برائے اصلاح

[فلسفی]

سر الف عین


ہار کر کیا انھیں جیت پاؤں گا میں؟
گر یہ سچ ہے تو پھر ہار جاؤں گا میں

اس طرح مانگ لوں گا خدا سے انھیں
گر کے سجدے میں شب، گڑگڑاؤں گا میں

پاس رہ کر مجھے بھول جاتے ہیں جو
دور جا کر انھیں یاد آؤں گا میں

بند کرتے ہیں آنکھیں مجھے دیکھ کر
خواب میں آ کے ان کو ستاؤں گا میں

اپنے غم کو خوشی میں بدل دوں گا یوں
آئینہ دیکھ کر مسکراؤں گا میں

شدتِ غم کو آساں نہیں روکنا
آج پھر ضبط کو آزماؤں گا میں​

 

[محمد خلیل الرحمٰن]

واہ۔ داد قبول فرمائیے

 

[فلسفی]

واہ۔ داد قبول فرمائیے

بہت شکریہ سر

 

[فاخر رضا]

بہت اچھا ہے
کیا ضبط آپ کا تخلص ہے

 

[فلسفی]

بہت اچھا ہے
کیا ضبط آپ کا تخلص ہے

حوصلہ افزائی کا شکریہ
جی خود ساختہ تخلص "فلسفی" استعمال کرتا ہوں۔ اس شعر میں ضبط کو اصل معنی میں استعمال کرنے کی کوشش کی ہے۔

 

[وجاہت حسین]

سر الف عین


ہار کر کیا انھیں جیت پاؤں گا میں؟
گر یہ سچ ہے تو پھر ہار جاؤں گا میں

اس طرح مانگ لوں گا خدا سے انھیں
گر کے سجدے میں شب، گڑگڑاؤں گا میں

پاس رہ کر مجھے بھول جاتے ہیں جو
دور جا کر انھیں یاد آؤں گا میں

بند کرتے ہیں آنکھیں مجھے دیکھ کر
خواب میں آ کے ان کو ستاؤں گا میں

اپنے غم کو خوشی میں بدل دوں گا یوں
آئینہ دیکھ کر مسکراؤں گا میں

شدتِ غم کو آساں نہیں روکنا
آج پھر ضبط کو آزماؤں گا میں​

واہ ماشاء اللہ۔ بہت خوب۔ سادہ الفاظ اور خوبصورت خیالات۔

 

[شکیب]

سر الف عین


ہار کر کیا انھیں جیت پاؤں گا میں؟
گر یہ سچ ہے تو پھر ہار جاؤں گا میں

اس طرح مانگ لوں گا خدا سے انھیں
گر کے سجدے میں شب، گڑگڑاؤں گا میں

پاس رہ کر مجھے بھول جاتے ہیں جو
دور جا کر انھیں یاد آؤں گا میں

بند کرتے ہیں آنکھیں مجھے دیکھ کر
خواب میں آ کے ان کو ستاؤں گا میں

اپنے غم کو خوشی میں بدل دوں گا یوں
آئینہ دیکھ کر مسکراؤں گا میں

شدتِ غم کو آساں نہیں روکنا
آج پھر ضبط کو آزماؤں گا میں​

اچھے رواں اشعار ہیں۔ فنی اعتبار سے کوئی خامی نظر نہیں آئی۔
اب محاکات پر توجہ دیجیے۔

 

[فلسفی]

واہ ماشاء اللہ۔ بہت خوب۔ سادہ الفاظ اور خوبصورت خیالات۔

بہت شکریہ۔
سادہ الفاظ کے حوالے سے آپ نے بجا فرمایا۔ مجھے مشکل یہ ہی پیش آتی ہے کہ گھوم پھر کر میرے اشعار میں ایک کی طرح کے الفاظ ہوتے ہیں۔ الفاظ کے ذخیرہ کے حوالے سے دامن کافی تنگ ہے۔ اس فورم پر ایک صاحب کی شاعری پڑھ کر کمتری کا احساس ہوتا ہے کیونکہ وہ نہ جانے کیسی کیسی مشکل ترکیبات نکال کر لاتے ہیں جو مجھ جیسے کم علم کے اوپر سے ہی گزر جاتی ہیں۔
میں اس حوالے سے اساتذہ سے پوچھنا چاہ رہا تھا ، آپ نے موقع فراہم کردیا کہ شاعری اگر صرف سادہ الفاظ میں ہی کی جائے یعنی مشکل الفاظ اور ترکیبات کا استعمال نہ ہو تو اہل علم حضرات اور شعرا کے ہاں ایسے کلام کو کس نظر سے دیکھا جاتا ہے؟

چھے رواں اشعار ہیں۔ فنی اعتبار سے کوئی خامی نظر نہیں آئی۔
اب محاکات پر توجہ دیجیے۔

بہت شکریہ سر، اس پر توجہ کرتا ہوں۔ کوئی کتاب یا مضمون اس حوالے سے اگر تجویز فرمانا چاہیں تو نوازش ہوگی۔

 

[الف عین]

درست پے غزل ماشاء اللہ

 

[فلسفی]

درست پے غزل ماشاء اللہ

شکریہ سر