بغرضِ اصلاح پیشِ خدمت ہے

[امان زرگر]

رنگ و بو کے لیے کسی دلیل کی ضرورت نہیں۔
پچھلا شعر ہی بہتر تھا۔

بوئے گل ہے دلیل موسم گل
شاد گلچین و بلبل بستاں

 

[امان زرگر]

یوں کہہ لیں کہ ف پر زبر ہے۔
ورنہ لفظ صفت زیر و زبر ہے۔

ہو روانی کی گر صفت پیدا
لفظ قرطاس پر ہوں رقص کناں

 

[الف عین]

خندہ رو بمعنی خوش لیا ہے کہ گل کی خوشبو(جو کہ ثبوت ہے گل کے کھلنے کا) سے دست گلچین و بلبل خوش ہیں
سر الف عین
بوئے گل ہے دلیل موسم گل
خوش ہیں گلچین و بلبل بستاں

یہ بہتر ہے اب۔

ہو روانی کی گر صفت پیدا
لفظ قرطاس پر ہوں رقص کناں

یہ بھی درست

 

[سید عاطف علی]

ہو روانی کی گر صفت پیدا
لفظ قرطاس پر ہوں رقص کناں

روانی اگر چہ عمومی لفظ ہے ۔تا رقص کی مناسبت سے آپ یہاں شادمانی وغیرہ لا سکتے ہیں ، مصرعے پیوستہ ہونے سےشعر اور زیادہ بہتر ہو جائے گا ۔۔۔

 

[امان زرگر]

یہ بہتر ہے اب۔

یہ بھی درست

بوئے گل ہے دلیل موسم گل
شاد گلچین و بلبل بستاں

 

[امان زرگر]

روانی اگر چہ عمومی لفظ ہے ۔تا رقص کی مناسبت سے آپ یہاں شادمانی وغیرہ لا سکتے ہیں ، مصرعے پیوستہ ہونے سےشعر اور زیادہ بہتر ہو جائے گا ۔۔۔

لفظوں کا رقص قرطاس پر، شاعری میں روانی کی صفت کے پیدا ہونے سے

 

[امان زرگر]

دھڑکنوں کو ملے کبھی جو زباں
قصۂ درد ہو سکے گا بیاں
ہو روانی کی گر صفت پیدا
لفظ قرطاس پر ہوں رقص کناں
خود شناسی کہ جرم ٹھہری ہے
پھر ہمیں کیوں ملے ہمارا نشاں
کی تغافل کی بات تو بولے
ہم پہ لازم کہاں تھا ہر پیماں
بوئے گل ہے دلیلِ موسم گل
شاد گلچین و بلبلِ بستاں
سر الف عین آپ کی اجازت کے بغیر مصرع

خوش ہیں گلچین و بلبلِ بستاں
کو​

شاد گلچین و بلبلِ بستاں
سے بدلا ہے۔ معذرت خواہ ہوں۔ مناسب لگے تو درست نہیں تو جیسا حکم فرمائیں گے
نیز غزل کا دوسرا شعر
سید عاطف علی صاحب کے مشورے کے مطابق شاید یوں ہو یا جیسے پھر اساتذہ رہنمائی فرمائیں۔۔
شادمانی کی کر صفت پیدا
لفظ قرطاس پر ہوں رقص کناں
سر الف عین
سر محمد ریحان قریشی
محترمہ La Alma
سر راحیل فاروق

 

[الف عین]

درست ہے، ترمیمات کے ساتھ۔

 

[امان زرگر]

درست ہے، ترمیمات کے ساتھ۔

سر توجہ اور رہنمائی پر شکر گزار ہوں

 

[امان زرگر]

دھڑکنوں کو ملے کبھی جو زباں​

قصۂ درد ہو سکے گا بیاں​

شادمانی کی کر صفت پیدا​

لفظ قرطاس پر ہوں رقص کناں​

خود شناسی کہ جرم ٹھہری ہے​

پھر ہمیں کیوں ملے ہمارا نشاں​

کی تغافل کی بات تو بولے​

ہم پہ لازم کہاں تھا ہر پیماں​

بوئے گل ہے دلیلِ موسم گل​

شاد گلچین و بلبلِ بستاں​