بیت بازی سے لطف اٹھائیں (4)

[غ۔ن۔غ]

یہ زندگی ہے ہماری کہ جب بھی بارش ہو
فلک سے خون برستا دکھائی دیتا ہے

 

[شمشاد]

یہ حسن و عشق کی تصویر کے ہیں دو منظر​

کہ رو رہا ہے کوئی مسکرا رہا ہے کوئی​

​

 

[غ۔ن۔غ]

یہ دل میں اتر جائے تو اک کوہ گراں ہے
تم خارِ غمِ ہجر کو باریک نہ سمجھو

 

[شمشاد]

​

وہ ٹیس کہ ابھری تھی ادھر یاد رہے گی​

وہ درد کہ اٹھا تھا یہاں یاد رہے گا​

(ابن انشاء)​

 

[سیدہ شگفتہ]

ان کو عارف کیسے اپنا رہبر مانوں گا
بچوں سے جو چھین رہے ہیں کاغذ ، قلم ، کتاب

(عارف شفیق)

 

[شمشاد]

بھونچال میں کفن کی ضرورت نہیں پڑی
ہر شخص نے مکان کا ملبہ پہن لیا
(بیدل حیدری)

 

[عمر سیف]

اے صبا! آ کہ دکھائیں وہ گُل جس نے
باتوں ہی باتوں میں گُلزار کِھلا رکھا ہے

 

[شمشاد]

یہ جو تمہاری تلخ نوائیاں ہیں کوئی اور سہہ کر تو دکھائے
یہ جو ہم میں تم میں نباہ ہے یہ میرے حوصلے کا کمال ہے

 

[عمر سیف]

یہ ساری عمر کس آشفتگی میں رائگاں کر دی
اُسی کو یاد رکھا ہے جسے دل سے بھلانا تھا

 

[شمشاد]

اے یادِ دوست آج تو جی بھر کے دل دُکھا​

شاید یہ رات ہجر کی آئے نہ پھر کبھی​

(ناصر کاظمی)​

 

[عمر سیف]

یوں عرض و طلب سے کب اے دل، پتھردل پانی ہوتے ہیں
تم لاکھ وفا کی خُو ڈالو، کب خُوئِے ستمگر جاتی ہے

 

[شمشاد]

یہ چراغ بے نظر ہے یہ ستارہ بے زباں ہے
ابھی تجھ سے ملتا جلتا کوئی دوسرا کہاں ہے
( بشیر بدر)

 

[سیدہ شگفتہ]

یارب ! میرے نصیب میں اکلِ حلال ہو
کھانے کو قورما ہو ، کھلانے کو دال ہو

(کلام : دلاور فگار)

 

[شمشاد]

وہ کھڑکی نہیں کھولتے تو نہ کھولیں
نظر میں مری باریاں اور بھی ہیں
(عبیر ابو ذری)

 

[سیدہ شگفتہ]

نہ اکیلا گھر سے نکل میاں ، ذرا دیکھ بھال کے چل میاں
بڑی ابتری ، بڑی رہزنی ، بڑی لوٹ مار ہے آجکل

(کلام : کیف بھوپالی)

 

[شمشاد]

لب پہ آتی ہے دعا بن کہ تمنا میری
زندگی شمع کی صورت ہو خدایا میری
(علامہ)

 

[سیدہ شگفتہ]

یہ مانا گفتگو بھی ایک فن ہے
مگر خاموش رہنا بھی ہنر ہے

شارق بل یاوی

 

[غ۔ن۔غ]

یہ سبھی ویرانیاں اس کے جدا ہونے سے تھیں
آنکھ دھندلائی ہوئی تھی شہر دھندلایا نہ تھا

 

[مہ جبین]

اغراض کے گہرے پردوں میں ، الفاظ کے جھوٹے رنگوں میں
ہر شخص محبت کرتا ہے، حالانکہ محبت کچھ بھی نہیں

 

[شمشاد]

​

ایک عالم نظر آئے گا گرفتار تمھیں​

اپنے گیسوئے رسا تا بہ کمر جانے دو​

(سیاح)​