بکھرے بکھرے سہمے سہمے روز و شب دیکھے گا کون (معرؔاج فیض آبادی)

[نیرنگ خیال]

بکھرے بکھرے سہمے سہمے روز و شب دیکھے گا کون
لوگ تیرے جرم دیکھیں گے سبب دیکھے گا کون

ہاتھ میں سونے کا کاسہ لے کے آئے ہیں فقیر
اس نمائش میں ترا دست طلب دیکھے گا کون

لا اٹھا تیشہ چٹانوں سے کوئی چشمہ نکال
سب یہاں پیاسے ہیں تیرے خشک لب دیکھے گا کون

دوستوں کی بےغرض ہمدردیاں تھک جائیں گی
جسم پر اتنی خراشیں ہیں کہ سب دیکھے گا کون

شاعری میں میؔر و غاؔلب کے زمانے اب کہاں
شہرتیں جب اتنی سستی ہوں ادب دیکھے گا کون

معرؔاج فیض آبادی​

 

[فاتح]

واہ کیا خوب انتخاب ہے

 

[خالد محمود چوہدری]

واہ کیا خوب انتخاب ہے

واقعی

 

[صائمہ شاہ]

بہت عمدہ

 

[حمیرا عدنان]

بہت خوبصورت انتخاب ہے

 

[نیرنگ خیال]

واہ کیا خوب انتخاب ہے

انتخاب پسند کرنے کا شکریہ فاتح بھائی

واقعی

یہ استفہام تھا کہ تائید۔۔۔

بہت عمدہ

شکرگزار ہوں شاہ صاحبہ

بہت خوبصورت انتخاب ہے

شکرگزار ہوں حمیرا

 

[سید زبیر]

واہ بہت خوب
دوستوں کی بےغرض ہمدردیاں تھک جائیں گی
جسم پر اتنی خراشیں ہیں کہ سب دیکھے گا کون

 

[باباجی]

واہ بہت خوب
دوستوں کی بےغرض ہمدردیاں تھک جائیں گی
جسم پر اتنی خراشیں ہیں کہ سب دیکھے گا کون

شاہ جی سلام ۔۔
کہاں غائب ہیں آپ

 

[سید زبیر]

شاہ جی سلام ۔۔
کہاں غائب ہیں آپ

ہم ہیں وہاں ، ہم تھے جہاں
ہمیشہ کی طرح آج بھی آپ کی نظر کرم اور دعاوں کا محتاج
سدا خوش رہیں

 

[ملک عدنان احمد]

لا اٹھا تیشہ چٹانوں سے کوئی چشمہ نکال
سب یہاں پیاسے ہیں تیرے خشک لب دیکھے گا کون

 

[نیرنگ خیال]

واہ بہت خوب
دوستوں کی بےغرض ہمدردیاں تھک جائیں گی
جسم پر اتنی خراشیں ہیں کہ سب دیکھے گا کون

سر
آپ کی اجازت ہو تو کسی دن حاضری دوں درِ دولت پر۔۔۔

شاہ جی سلام ۔۔
کہاں غائب ہیں آپ

بالکل

لا اٹھا تیشہ چٹانوں سے کوئی چشمہ نکال
سب یہاں پیاسے ہیں تیرے خشک لب دیکھے گا کون

انتخاب کی پذیرائی پر شکرگزار ہوں ملک صاحب

 

[ظہیراحمدظہیر]

بہت خوبصورت !

دوستوں کی بےغرض ہمدردیاں تھک جائیں گی
جسم پر اتنی خراشیں ہیں کہ سب دیکھے گا کون

یہ غزل بہت اچھا انتخاب ہے !آپ کا ذوق قابلِ رشک ہے نیرنگ بھائی ! معراج فیض آبادی جدید غزل کا ایک بہت معتبر شاعر ہے۔ اکثر چار پانچ اشعار کی غزل لکھتے ہیں لیکن ہر شعر اعلی۔ دس گیارہ سال پہلے شکاگو میں ایک دوست کے ہاں نجی شعری محفل میں وسیم بریلوی اور معراج صاحب کو جی بھر کر سننے کا موقع ملا۔ رات گزرنے کا پتہ ہی نہیں چلا۔ (محفل کے شروع میں اس نالائق کو بھی اپنی تین چار غزلیں سنانے کا شرف حاصل ہوا ۔ جس طرح ان دو بڑے لوگوں نے اور خصوصا وسیم صاحب نے جس طرح میری تک بندیوں کی حوصلہ افزائی کی وہ آج بھی یاد آتی ہے تو سیروں خون بڑھ جاتا ہے ۔) معراج صاحب بہت ذہین آدمی ہیں اور نئے موضوعات پر ایک منفرد انداز سے لکھتے ہیں ۔ میں سمجھتا ہوں کہ انہیں اب تک وہ مقام نہیں دیا گیا کہ جس کے وہ حقدار ہیں۔ ان کے اشعار بہت دیر تک ذہن میں گونجتے ہیں!!

 

[نیرنگ خیال]

بہت خوبصورت !

یہ غزل بہت اچھا انتخاب ہے !آپ کا ذوق قابلِ رشک ہے نیرنگ بھائی ! معراج فیض آبادی جدید غزل کا ایک بہت معتبر شاعر ہے۔ اکثر چار پانچ اشعار کی غزل لکھتے ہیں لیکن ہر شعر اعلی۔ دس گیارہ سال پہلے شکاگو میں ایک دوست کے ہاں نجی شعری محفل میں وسیم بریلوی اور معراج صاحب کو جی بھر کر سننے کا موقع ملا۔ رات گزرنے کا پتہ ہی نہیں چلا۔ (محفل کے شروع میں اس نالائق کو بھی اپنی تین چار غزلیں سنانے کا شرف حاصل ہوا ۔ جس طرح ان دو بڑے لوگوں نے اور خصوصا وسیم صاحب نے جس طرح میری تک بندیوں کی حوصلہ افزائی کی وہ آج بھی یاد آتی ہے تو سیروں خون بڑھ جاتا ہے ۔) معراج صاحب بہت ذہین آدمی ہیں اور نئے موضوعات پر ایک منفرد انداز سے لکھتے ہیں ۔ میں سمجھتا ہوں کہ انہیں اب تک وہ مقام نہیں دیا گیا کہ جس کے وہ حقدار ہیں۔ ان کے اشعار بہت دیر تک ذہن میں گونجتے ہیں!!

جی بالکل معراج صاحب جدید غزل کا بہت بڑا نام تھے۔ 30 نومبر 2013 کو انہوں نے اس جہان فانی کو الوداع کہا تھا تاہم ان کے الفاظ ان کو ہمیشہ زندہ رکھیں گے۔
یہ بڑی خوش آئند بات ہے کہ آپ نے اتنے بڑے شعرا سے فیض اٹھایا ہے۔ اپنی کوئی ویڈیو بھی شئیر کیجیے۔ وسیم بریلوی صاحب کا بھی میں بہت پرستار ہوں۔ ان کا لب و لہجہ اور ان کی شاعری کے مضامین بھی بہت منفرد ہوتے ہیں۔ اللہ انہیں سلامت رکھے۔

 

[ظہیراحمدظہیر]

جی بالکل معراج صاحب جدید غزل کا بہت بڑا نام تھے۔ 30 نومبر 2013 کو انہوں نے اس جہان فانی کو الوداع کہا تھا تاہم ان کے الفاظ ان کو ہمیشہ زندہ رکھیں گے۔
یہ بڑی خوش آئند بات ہے کہ آپ نے اتنے بڑے شعرا سے فیض اٹھایا ہے۔ اپنی کوئی ویڈیو بھی شئیر کیجیے۔ وسیم بریلوی صاحب کا بھی میں بہت پرستار ہوں۔ ان کا لب و لہجہ اور ان کی شاعری کے مضامین بھی بہت منفرد ہوتے ہیں۔ اللہ انہیں سلامت رکھے۔

انا للہ وانا الیہ راجعون ۔ نیرنگ خیال بھائی یہ تو بہت ہی غمناک خبر سنائی آپ نے۔ میرے تو وہم و گمان میں بھی یہ بات نہیں تھی ۔ معراج صاحب تو بالکل صحتمند اور توانا لگتے تھے۔ بیشک ہر ذی نفس کا ایک وقت لکھا ہے۔ اللہ تعالی ان کی مغفرت فرمائے ۔ آمین
دراصل میں ایک زمانے سے بوجوہ گوشہ نشین ہوں۔ اخبار پڑھنا اور خبریں سننا کوئی تیس سال پہلے پاکستان ہی میں چھوڑدیا تھا کہ اپنی ذہنی صحت عزیز تھی اور بلڈپریشر قابو میں رکھنے کے لئے یہ ضروری تھا۔ اب یہاں آکر کام اور فیملی کی مصروفیات نے وقت بھی نہیں چھوڑا ۔ پچھلے بارہ تیرہ سال سے گھر میں ٹی وی بھی نہیں رکھا ہوا ہے ۔ شعر شاعری بھی بس چار پانچ دوستوں کے ایک بہت ہی محدود حلقے میں رہی ہے۔ اب چند مہینوں سے ذرا فراغت سی نصیب ہونے لگی ہے تو یہاں محفل میں آناجانا شروع کیا ہے۔عام طور پر اہم خبریں جلد یا بدیر ایمیل پر ادھر ادھر سے مل ہی جاتی ہیں لیکن معراج صاحب کی وفات کا پتہ نہیں چل سکا۔ اب افسوس ہورہا ہے۔ اللہ تعالٰی ان کی مغفرت فرمائے ۔
جہاں تک ویڈیو کا تعلق ہے ضرور شیئر کروں گا۔ پہلے اپنی شاعری کی ایک جگہ تدوین سے فارغ ہوجاؤں ۔ پھر تصاویر اور خطاطی کی طرف بھی توجہ دینے کا ارادہ ہے۔ آپ کے اس محبتانہ جواب کا بہت شکریہ۔ اللہ آپ کوخوش رکھے۔

 

[نیرنگ خیال]

انا للہ وانا الیہ راجعون ۔ نیرنگ خیال بھائی یہ تو بہت ہی غمناک خبر سنائی آپ نے۔ میرے تو وہم و گمان میں بھی یہ بات نہیں تھی ۔ معراج صاحب تو بالکل صحتمند اور توانا لگتے تھے۔ بیشک ہر ذی نفس کا ایک وقت لکھا ہے۔ اللہ تعالی ان کی مغفرت فرمائے ۔ آمین
دراصل میں ایک زمانے سے بوجوہ گوشہ نشین ہوں۔ اخبار پڑھنا اور خبریں سننا کوئی تیس سال پہلے پاکستان ہی میں چھوڑدیا تھا کہ اپنی ذہنی صحت عزیز تھی اور بلڈپریشر قابو میں رکھنے کے لئے یہ ضروری تھا۔ اب یہاں آکر کام اور فیملی کی مصروفیات نے وقت بھی نہیں چھوڑا ۔ پچھلے بارہ تیرہ سال سے گھر میں ٹی وی بھی نہیں رکھا ہوا ہے ۔ شعر شاعری بھی بس چار پانچ دوستوں کے ایک بہت ہی محدود حلقے میں رہی ہے۔ اب چند مہینوں سے ذرا فراغت سی نصیب ہونے لگی ہے تو یہاں محفل میں آناجانا شروع کیا ہے۔عام طور پر اہم خبریں جلد یا بدیر ایمیل پر ادھر ادھر سے مل ہی جاتی ہیں لیکن معراج صاحب کی وفات کا پتہ نہیں چل سکا۔ اب افسوس ہورہا ہے۔ اللہ تعالٰی ان کی مغفرت فرمائے ۔
جہاں تک ویڈیو کا تعلق ہے ضرور شیئر کروں گا۔ پہلے اپنی شاعری کی ایک جگہ تدوین سے فارغ ہوجاؤں ۔ پھر تصاویر اور خطاطی کی طرف بھی توجہ دینے کا ارادہ ہے۔ آپ کے اس محبتانہ جواب کا بہت شکریہ۔ اللہ آپ کوخوش رکھے۔

اور میں آج سے پہلے آپ کو ایک لڑکا بالا سمجھتا تھا۔

 

[ظہیراحمدظہیر]

اور میں آج سے پہلے آپ کو ایک لڑکا بالا سمجھتا تھا۔

نہیں بھائی ۔ اب میں بالی عمریا کا نہیں بلکہ بالا عمریا کو پہنچ رہا ہوں ۔ یہ نصف صدی کا قصہ ہے ۔۔۔۔۔۔

 

[جاسمن]

شاعری میں میؔر و غاؔلب کے زمانے اب کہاں
شہرتیں جب اتنی سستی ہوں ادب دیکھے گا کون

لوگ تیرے جرم دیکھیں گے سبب دیکھے گا کون

اعلیٰ انتخاب۔

 

[نیرنگ خیال]

نہیں بھائی ۔ اب میں بالی عمریا کا نہیں بلکہ بالا عمریا کو پہنچ رہا ہوں ۔ یہ نصف صدی کا قصہ ہے ۔۔۔۔۔۔

اللہ سبحان و تعالیٰ سلامت و شاد رکھے۔

 

[نیرنگ خیال]

اعلیٰ انتخاب۔

انتخاب کی پذیرائی پر شکرگزار ہوں۔

 

[سید زبیر]

سر
آپ کی اجازت ہو تو کسی دن حاضری دوں درِ دولت پر۔۔۔

کہو تو آج سجادوں ، غریب خانے کو
چشم ما روشن دل ما شاد
جی آیاں نوں