۔۔۔۔۔۔۔۔۔۔خود کو اِس آن میں اکثر نہیں دیکھا ہم نے

جتنا ممکن ہوا، انصاف کیا ہے سب سے۔۔۔۔۔۔۔۔۔۔۔۔۔۔ہوسکا جتنا بھی اِنصاف کیا ہے دل سے
کوئی کمتر کوئی برترنہیں دیکھا ہم نے۔۔۔۔۔۔۔۔۔۔۔۔۔۔۔۔۔۔۔۔جرمِ الفت پہ تبھی سر نہیں دیکھا ہم نے

استادِ محترم الف عین

کچھ چیزیں توجہ کی متقاضی ہیں۔۔۔ میں نے خود کتنی ہی بار سوچا کہ اصلاحِ سخن میں جو نئے شعراء آتے ہیں، ان کی اس سے کہیں زیادہ مدد کرسکتا ہوں، جتنی کہ کیا کرتا ہوں۔ میری باتیں اس سے کہیں مختصر ہوتی ہیں، جتنی کہ میں کرسکتا ہوں، یا جو میں ذاتی طور پر سوچتا ہوں کہ مجھے کرنی چاہئیں۔ شروع شروع میں محترم الف عین کی انتہائی مختصر باتیں دیکھ کرلگتا تھا کہ انہیں اتنا کچھ معلوم ہے، یہ کھل کر تفصیل کیوں نہیں بتاتے؟ کیا نئے شعراء کی حوصلہ افزائی نہیں کی جاسکتی؟
وقت گزرنے کے ساتھ ساتھ سمجھ میں آیا کہ جب کوئی شاعر غزل کہتا ہے، اس میں خیال اس کا اپنا ہوتا ہے، کسی اور شاعر کا خیال جو اس سے بڑا ہو، یا مرزا غالب ہی کیوں نہ ہو، وہ اسے پسند تو آسکتا ہے، اپنا نہیں لگ سکتا، اس لیے یہ تو ممکن ہے کہ کوئی شاعر میرا کہا ہوا آدھا یا ایک مصرع قبول کر لے، وہ میرا مکمل شعر قبول نہیں کرے گا ، جب تک کہ اس میں سے اسے اپنے افکار کی خوشبو نہ آجائے۔
ارشد رشید صاحب کی بات سے بات سے متفق ہوں کہ شاعری شکیل احمد خان23 کی محسوس ہوگی ۔۔۔ شاہد کی نہیں۔۔۔

 

[شاہد شاہنواز]

اضافہ:
یہ بات بھی اپنی جگہ اہم ہے کہ میرے اور آپ کے افکار ایک جیسے ہوسکتے ہیں، تو لفظوں کا استعمال مختلف ہوگا۔ سو ہوسکتا ہے کہ میں آپ کے افکار سے تو اتفاق کروں، شعر کے الفاظ سے نہیں۔ شعر کے الفاظ مجھے پسند آجائیں ، تب سب سے بڑا اعتراض مجھے یہ ہوگا کہ یہ میرا نہیں ہے۔۔ یہی اعتراض خود آپ کو بھی ہوسکتا ہے۔ اور اگر نہیں ہے تو ہونا چاہئے۔۔۔ کیونکہ ماضی میں مجھے نہیں تھا، لیکن وقت گزرنے کے ساتھ ساتھ میں نے سیکھا کہ یہ اعتراض درست ہے۔ یہ ہونا چاہئے۔ شاعر کے پاس اس کے الفاظ اور افکار کے سوا ہوتا کیا ہے؟ اگر اصلاح کے نام پر دیگر شعراء کے اشعار اپنے نام سے شائع کرنے ہیں تو شاعر ہونے کا دعویٰ تو ویسے ہی بے سود ہوجاتا ہے۔۔۔

 

[ارشد رشید]

جی شاہد صاحب میری دانست میں اصلاح وزن سے شروع ہوکر معائب سخن کی دوری اور زبان و بیان کی درستی پر ختم ہوتی ہے - باقی وہ شعر مجھے اچھا لگے نہ لگے یا میں اگر کہوں تو ایسے کہوں یا میں ان الفاظ کے بجائے وہ باندھتا وغیرہ وغیرہ ، مری نظر میں اس کا اصلاح سے کوئ تعلق نہیں - کوئی سامنے کی بات جو کسی شعر کو فوری بہتر بنا دے وہ بھی اصلاح کا حصہ ہے مگر میں شاعر کی منہ میں اپنے الفاظ یا اس کے دماغ میں اپنے خیالات کے ڈالنے کو اصلاح نہیں سمجھتا -

 

[شکیل احمد خان23]

@ارشد رشید صاحب کی بات سے بات سے متفق ہوں کہ شاعری @شکیل احمد خان23 کی محسوس ہوگی ۔۔۔ شاہد کی نہیں۔۔۔

مگر میں شاعر کی منہ میں اپنے الفاظ یا اس کے دماغ میں اپنے خیالات کے ڈالنے کو اصلاح نہیں سمجھتا -

برادرانِ عزیز!
میرا مدعایہ ہوتا ہے کہ شاعر کے سامنے اُس کی اپنی سوچ کے کئی اور رُخ اور شعری صورتیں آجائیں جیسے اُس کا شعر پڑھ کر پڑھنے والے کے ساتھ ہوا۔فی الوقت میں شاہد صاحب کے مندرجہ ذیل اشعار پریہی مشق کررہا ہوں ۔اِس سے اُن کی سوچ کے دریچے وا ہوتے ہیں تو فبیہا ۔۔۔۔۔۔۔۔

سامنے جو بھی چلا آئے، یہ اس کا ہو جائے۔۔۔۔۔۔۔سامنے جو بھی چلا آئے یہ بس اُس کا ہے(اس کا ہولیا جیسی بات)
آئنے سا کوئی پتھر نہیں دیکھا ہم نے۔۔۔۔۔۔۔۔۔۔۔دوغلا آئینے سے بڑھ کر نہیں دیکھا ہم نے(گو بحر میں نہیں) مگر یہاں اس قسم کی بات ہو تو بہتر

ایک تم ہو کہ رہے مے کی طلب میں ہر دم۔۔۔۔۔۔۔تم اور
ایک ہم ہیں، کبھی ساغر نہیں دیکھا ہم نے۔۔۔۔۔۔۔مجھ میں کوئی فرق محسوس نہیں ہوتا تم مے کی طلب میں سرگرداں اور میں جیسے ایک ایک جام کو ترسا ہوا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔گویا پیاس تھی بھی پھر تقاضا نہ کیا ۔۔۔جانے کیا سوچ کے ایسا نہ کیا۔۔۔۔۔۔۔۔۔۔۔مطلب اس شعر سے یہ تاثر بن رہا ہے۔۔۔۔۔۔۔۔۔۔۔۔۔۔۔حالانکہ شاعر کا یہ خیال نہیں یہ مدعا نہیں ہے

 

[شکیل احمد خان23]

استادِ محترم کی یہ ہدایت نوآموز شاعروں کو ہمیشہ پیشِ نظر رکھنی چاہیے کہ اپنی تخلیق کے ساتھ کچھ وقت گزاراکریں۔میں نے اکثر دیکھا ہے کہ محترم ظہیراحمد ظہیراور اُن کے رتبہ کے دیگر شعراء کرام جب اپنی کوئی تخلیق عام ملاحظہ کے لیےیہاں پیش کرتے ہیں تو اکثر یہ کہتے ہیں کہ یہ غزل /نظم اتنے عرصے پہلے کہی تھی ۔۔۔۔۔۔۔اب اُردُو محفل میں پیش کی جارہی ہے۔۔۔۔۔۔۔۔۔۔۔۔۔۔۔۔۔۔۔۔۔

 

[شاہد شاہنواز]

برادرانِ عزیز!
میرا مدعایہ ہوتا ہے کہ شاعر کے سامنے اُس کی اپنی سوچ کے کئی اور رُخ اور شعری صورتیں آجائیں جیسے اُس کا شعر پڑھ کر پڑھنے والے کے ساتھ ہوا۔فی الوقت میں شاہد صاحب کے مندرجہ ذیل اشعار پریہی مشق کررہا ہوں ۔اِس سے اُن کی سوچ کے دریچے وا ہوتے ہیں تو فبہا ۔۔۔۔۔۔۔۔

سامنے جو بھی چلا آئے، یہ اس کا ہو جائے۔۔۔۔۔۔۔سامنے جو بھی چلا آئے یہ بس اُس کا ہے(اس کا ہولیا جیسی بات)
آئنے سا کوئی پتھر نہیں دیکھا ہم نے۔۔۔۔۔۔۔۔۔۔۔دوغلا آئینے سے بڑھ کر نہیں دیکھا ہم نے(گو بحر میں نہیں) مگر یہاں اس قسم کی بات ہو تو بہتر

ایک تم ہو کہ رہے مے کی طلب میں ہر دم۔۔۔۔۔۔۔تم اور
ایک ہم ہیں، کبھی ساغر نہیں دیکھا ہم نے۔۔۔۔۔۔۔مجھ میں کوئی فرق محسوس نہیں ہوتا تم مے کی طلب میں سرگرداں اور میں جیسے ایک ایک جام کو ترسا ہوا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔گویا پیاس تھی بھی پھر تقاضا نہ کیا ۔۔۔جانے کیا سوچ کے ایسا نہ کیا۔۔۔۔۔۔۔۔۔۔۔مطلب اس شعر سے یہ تاثر بن رہا ہے۔۔۔۔۔۔۔۔۔۔۔۔۔۔۔حالانکہ شاعر کا یہ خیال نہیں یہ مدعا نہیں ہے

میرا مدعا آپ کی حوصلہ شکنی نہیں تھا۔۔ اگر غرض یہی ہے کہ شاعر خیال کے مزید زاویوں کو سمجھے اور ان کی طرف بھی دیکھے تو اس میں کوئی ہرج نہیں ہے !

 

[شکیل احمد خان23]

میرا مدعا آپ کی حوصلہ شکنی نہیں تھا۔۔ اگر غرض یہی ہے کہ شاعر خیال کے مزید زاویوں کو سمجھے اور ان کی طرف بھی دیکھے تو اس میں کوئی ہرج نہیں ہے !

شاہنواز بھائی ،بہت بہت شکریہ آپ نے ردِ عمل دیا ۔۔۔۔۔۔دیکھیں میرے بھائی شاعر سے شاعر کیسے بنتے چلے گئے اِس لیے کہ اُنھیں شاعری پڑھ کر ہی تحریک ملی ، شوق پیدا ہوا ،جستجو کی اور ادنیٰ سے اعلیٰ شاعر ہوگئے ۔۔۔۔۔۔۔۔۔۔۔۔۔۔۔ایک بار پھر آپ کے جواب کاشکریہ ۔۔۔۔۔۔۔۔۔یہ سلسلہ چلے گا انشاء اللہ ۔۔۔۔میں استاد بن کر نہیں شاعری کے طالب ِ علم کے طور پر آپ کے ساتھ ہوں بلکہ ہر آنے والے طالب ِ علم کا ہم جماعت ہوں۔۔۔۔۔۔۔۔۔۔۔۔۔۔۔۔شکریہ

 

[شکیل احمد خان23]

سامنے جو بھی چلا آئے، یہ اس کا ہو جائے
آئنے سا کوئی پتھر نہیں دیکھا ہم نے

اب دیکھیے آئینے کی ایک خوبی یہ ہے کہ لگتا ہے اِسے منہ دیکھے کی محبت آتی ہے کہ جو سامنے آیا اُسی کو بڑھا چڑھا کر پیش کر تا ہے اِدھر وہ سامنے سے ہٹا یہ لاتعلق ہوا جیسے جانتا بھی نہ تھا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اور ایک خوبی یہ ہے کہ یہ غیبت نہیں کرتا یعنی پیٹھ پیچھے کسی سے اِس کا کوئی تعلق اور واسطہ نہیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئینے کی ہی ایک خوبی یہ ہے کہ یہ کرچی کرچی ہوکر بھی چھبیہ دکھانے کے فریضے سے دست کش نہیں ہوتا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئینہ ہی وہ شے ہے کہ بال پڑجائے تو جاتا نہیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئینہ ظاہر کو پیش کرسکتا ہے یہ اندر کاحال بتانے سے قاصر ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئینے سے زیادہ نازک کون ہوگا گرا اور گیااور گیاتو بس گیا۔۔۔۔۔اِسے جوڑنا ممکن نہیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئینہ ہمارا سچا رازداں بھی ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئینے کی ایک اور خوبی یہ ہے کہ ایک کو دو اور دو کو سو بناکے دکھادیتا ہے لہٰذا کوئی خود کو یکتا نہ سمجھے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ سب خیالات کیوں ذہن میں آئے ؟ آپ کا شعر پڑھ کر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[شاہد شاہنواز]

اب دیکھیے آئینے کی ایک خوبی یہ ہے کہ لگتا ہے اِسے منہ دیکھے کی محبت آتی ہے کہ جو سامنے آیا اُسی کو بڑھا چڑھا کر پیش کر تا ہے اِدھر وہ سامنے سے ہٹا یہ لاتعلق ہوا جیسے جانتا بھی نہ تھا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اور ایک خوبی یہ ہے کہ یہ غیبت نہیں کرتا یعنی پیٹھ پیچھے کسی سے اِس کا کوئی تعلق اور واسطہ نہیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئینے کی ہی ایک خوبی یہ ہے کہ یہ کرچی کرچی ہوکر بھی چھبیہ دکھانے کے فریضے سے دست کش نہیں ہوتا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئینہ ہی وہ شے ہے کہ بال پڑجائے تو جاتا نہیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئینہ ظاہر کو پیش کرسکتا ہے یہ اندر کاحال بتانے سے قاصر ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئینے سے زیادہ نازک کون ہوگا گرا اور گیااور گیاتو بس گیا۔۔۔۔۔اِسے جوڑنا ممکن نہیں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئینہ ہمارا سچا رازداں بھی ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آئینے کی ایک اور خوبی یہ ہے کہ ایک کو دو اور دو کو سو بناکے دکھادیتا ہے لہٰذا کوئی خود کو یکتا نہ سمجھے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ سب خیالات کیوں ذہن میں آئے ؟ آپ کا شعر پڑھ کر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

داغؔ نے کہا:
آئنہ دیکھ کے کہتے ہیں سنورنے والے
آج بے موت مریں گے مرے مرنے والے
پھر کہا:
دیکھنا اچھا نہیں زانو پہ رکھ کر آئنہ
دونوں نازک ہیں نہ رکھیو آئنے پر آئنہ
امیر ؔ مینائی نے کہا:
ہٹاؤ آئنہ امیدوار ہم بھی ہیں
تمہارے دیکھنے والوں میں یار ہم بھی ہیں
۔۔۔
ایسی ہی بے شمار مثالیں ہمیں آگہی دیتی ہیں کہ آئینے نے پہلے بھی متعدد شعراء کو اپنے ذکر پر مجبور کیا۔
وجہ صرف ایک ہے کہ جب انسان اس کے سامنے آ کر کھڑا ہوجائے تو یہ اسے حقیقت دکھاتا ہے اور وہ انسان دیکھنا نہیں چاہتا۔
اس لیے کبھی وہ خود کو آئینے میں حقیقت سے بھی زیادہ خوبصورت دیکھ کر ناز کرتا اور کبھی زیادہ بد صورت دیکھ کر آئینہ توڑ دیا کرتا ہے۔

 

[شکیل احمد خان23]

سامنے جو بھی چلا آئے، یہ اس کا ہو جائے
آئنے سا کوئی پتھر نہیں دیکھا ہم نے
شاہنواز بھائی ، آپ بتادیں کہ اِس شعر میں آپ کیا کہنا چاہتے تھے؟

 

[شاہد شاہنواز]

سامنے جو بھی چلا آئے، یہ اس کا ہو جائے
آئنے سا کوئی پتھر نہیں دیکھا ہم نے
شاہنواز بھائی ، آپ بتادیں کہ اِس شعر میں آپ کیا کہنا چاہتے تھے؟

الزام ہے ۔۔۔ ہرجائی ہونے کا ۔۔۔ جو آئینے کی فطرت نہیں، اس کا حق ہے۔۔