بیت بازی کا کھیل!

[راجہ صاحب]

یہ انتقام بھی لینا تھا زندگی نے ابھی
جو لوگ دشمن جان تھے وہ غمگسار ہوئے

 

[شمشاد]

یہ عشق بھی ہے عجب امتحاںِ عہدِ وفا
وہ آزمائے مجھے اور میں آزماؤں اسے
(حمایت علی شاعر)

 

[راجہ صاحب]

یہ قربتیں تو بڑے امتحاں‌لیتی ہیں‌فراز
کسی سے واسطہ رکھنا تو دور کا رکھنا

 

[شمشاد]

آج کسی نے باتوں باتوں میں جب ان کا نام لیا
دل نے جیسے ٹھوکر کھائی، درد نے بڑھ کر تھام لیا
(غلام ربانی تابا)

 

[سید محمد نقوی]

اپنی آشفتہ مزاجی پہ ہنسی آتی ہے
دشمنی سنگ سے اور کانچ کا پیکر رکھنا
احمد فراز

 

[شمشاد]

آتے ہوئے اذان ہوئی جاتے ہوئے نماز
کتنے قلیل وقت میں ہم آئے اور چلے گئے

 

[سید محمد نقوی]

یہ نفرت ہے جسے لمحوں میں دنیا جان لیتی ہے
محبت کا پتہ لگتے زمانے بیت جاتے ہیں

 

[ف۔قدوسی]

نجانے آج کہاں کھوگیا ستارہ شام
وہ میرا دوست،میرا ہمسفر اداسی کا

 

[شمشاد]

اب اس کے شہر جانے کا سوچیں بھی کس طرح
جب پاؤں کٹ چکے تو کوئی یاد آگیا
(فاخرہ بتول)

 

[ف۔قدوسی]

آنکھوں میں انتظار کے لمحات سونپ کر کوئی
نیندیں بھی لے گیا اپنے سفر کے ساتھ

 

[سید محمد نقوی]

ہیں تیرے تصرف میں یہ بادل یہ گھٹائیں
یہ گنبد افلاک یہ خاموش فضائیں
علامہ اقبال

 

[شمشاد]

ہے دعا یاد مگر حرفِ دعا یاد نہیں
میرے نغمات کو اندازِ نوا یاد نہیں
(ساغر صدیقی)

 

[سید محمد نقوی]

نصیب آزمانے کے دن‌ آرہے ہیں
قریب ان کے آنے کے دن‌ آرہے ہیں
فیض

 

[شمشاد]

نہ ہی دادِ بزم سرور، نہ ستائشِ زمانہ
ترے کام خوب آئیں، تری شاعری کی باتیں!
(سرور عالم راز)

 

[زھرا علوی]

"نفرتوں میں محبتیں ہیں بہت
کلفتوں میں بھی راحتیں ہیں بہت
جز ان آنکھوں کے کون سمجھے گا
چہرہ چہرہ مسافتیں ہیں بہت"۔۔۔۔۔۔۔۔۔۔

 

[محمداحمد]

تو بھی ہمیں نہ مل سکا، عمر بھی رائیگاں گئی
تجھ سے خیر عشق تھا، خود سے بڑے گلے رہے

 

[زھرا علوی]

یہ غم کیا دل کی عادت ہے ؟ نہیں تو
کسی سے کچھ شکایت ہے ؟ نہیں تو
کسی کے بن کسی کی یاد کے بن
جئیے جانے کی ہمت ہے ؟ نہیں تو

 

[سید محمد نقوی]

ہی غم کیا دل کی عادت ہے ؟ نہیں تو
کسی سے کچھ شکایت ہے ؟ نہیں تو
کسی کے بن کسی کی یاد کے بن
جئیے جانے کی ہمت ہے ؟ نہیں تو

شاید "یہ" صحیح ہے۔

وار اس قدر شدید کہ دشمن ہی کر سکے
چہرہ مگر ضرور کسی آشنا کا تھا
فراز

 

[نوید صادق]

اس راہ سے چھپ چھپ کر گزری سبز سنہرے پھولوں کی
جس راہ سے تم کبھی گزرے تھے، گھبرائے ہوئے، شرمائے ہوئے

(احمد مشتاق)

 

[سید محمد نقوی]

یہ جو دیوانے سے دو چار نظر آتے ہیں
ان میں کچھ صاحب اسرار نظر آتے ہیں