میر بولا جو مُو پریشاں آ نکلے میر صاحب ۔ میر تقی میر

[فرخ منظور]

غزل​

​

بولا جو مُو پریشاں آ نکلے میر صاحب​

آنا ہوا کہاں سے، کہیے فقیر صاحب​

​

ہر لحظہ اِک شرارت، ہر دم ہے یک شرارت​

اس عمر میں قیامت تم ہو شریر صاحب​

​

بندے پہ اب نوازش، کیجے تو کیجے ورنہ​

کیا لطف ہے جو آئے وقتِ اخیر صاحب​

​

دل کا الجھنا اپنے ایسا نہیں کہ سلجھے​

ہیں دامِ زلف میں ہم اُس کے اسیر صاحب​

​

فکرِ جگر رہے ہے اُس دم غلام کو بھی​

جس دم لگو ہو کرنے تُم مشقِ تیر صاحب​

​

میر تقی میرؔ​

 

[کاشفی]

عمدہ جناب! بہت خوب۔

 

[غ۔ن۔غ]

بہت شکریہ جناب کہ میر تقی میر کی اتنی پیاری غزل ہم سے شئیر کی آپ نے

 

[فرخ منظور]

انتخاب پسند فرمانے کے لئے شکریہ کاشفی صاحبہ اور غ۔ن۔غ صاحبہ!

 

[مغزل]

دل کا الجھنا اپنے ایسا نہیں کہ سلجھے​

ہیں دامِ زلف میں ہم اُس کے اسیر صاحب​

چہ خوب چہ خوب ۔۔ کیا کہنے فرخ بھائی ۔۔ روح سرشار کردی آپ نے ۔۔ کیا عمدہ انتخاب ہے ۔۔۔ جزاک اللہ​

 

[فرخ منظور]

دل کا الجھنا اپنے ایسا نہیں کہ سلجھے​

ہیں دامِ زلف میں ہم اُس کے اسیر صاحب​

چہ خوب چہ خوب ۔۔ کیا کہنے فرخ بھائی ۔۔ روح سرشار کردی آپ نے ۔۔ کیا عمدہ انتخاب ہے ۔۔۔ جزاک اللہ​

بہت شکریہ مغزل صاحب!​

​