مجید امجد بُندا

[حسان خان]

کاش میں تیرے بُنِ گوش میں بُندا ہوتا!​

رات کو بے خبری میں جو مچل جاتا میں​

تو ترے کان سے چپ چاپ نکل جاتا میں​

صبح کو گرتے تری زلفوں سے جب باسی پھول​

میرے کھو جانے پہ ہوتا ترا دل کتنا ملول​

تو مجھے ڈھونڈتی کس شوق سے گھبراہٹ میں​

اپنے مہکے ہوئے بستر کی ہر اک سلوٹ میں​

جونہی کرتیں تری نرم انگلیاں محسوس مجھے​

ملتا اس گوش کا پھر گوشۂ مانوس مجھے​

کان سے تو مجھے ہرگز نہ اتارا کرتی​

تو کبھی میری جدائی نہ گوارا کرتی​

یوں تری قربتِ رنگیں کے نشے میں مدہوش​

عمر بھر رہتا مری جاں، میں ترا حلقہ بگوش​

کاش میں تیرے بُنِ گوش میں بُندا ہوتا!​

 

[حسان خان]

مجھے نہیں پتا تھا کہ یہ نظم اس فورم میں پہلے سے یہاں موجود ہے میرے اِس دھاگے کو حذف کر دیجیے۔

 

[محمد وارث]

مجھے نہیں پتا تھا کہ یہ نظم اس فورم میں پہلے سے یہاں موجود ہے میرے اِس دھاگے کو حذف کر دیجیے۔

حسان صاحب، ایسی صورت میں ہم حذف نہیں کرتے بلکہ ضم کر دیتے ہیں۔

 

[محمد عدنان اکبری نقیبی]

واہ بہت اعلی ۔عمدہ شراکت

 

[عرفان سعید]

باقاعدہ چوری پر تو قطعِ ید کی سزا ہے، سرقۂ علمی پر تو قطعِ قلم کی تعزیر نافذ کرنی چاہیے۔