بزرگ کمیونسٹ راہ نماء، ادیب اور دانش ور،سوبھوگیان چندانی کی کتھا

[خواجہ طلحہ]

یہ اس شخص کی کتھا ہے ،جسے گرودیو، ٹیگو رنے "موئن جودڑو کا آدمی" کہہ کر پکارا ،اور لازوال شاعر،شیخ ایاز نے "قلندر" قرار دیا۔ جب ملک کے منتخب وزیراعظم نے اس درویش کی بابت بابائے بلوچستان، میر غوث بخش بزنجو سے سوال کیا،"تم نے ایک ہندو کو پناہ دے رکھی ہے؟"،تو جواب ملا" میں نے ہندو کو نہیں بلکہ اپنے بھائی کو پناہ دی ہے۔" یہ ذکر خیر ہے بزرگ کمیونسٹ رانما، دانش وار اور ادیب ،سو بھوگیان چندانی کا، جنھیں برصغیر میں طبقاتی جدوجہد میں مصروف "سر پھروں" کے لیے منارہ امید کا درجہ حاصل ہے۔ سوبھو اس خطے کی زندہ تاریخ ہیں، وہ اپنی ذات میں انجمن ہیں۔ کبھی کبھار تو اس حقیقی انسان کی زیست پر اساطیر کاگمان ہوتا ہے،مگر پایہ استقلال میں لغزش نہیں آئی۔کتابوں سے بھرے ان کے کمرے کی دیواریں جن تصاویر سے سجی ہیں ،ان میں ٹیگور اور بابا گرو نانک کی تصاویر نمایاں ہیں۔
پورا فیچر پڑھیے۔

 

[محمد شعیب خٹک]

سر پھروں یا بے دماغ سروں۔۔۔
یارایک دہریے کی تعریف کا کیا فائدہ۔۔۔

 

[شمشاد]

یہاں بات مسلمان یا دہریئے کی نہیں ہو رہی بلکہ ایک انسان کی ہو رہی ہے۔

 

[محمد شعیب خٹک]

یہاں بات مسلمان یا دہریئے کی نہیں ہو رہی بلکہ ایک انسان کی ہو رہی ہے۔

ایک مومن کی شان کے خلاف ہے کہ وہ اللہ کی ذات کے منکر کی تعریف کرے۔
قرآن میں یہودونصاری سے محبت اور دوستی سے منع کیا گیا ہے جو کہ اہل کتاب میں سے ہیں۔اور یہ تو اللہ کی ذات کے بھی منکر ہیں۔۔

 

[arifkarim]

ایک مومن کی شان کے خلاف ہے کہ وہ اللہ کی ذات کے منکر کی تعریف کرے۔
قرآن میں یہودونصاری سے محبت اور دوستی سے منع کیا گیا ہے جو کہ اہل کتاب میں سے ہیں۔ اور یہ تو اللہ کی ذات کے بھی منکر ہیں۔۔

البتہ یہودو نصاریٰ کی ٹیکنالوجی سے آپکو کوئی تکلیف نہیں جو کل بلا جھجک روزانہ استعمال کرتے پھرتے ہیں؟

 

[محمد شعیب خٹک]

البتہ یہودو نصاریٰ کی ٹیکنالوجی سے آپکو کوئی تکلیف نہیں جو کل بلا جھجک روزانہ استعمال کرتے پھرتے ہیں؟

جناب یہود و نصاری سے بیع و شرا بھی جائز ہے۔ان سے محبت اور دوستی سے منع کیا گیا ہے۔
ان کی وہ ایجادات جو شرعا جائز ہیں، ان کا استعمال بلا کراہت جائز ہے۔
لیکن ان سے دوستی یا محبت ممنوع۔
یہ میرا نہیں اللہ اور اس کے رسول صلی اللہ علیہ وسلم کا حکم ہے۔

 

[محمد وارث]

خٹک صاحب آپ سے استدعا ہے کہ اس تھریڈ کو مذہبی بحث کا تھریڈ نہ بنائیں کہ یہ اس کیلیے مناسب جگہ نہیں ہے۔

آپ احباب کفر و اسلام کی "کی بورڈ" جنگ مذہب کے فورم میں لڑیں، پلیز۔

 

[طالوت]

کمیونزم کا حامی ہونے کا مطلب یہ ہر گز نہیں کہ وہ خدا کا بھی منکر ہو گا۔ پاکستان سے کتنے ہی نام ہیں جن کا تعلق بائیں بازو سے بڑا واضح ہے مگر اچھے اچھے چوغےداروں سے بہتر مسلمان ہیں ۔
وسلام