برائے تنقید و اصلاح: لذتِ حب خمار سے باہر

[سید ذیشان]

لذتِ حب خمار سے باہر​

وصف جسکا شمار سے باہر​

سینچنا باغِ ہستیِ پر شور​

چشمِ صد سوگوار سے باہر​

عمر اِک چاہے مدعا میرا​

شوق پر انتظار سے باہر​

اِک نئے باب کا ہوا آغاز​

جسم نکلا جو دار سے باہر​

میری خودی نے مجھ کو جکڑا تھا​

نہ تھی حدِ پکار سے باہر​

پیکر اِس پَل کے ہیں گئے اوقات​

نکلوں کیونکر مدار سے باہر؟​

ایسے مجنوں کہ ہیں لئے پھرتے​

دل گریبانِ تار سے باہر​

کتنے بکھرے ہیں زندگی کے رنگ؟​

ارض کے شاہکار سے باہر​

رہتا اندر ہوں شوق نگری کے​

وقت کے اختیار سے باہر​

 

[سید ذیشان]

الف عین محمد وارث

 

[مہدی نقوی حجاز]

گریبان تار؟

 

[سید ذیشان]

گریبان تار؟

شکریہ جناب نشاندہی کا۔
ابھی خیال آیا کہ محاورہ تار تار ہے۔

 

[مہدی نقوی حجاز]

شکریہ جناب نشاندہی کا۔
ابھی خیال آیا کہ محاورہ تار تار ہے۔

قابلی نددارہ

 

[الف عین]

کاپی کر رہا ہوں، اب اگلے ’حملے‘ میں

 

[سید ذیشان]

کاپی کر رہا ہوں، اب اگلے ’حملے‘ میں

بہت شکریہ، انتظار رہے گا۔

اس شعر کو تبدیل کر دیا ہے۔
ایسے مجنوں کہ ہیں لئے پھرتے
دل گریبانِ تار سے باہر

اب یوں ہو گیا ہے۔​

ایسے مجنوں دل ہیں لئے پھرتے​

لباسِ تار تار سے باہر​

​

 

[الف عین]

باقی باتیں، بعد میں۔ ویسے یہ نیا شعر بحر میں نہیں۔

 

[احمد بلال]

بہت شکریہ، انتظار رہے گا۔

اس شعر کو تبدیل کر دیا ہے۔
ایسے مجنوں کہ ہیں لئے پھرتے
دل گریبانِ تار سے باہر

اب یوں ہو گیا ہے۔​

ایسے مجنوں دل ہیں لئے پھرتے​

لباسِ تار تار سے باہر​

​

وزن سے عاری ہو گیا ہے

 

[سید ذیشان]

باقی باتیں، بعد میں۔ ویسے یہ نیا شعر بحر میں نہیں۔

بہت شکریہ نشاندہی کا۔ اب ایک اور کوشش کرتا ہوں۔ شائد کام بن جائے۔

 

[سید ذیشان]

وزن سے عاری ہو گیا ہے

شکریہ بھائی۔ مجھے اندازہ تھا۔ اب نئے سرے سے کوشش کرتا ہوں۔

 

[سید ذیشان]

ایسے مجنوں کہ دل لئے پھرتے
جیبِ صد تار تار سے باہر

 

[مہدی نقوی حجاز]

ایسے مجنوں کہ دل لئے پھرتے
جیبِ صد تار تار سے باہر

اب کہ وزن درست ہے شاید۔۔۔ مابقی اساتذہ جانیں،

 

[الف عین]

وزن تو درست ہے۔ لیکن پہلے مصرع میں ’ہیں‘ کے بغیر بات مکمل نہیں ہوتی

 

[سید ذیشان]

وزن تو درست ہے۔ لیکن پہلے مصرع میں ’ہیں‘ کے بغیر بات مکمل نہیں ہوتی

اگر اس طرح کر دیں تو کیسا رہے گا؟

ایسے مجنوں، ہیں دل لئے پھرتے
جیبِ صد تار تار سے باہر

 

[محمد وارث]

​

میری خودی نے مجھ کو جکڑا تھا​

نہ تھی حدِ پکار سے باہر​

​

خودی اور خدا کا ایک ہی وزن ہے اس لیے پہلا مصرعہ بے وزن ہو رہا ہے۔ خود، خودی، خویش، خواب، خواہش ان سب میں واؤ معدولہ ہے جو نہ بولنے میں آتی ہے اور نہ ہی اس کا کوئی وزن ہے۔

 

[احمد بلال]

اگر اس طرح کر دیں تو کیسا رہے گا؟

ایسے مجنوں، ہیں دل لئے پھرتے
جیبِ صد تار تار سے باہر

پہلا مصرعہ اب بہتر ہے۔ دوسرے کو اگر اس طرح کر دیا جائے تو زیادہ بہتر ہے۔
دامنِ تار تار سے باہر
زیادہ محل گریبان کا یا سینہ کا ہے۔
صد تار تار بھی مجھے صحیح نہیں لگ رہا۔

 

[سید ذیشان]

پہلا مصرعہ اب بہتر ہے۔ دوسرے کو اگر اس طرح کر دیا جائے تو زیادہ بہتر ہے۔
دامنِ تار تار سے باہر
زیادہ محل گریبان کا یا سینہ کا ہے۔
صد تار تار بھی مجھے صحیح نہیں لگ رہا۔

دامن ویسے گریباں کے نیچے والے حصے کو کہتے ہیں۔ استادِ محترم ہی اس پر کچھ کہہ سکتے ہیں۔

 

[احمد بلال]

دامن ویسے گریباں کے نیچے والے حصے کو کہتے ہیں۔ استادِ محترم ہی اس پر کچھ کہہ سکتے ہیں۔

جی مجھے پتہ ہے۔ میں یہ کہنا چاہ رہ تھا کہ اگر سینہ یا گریبان کو کسی طرح ڈالا جائے تو زیادہ مناسب ہو گا

 

[سید ذیشان]

خودی اور خدا کا ایک ہی وزن ہے اس لیے پہلا مصرعہ بے وزن ہو رہا ہے۔ خود، خودی، خویش، خواب، خواہش ان سب میں واؤ معدولہ ہے جو نہ بولنے میں آتی ہے اور نہ ہی اس کا کوئی وزن ہے۔

بہت شکریہ وارث بھائی۔ اس کا خیال نہیں رہا۔ اب درست کرتا ہوں۔