برطانوی فیشن ڈیزائنر پشاوری چپل 300 پاﺅنڈز میں بیچنے لگا

[x boy]

برطانوی فیشن ڈیزائنر پشاوری چپل 300 پاﺅنڈز میں بیچنے لگا
13 مارچ 2014 (14:50)

لندن (مانیٹرنگ ڈیسک)ایک برطانوی فیشن ڈیزائنر نے پاکستانی پشاوری چپل بنا کر مہنگے داموں بیچنے کا کاروبار شروع کردیا۔ فیشن ڈیزائنر پال سمتھ کو اس بار کچھ اپنا نیا آئیڈیا نہ سوجھا تو انہوں نے پاکستانی پشاوری چپل کا ڈیزائن ہی بنا ڈالا۔ چمڑے کے بنے یہ شاندار جوتے پاکستانیوں کی پسندیدہ جوتی ہےجو شلوار قمیض کے ساتھ پہنی جاتی ہے لیکن اب دنیا بھر کے گورے بھی جینز اور پینٹس کے نیچے یہ ”کھڑیاں“ پہنے دکھائی دیں گے۔ پاکستان میں جس چپل کی قیمت تین سو سے سات سو روپے، وہ دنیا بھر میں یہ برطانوی فیشن ڈیزائنر تین سو پاﺅنڈز یعنی پچاس ہزار روپوں کے آس پاس بیچ رہے ہیں۔ یہ بھی اطلاعات ہیں کہ اب ایک پٹیشن بھی دائر کی جارہی ہے جس میں مطالبہ ہوگا کہ یہ جوتے برطانوی ڈیزائنر اپنے نام سے بیچنے کے بجائے ”پشاوری چپل“ کے نام سے ہی فروخت کریں۔

 

[عظیم اللہ قریشی]

وہ زمانے لد گئے جب تین سو روپے کی جوتی ملتی تھی اب تو ہزار سے کم نہیں ہے باقی اچھی کوالٹی یعنی اصلی ہائی کرم کا صحیح دار جوتا 15 سو سے تین ہزار کے درمیان بنتا ہے۔

 

[شمشاد]

پنڈی میں یہ جوتی بہت چلتی ہے۔ لیکن مسئلہ یہ ہے کہ دکاندار اس کی قیمت بہت زیادہ بتاتے ہیں اور پھر سودے بازی میں نصف سے بھی کم قیمت پر بیچنے کو تیار ہو جاتے ہیں۔

 

[سید زبیر]

پنڈی میں یہ جوتی بہت چلتی ہے۔ لیکن مسئلہ یہ ہے کہ دکاندار اس کی قیمت بہت زیادہ بتاتے ہیں اور پھر سودے بازی میں نصف سے بھی کم قیمت پر بیچنے کو تیار ہو جاتے ہیں۔

1968 میں دسویں جماعت میں اکبر الہ آبادی کاایک شعر پڑھا تھا
بوٹ ڈاسن نے بنایا ،میں نے اک مضمون لکھا
میرا مضمون چل نہ سکا شہر میں جوتا چل گیا

 

[S. H. Naqvi]

یہ زیادہ سے زیادہ 3 ہزار تک ہو سکتی ہے جسے مسٹر پاؤل سمتھ 300 پاؤنڈ میں بیچ رہے ہیں، کوئی شوقین انگریز گورا لے تو لے، پختون گورا ان کے قابو میں آنے والا نہیں۔۔۔۔
کسی نے آنلائن لینی ہوں تو یہاں چلا جائے۔۔۔!
ویسے ڈان کی خبر کے نیچے کسی نے بہت اچھا کمنٹ کیا کہ پندرہ پاؤنڈ جوتی کے اور 285 پاؤنڈ اس گلابی ربن کے۔