بچپن کے دُ کھ کتنے اچھے تھے

[پاکستانی]

گرميوں ميں جب سب گھر والے سو جاتےتھے
دھوپ کي اُنگلي تھام کے ہم چل پڑتے تھے
ہميں پرندے کتنے پيار سے تکتے تھے
ھم جب ان کے سامنے پاني رکھتے تھے
موت ہميں اپني اّ غوش ميں چھپاتي تھي
قبرستان ميں جا کر کھيلا کرتے تھے
رستے ميں اِک ان پڑھ دريا پڑتا تھا
جس سے گزر کر پڑھنے جايا کرتے تھے
جيسے سورج اّ کر پياس بجھائے گا
صبح سويرے ايسے پاني بھرتے تھے
اُڑنا ھم کو اتنا اچھا لگتا تھا
چڑياں پکڑ کر اُن کو چوما کرتے تھے
تتلياں ہم پر بيٹھا کرتيں تھيں
ھم پھولوں سے اتنے ملتے جلتے تھے
ملي تھي يہ جواني ھم کو رستے ميں
ھم تو گھر سے بچپن اوڑھ کے نکلے تھے


بچپن کے دُ کھ کتنے اچھے تھے
تب تو صرف کھلونے ٹوٹا کرتے تھے
وہ خوشياں بھي جانے کيسي خوشياں تھيں
تتلي کے پر نُوچ کے اُچھلا کرتے تھے
مار کے پاؤں ہم بارش کے پاني ميں
اپني ناؤ آپ ڈبويا کرتے تھے
چھوٹے تھے تو مِکرو فريب بھي چھوٹے تھے
دانہ ڈال کے چڑيا پکڑا کرتے تھے
اب تو اِک آنسو بھي رُسوا کر جائے
بچپن ميں جي بھر کے رُويا کرتے تھے
خُوشبو کے اُڑتے ہي کيوں مرجھايا پھول
کتنے بھولے پن سے پوچھا کرتے تھے
کھيل کود کے دن بھر اپني ٹولي ميں
رات کو ماں کي گُود ميں سويا کرتے تھے

 

[دوست]

واہ۔کیا کہنے۔ واقعی کتنے اچھے دکھ تھے

 

[امیداورمحبت]

واقعی----

کچھ نہیں چاہیے تجھ سے اے میری عمر رواں
میرا بچپن، میرے جگنو، میری گڑیا لادے

 

[شمشاد]

پاکستانی بھائی یہ میری پسندیدہ نظم ہے

خاص کر اس کا یہ شعر :

اب تو اِک آنسو بھي رُسوا کر جائے
بچپن ميں جي بھر کے رُويا کرتے تھے​

 

[محب علوی]

واقعی بچپن کے دکھ کتنے اچھے تھے

دکھا دے پھر وہی صبح و شام تو
دوڑ پیچھے کی طرف گردشِ ایام تو

 

[شمشاد]

ایک بڑی مشہور غزل ہے

یہ دولت بھی لے لو، یہ شہرت بھی لے لو، چھین لو مجھ سے میری جوانی
مگر مجھ کو لوٹا دو۔۔۔۔۔۔۔۔۔۔۔۔۔۔۔۔ وہ کاغذ کی کشتی وہ بارش کا پانی

صحیح سے یاد نہیں آ رہی، اگر کسی کے پاس ہو تو یہاں لکھ دیں،

یہ بھی صحیح سے بچپن کی یاد دلاتی ہے۔

 

[پاکستانی]

بچپن کے دکھ ہوتے ہی ایسے ہیں۔

 

[پاکستانی]

چلو پھر ٹھونڈ لائیں ہم اسی معصوم وقت کو
جہاں سپنہ سجایا تھا
جہاں بچپن بتایاتھا
جہاں پیڑوں کے سائے میں گھروندا ایک بنایا تھا!

 

[شمشاد]

زبردست پاکستانی بھائی، شکریہ

صحیح معنوں میں بچپن یاد دلا دیا۔
ٹوکری کے نیچے تیلا لگا کر اور دانہ ڈال کر چڑیاں پکڑنا یاد ہے، اور بارش میں تو بہت نہائے اور کاغذ کی کشتیاں چلائیں اور پینگ بھی بہت جھولی ہے، یہ بھی اچھی طرح یاد ہے۔

کیا شہنشاہی وقت ہوتا ہے وہ۔

 

[پاکستانی]

شکریہ بھائی

 

[شمشاد]

یاد سا یاد کیا، بہت دیر تک بچپن کی یادوں میں کھویا رہا۔

 

[شمشاد]

اتنی غلطیاں چل جاتی ہیں اور ہمزہ آپ شفٹ اور یو (Shift + U) دبا کر لکھ سکتے ہیں۔

 

[پاکستانی]

اعجاز بھائی واقعی نظر نہیں آئے

بہت سارے ممبران ہیں شمشاد بھائی جو جو کچھ دنوں بعد ہی غائب ہو جاتے ہیں محفل میں کچھ ایسا کرنا چاہیے کہ انہیں یاد دھانی کی میل وغیرہ ہو، نٹ سے تو وہ یقینا ‘ٹچ‘ (معذرت) ہی ہوں گے۔

 

[شمشاد]

مجھکو یقیں ہے سچ کہتی تھیں جو بھی امی کہتی تھیں
جب میرے بچپن کے دن تھے چاند میں پریاں رہتی تھیں

ایک یہ دن جب اپنوں نے بھی ہم سے ناطہ توڑ لیا
ایک وہ دن جب پیڑ کی شاخیں بوجھ ہمارا سہتی تھیں

ایک یہ دن جب ساری سڑکیں روٹھی روٹھی لگتی ہیں
ایک وہ دن جب ‘ آؤ کھیلیں‘ ساری گلیاں کہتی تھیں

ایک یہ دن جب جاگی راتیں دیواروں کو تکتی ہیں
ایک وہ دن جب شاموں کی بھی پلکیں بوجھل رہتی تھیں

ایک یہ دن جب لاکھوں غم اور کال پڑا ہے آنسو کا
ایک وہ دن جب ایک ذرا سی بات پہ ندیاں بہتی تھیں

ایک یہ دن جب ذہن میں ساری عیاری کی باتیں ہیں
ایک وہ دن جب دل میں ساری بھولی باتیں رہتی تھیں

ایک یہ گھر جس گھر میں میرا ساز و ساماں رہتا ہے
ایک وہ گھر جس میں میری بوڑھی نانی رہتی تھیں
(جاوید اختر)

 

[پاکستانی]

واہ بہت خوب شمشاد بھائی آپ نے ایک بار بھر بچپن کی یادیں ہری بھری کر دیں۔

 

[پاکستانی]

کھیلتے کھیلتے دونوں میں سے
ایک نے دوجی کی گڑیا کی نوچ لیں آنکھیں
لڑکی چیخی
دیکھو تم نے میری گڑیا اندھی کر دی
اب سپنے کیسے دیکھے گی؟
لڑکا نادم ہو کر بولا
جب میں ابو جتنا ہو کر شہر گیا تو
یہ وعدہ کرتا ہوں تم سے
سب سے پہلے
اس کی آنکھیں‌لاوں گا
سنا ہے شہر گیا وہ اک دن
جانے اس کے بعد ہوا کیا
یہ معلوم نہیں ہے لیکن
آج اچانک اس لڑکی کو راہ میں دیکھا
ہاتھ میں‌اس کے اک گڑیا تھی
ہاں بتلانا بھول گئی میں
گڑیا آج بھی اندھی ہے

 

[پاکستانی]

دعائیں یاد کرا دی گئیں تھیں بچپن میں
سو زخم کھاتے رہے اور دعا دیئے گئے ہم

 

[قیصرانی]

وہ پیغامات جو “یہ دولت بھی لے لو یہ شہرت بھی لے لو“ نامی گانے اور غزل سے متعلق تھے انہیں مندرجہ ذیل دھاگے پر منتقل کر دیا ہے

یہ دولت بھی لے لو یہ شہرت بھی لے لو

گمشدہ اراکین کی واپسی والی گفتگو ادھر موجود ہے

محفل کے گمشدہ ارکان کی واپسی کی تجاویز

 

[دوست]

ناظمین خاص اِن ایکشن

 

[پاکستانی]

اللہ خیر