بزکشی

[ایچ اے خان]

بزکشی
یہ انیس سو ننانوے کے بات ہے کہ کوریا کے شہر گوانگجو میں یونیسکو کے "کراس کلچرل ایورینس پروگرام" میں شرکت کرنے کی ٹھانی۔ ہر ہفتے ایک اسکول میں پاکستان کے ثقافت کی پریزینٹیشن کرنی تھی۔ امید ہوئی کی مزہ ائے گا اور کورین بچوں کو پاکستان کا اچھا تاثر پیش کیا جاسکے گا۔ تیاری کے لیے پاکستان سفارت خانے میں جانے سے پہلے یہ خیال ایا کہ یونیسکو کی لائبریری میں موجود مواد چھانتے ہیں۔ لائبریر ی جا کر دیکھا تو ہر ملک کے کلچر کے بارے میں مواد موجود تھا، فلمیں وغیرہ بھی۔ پاکستان کے کھیلوں سے متعلق ایک وڈیو لی ۔ امید تھی کہ کرکٹ کی تفصیلات ہوں گی یا قومی کھیل ہاکی کی فتوحات پر تبصرے ہوں گے مگر وہاں موجود مواد سے میں کم از کم دنگ رہ گیا۔بغیر کسی کمنٹری کے ادھے گھنٹے سے زیادہ مواد تھا جس میں لوگ "بزکشی" میں مصروف تھے۔ اس وقت تک بزکشی کے بارے میں کم از کم مجھے علم نہ تھا کہ یہ پاکستان کا مقبول ترین کھیل ہے۔ بزکشی کے یہ میرا پہلا تعارف تھا۔

کیا بزکشی پاکستان کا مقبول ترین کھیل ہے؟

 

[ایچ اے خان]

 

[ایچ اے خان]

بزکشی دیکھنے میں ایک طرح کا وحشیانہ کھیل ہے
مگر اس کوکھیلنا اسان نہیں۔ بہت محنت اور مہارت چاہیے۔ پاکستان میں یہ افغانستان سے درامد ہوئی ہے۔

 

[ایچ اے خان]

اس کھیل میں ذبح شدہ بکری یا بھیڑ کو ایک دائرے سے نکال کے دوسرے دائرے میں ڈالنا ہوتا ہے مگر یہ اسان نہیں
میں نے ایک ایسی وڈیو بھی دیکھی ہے جس میں بکری ذبح شدہ نہیں بلکہ زندہ تھی ۔ مگر یہ زیادہ مقبول نہیں

 

[ایچ اے خان]

اس تصویر سے پتہ چلتا ہے کہ بزکشی میں کتنی محنت اور مہارت چاہیے

کہتے ہیں کہ یہ کھیل چنگیز خان نے متعارف کرایاتھا تاکہ اس کے فوجی تیزی سے دشمن کے کیمپ میں جا کر عورتوں کا اچک لینے میں مہارت حاصل کرلیں

 

[حسان خان]

بزکشی پاکستان کا مقبول ترین کھیل تو نہیں ہے، البتہ پاکستان کے شمالی علاقہ جات میں یہ کھیل کھیلا جاتا ہے۔

 

[ایچ اے خان]

بزکشی پاکستان کا مقبول ترین کھیل تو نہیں ہے، البتہ پاکستان کے شمالی علاقہ جات میں یہ کھیل کھیلا جاتا ہے۔

یونیسکو کی لائبریری میں جو وڈیو کیسٹ تھی اس میں پاکستان کا مقبول ترین کھیل یہی تھا اور اس کی جھلکیا ں دیکھنے کے قابل تھیں۔ بکرے سے لال لال خون ٹپک رہا تھا اور لوگ خونخوار لگ رہے تھے۔
اس سے یہ بھی اندازہ ہوتا ہے کہ پاکستان کے امیج بگاڑنےمیں لوگ کس حد تک جاتے ہیں

 

[ایچ اے خان]

خیر میں نے ہمت نہیں ہاری اور یونیسکو کی لائبریری سے مایوس ہونے کے بعد پاکستان کے سفارت خانے کو فون کیا جو سیول میں ہے۔ ان سے ملاقات کا مقصد بتایا تو ملاقات کا اذن مل گیا۔ ایک کلچرل اتاشی کے ملاقات طے ہوئی۔ گوانگجو سے چار گھنٹے سفر کرکے سیول سفارت خانے پہنچا جہاں کلچرل اتاشی مل گیا۔ اس کو کچھ اندازہ نہیں تھا کہ پاکستان کلچر کو کورینز اسکول میں بھی روشناس کرایا جاسکتا ہے بلکہ کوریا میں کیسے کرایا جاسکتا ہے۔ اس کے پاس کچھ نہیں تھا۔ منت کرکے ایک گجلا مچلا دھبے لگا ہوا ایک پاکستانی پرچم ملا اس شرط پر کہ واپس ہوگا اور دھلاہواہوگا۔ خیر وعدہ کیا اور سفارت کار کر تعریف کرتے ہوئے واپس

 

[تلمیذ]

وزارت خارجہ کے ارباب اختیار کے لئے لمحہ فکریہ ہے!

 

[زین]

بزکشی کا کھیل کوئٹہ میں بھی کھیلا جاتا ہے۔ کچلاک اور غوث آباد کے مقام پر سالانہ مقابلے منعقد ہوتے ہیں ۔ کھلاڑیوں کی اکثریت البتہ افغان مہاجرین کی ہوتی ہے ۔

 

[شمشاد]

پاکستان کے ہر سفارت خانے کا یہی حال ہے۔

یہاں جب کبھی چار پانچ سال کے بعد واسطہ پڑتا ہے تو ایسے محسوس ہوتا ہے جیسے سفارت خانے والے کہہ رہے ہوں "آج ہی تو ہمارے ہاتھ لگے ہو"

 

[ملائکہ]

میں نے ایک ڈاکیومینڑی میں اس کھیل کے بارے میں دیکھا تھا لیکن اس میں مثبت پہلو دیکھایا تھا۔۔۔۔

 

[ایچ اے خان]

خیر میرے خیال میں بزکشی اتنا اچھا ائیڈیا نہیں تھا کہ کالج کے اسٹوڈنٹز کے سامنے پیش کیا جاوے۔ لہذا ادھر ادھر سے مزید تیاری کی ۔ کچھ پاکستان زنانہ اور مردانہ کپڑے لیے۔ خود بھی شلوار قمیض پہن کر ٹرانسلیٹر کو لے کر جو میری ہی کلاس فیلو تھی بلکہ لیب فیلو تھی پہلے اسکول پہنچ گیا۔ ارادہ یہ تھا کہ طالب علموں سے انٹر ایکشن ہو بجائے یہ کہ میں خود سلائڈ دکھاتا رہوں۔ اسکول کے اڈیٹوریم سے 500 سے زائد بچوں کی گنجائش تھی اور یہ بھرا ہوا تھا اور یہ تقریب کیمرے کے ذریعہ پورے اسکول کی سب کلاسوں میں دکھائی گئی۔ بہت کامیاب گئی اور بڑا مزہ ایا۔ کورین بچے تمیز دار سعادت مند ہیں مگر مزے بھی بہت کرتے ہیں۔