بڑی ندامت سے آج دریا زمین کے سینے پہ بہہ رہا ہے

[سیدہ شگفتہ]

بہتروں کا وہ قافلہ تو ​

غبار اوڑھے گزر چکا ہے​

مگر ان آنکھوں میں کربلا کا ہر ایک منظر رکا ہوا ہے​

​

وہ عکس پیاسے لبوں کا اب تک ​

دکھائی دیتا ہے پانیوں میں​

بڑی ندامت سے آج دریا زمین کے سینے پہ بہہ رہا ہے​

​

اسی طرح سے ہیں زخم تازہ ​

ہمارے قریہ جاں میں اب تک ​

دیار دل میں اسی طرح سے ​

ہر ایک خیمہ لگا ہوا ہے ​

ہر ایک رستہ اسی تمنا میں ​

سوئے کربل چلا گیا ہے​

کہ اس زمیں کے کھلے افق پر کوئی ستارہ چمک رہا ہے​

​

​

صاحب کلام: مقصود وفا​

 

[سید زبیر]

سبحان اللہ ،
اسی طرح سے ہیں زخم تازہ
ہمارے قریہ جاں میں اب تک
دیار دل میں اسی طرح سے
ہر ایک خیمہ لگا ہوا ہے
جزاک اللہ