فیض بول کہ لب آزاد ہیں تیرے ۔ فیض

[فرحت کیانی]

بول کے لب آزاد ہیں تیرے

بول، زباں اب تک تیری ہے



تیرا ستواں جسم ہے تیرا

بول کہ جاں اب تک تیری ہے



دیکھ کے آہن گر کی دکاں میں

تند ہے شعل، سرخ ہے آہن



کھلنے لگے قفلوں کے دہانے

پھیلا ہر اک زنجیر کا دامن



بول، یہ تھوڑا وقت بہت ہے

جسم و زباں کی موت سے پہلے



بول کہ سچ زندہ ہے اب تک

بول، جو کچھ کہنا ہے کہہ لے!

 

[عمر سیف]

بہت خوب۔ ٹینا ثانی نے اسے گایا بھی بہت خوب ہے۔

 

[پاکستانی]

بہت خوب

 

[فرحت کیانی]

بالکل

 

[سید زبیر]

بول کہ سچ زندہ ہے اب تک​

بول، جو کچھ کہنا ہے کہہ لے!​

نہائت اعلیٰ انتخاب​

 

[محسن وقار علی]

بول، یہ تھوڑا وقت بہت ہے
جسم و زباں کی موت سے پہلے

بول کہ سچ زندہ ہے اب تک
بول، جو کچھ کہنا ہے کہہ لے!
واہ۔تعریف کے لیے الفاظ نہیں مل رہے۔

 

[فاخر رضا]

الیکشن کے نذدیک ہر ایک اسے استعمال کرتا ہے