بولیاں / دوڑھے / ماہیے / ٹپے

[شمشاد]

چھلا میرا جی ڈھولا
کوئی کنڈے کڑائیاں دے
ہسنا وی بُھل گئے آن
دُکھ سہہ سہہ جدائیاں دے

 

[شمشاد]

چھلا میرا جی ڈھولا
لے کے چھٹیاں میں آواں گا
دل والے ارمان سوہنیے
کول بہہ کے سناواں گا

 

[شمشاد]

گڈیاں دا دھواں ماہیا
سڑ گیاں ہڈیاں
کولے چُن لے تُوں ماہیا

 

[شمشاد]

چھلا میرا جی ڈھولا
کوئی اڈ دا باز ہوندا
ہر چیز بری لگدی
جدوں سجن ناراض ہوندا

 

[شمشاد]

بیری اُتھے بیر ڈھولا
نہ پھیر تسبیح دے دانے
اپنا آپ وی کدی پھیر ڈھولا