بقر عید کے حوالے سے مزاحیہ اشعار

[محمد عدنان اکبری نقیبی]

السلام علیکم !
محفلین مزاحیہ شاعری کا سلسلہ شروع ہوا جاتا ہے ۔آپ سب محفلین شرکت فرما کر پرمزاح اشعار سے محفوظ ہوں ۔
سب سے پہلےکچھ ہماری طرف سے حاضر خدمت ہے ۔

‏
واہ رے محبوب تیرے نخرے
دل کرتا ہے بیچ کر تجھے
لے لوں عید کے لیے دو بکرے ​

 

[محمد عدنان اکبری نقیبی]

ریٹ تیرے سن کے میں حیران ہو گیا​

قصائی کی فیس پوچھی تو پریشان ہو گیا
تیری قربانی تو عید کو ہو گی بکرے میاں
میں تو مگر عید سے پہلے قربان ہو گیا​

​

 

[محمد عدنان اکبری نقیبی]

آئی ہے بقر عید بڑی دھوم دھام سے
منسوب ہو گئی ہے جو بکرے کے نام سے
بچے بھی خوش ہیں اور ہیں بیگم بھی مطمئن
صاحب کے ہوش اڑ گئے بکرے کے دام سے​

 

[محمد عدنان اکبری نقیبی]

دانت دیکھے کھال دیکھی، بال بھی دیکھے ​

رنگ بھی دیکھا، بالکل اپنے جیسا ایک بکرا
گھر پر دوست کے جو چھوڑ آئے اس بکرے کو
اپنے گھر جو دیکھا وہاں نہ پایا اپنا ایک بکرا​

 

[محمداحمد]

عدنان بھائی !

اسے بیٹھ کر سُنیے اور اس میں سے متعلقہ اشعار ٹائپ کرکے پوسٹ کریں۔

 

[محمد عدنان اکبری نقیبی]

رشک آئے ہے اس بکرے کی تقدیر پہ ہم کو​

گو پہلے ہی ہم رشک کے مارے ہی نہیں ہیں
اے بکرے تیری کھال کے کتنے ہیں طلب گار
اتنے تو طلب گار وہ ہمارے بھی نہیں ہیں​

​

 

[محمد عدنان اکبری نقیبی]

چشمہ گھڑی کی چاہ میں طلفی کی عید تھی ​

عہدِ شباب آیا تو صرف اُس کی دید تھی
بکرا کیا تو کھال کے خود مستحق بنے
بچپن کی عید وہ تھی ، یہ پچپن کی عید ہے​

 

[محمد عدنان اکبری نقیبی]

عید ِ قرباں پر ہمیں قربانی دینا چاہیے
جیب کٹ جائے تو پھر یہ زخم سہنا چاہیے
مولوی صاحب سے ہم کو پوچھنا ہے یہ سوال
ہم کو بکرے کی جگہ کیا مرغ لینا چاہیے
​

 

[محمد عدنان اکبری نقیبی]

کچھ لوگ کہہ رہے ہیں قصائی کی عید ہے
شب بھر کھلی دکان تو نائی کی عید ہے
بیگم کی عید ہوتی ہے شاپنگ کے ساتھ ساتھ
شوہر کی صرف جیب صفائی کی عید ہے
​

 

[محمد تابش صدیقی]

اے مٹن، پیارے مٹن، پاک مٹن، پاک مٹن
اے مرے پیارے مٹن
میرا فریج تیری کلیجی کا ہے جاں بخش دیار
میرا سینا تیری دستی کا ہے محفوظ حصار
میرے محبوب مٹن مجھ کو اگر آئے ڈکار
"میں یہ سمجھوں گا ٹھکانے لگا سرمایہ تن"
اے مری پیارے مٹن

 

[محمد تابش صدیقی]

ایک بکرے نے کہا بکری سے یہ روتے ہوئے
اب کے ہم بچھڑے تو شاید کہ کبابوں میں ملیں

 

[عرفان قادر]

ایک بکرے نے کہا بکری سے یہ روتے ہوئے
اب کے ہم بچھڑے تو شاید کہ کبابوں میں ملیں

ہاہاااااااااااااااااا۔ بالکل صحیح کہا

 

[عرفان سعید]

عید پر چند تُک بندیاں
(عید پر وزن کی معافی کی درخواست کے ساتھ)

اس بار عید پہ قرباں گائے کرنی چاہی
مہنگی تھی اتنی بس کر ہی پائے مرغ و ماہی

 

[عرفان سعید]

عیدِ قرباں گر گوشت کا ذائقہ بدل جائے
بکرے بھائی پھر پہلی بار منہ میں آئے

 

[عرفان سعید]

اک قاری نے ظاہر کی جو خواہشِ بکرا
ہم نے بھی سنا دی اک دم سورہ بقرہ

 

[عرفان سعید]

ہر دم چوکس رہنا کوئی کام ہوتا نہیں بے فکری کے ساتھ
کل میرا بکرا بھاگ گیا تھا ہمسائے کی بکری کے ساتھ

 

[محمد تابش صدیقی]

عرفان سعید بھائی
یہ والے یہاں۔

 

[عرفان سعید]

مرا خلوص اصلی ،عیدِ قرباں شاہی ہے شان
غریب کو دوں گا میں پسلی خود اُڑاؤں گا ران

 

[محمد تابش صدیقی]

اے مٹن، پیارے مٹن، پاک مٹن، پاک مٹن
اے مرے پیارے مٹن
میرا فریج تیری کلیجی کا ہے جاں بخش دیار
میرا سینا تیری دستی کا ہے محفوظ حصار
میرے محبوب مٹن مجھ کو اگر آئے ڈکار
"میں یہ سمجھوں گا ٹھکانے لگا سرمایہ تن"
اے مری پیارے مٹن

یہ عرفان سعید بھائی کی نذر

 

[عرفان سعید]

بٹھا دے عید کے دن ایک دستر خوان پر بکرا
وگرنہ تھے دلوں میں فاصلے تو وکھرا میں وکھرا