بیت بازی کا کھیل!

[زھرا علوی]

نمو کو چاٹ گیا ہے موسموں کا طلسم
ہری رتوں میں درختوں کے رنگ ذرد ہوئے

 

[نوید صادق]

یہ رنگ میرے تصرف میں بھی رہے ہیں نوید
یہ چاند میرے تصور میں بھی چمکتا ہے

 

[راجہ صاحب]

یہ ھم جو اپنے ھی مدھم دل کی صدا سے آگے نکل گئے ھیں
سماعتیں کھو گئیں ھیں یا پھر ھوا سے آگے نکل گئے ھیں

 

[زھرا علوی]

نا جانے کس قدر بچے گا وہ
اس سے جب ہم گھٹائے جائیں گے

 

[نوید صادق]

یوں تو اب بھی ترے خط ڈاک میں مل جاتے ہیں
کوئی تحریر بھی آنکھوں کو بھگونے آئے

(سید آلِ احمد)

 

[محمداحمد]

یہ کس مقام پہ سوجھی تجھے بچھڑنے کی
کہ اب تو جاکے کہیں دن سنورنے والے تھے

 

[نوید صادق]

یہاں تو چاروں طرف خیر سے اجالے ہیں
ہمارے شہر میں سورج کا بھی نہ سایہ ہوا

(نوید صادق)

 

[محمداحمد]

اور تو کوئی بس نہ چلے گا ہجر کے درد کے ماروں کا
شام کا ہونا دوبھر کردیں رستہ روک ستاروں کا

ابنِ انشا

 

[سارہ خان]

اُداسی میں گِھرا تھا دِل چراغِ شام سے پہلے
نہیں تھا کُچھ سرِ محفل چراغِ شام سے پہلے

امجد اسلام امجد

 

[سید محمد نقوی]

یہی کہیں گے کہ بس ‌صورت آشنائی تہی
جو عہد ٹوٹ گیا یاد کیا دلانا وہ

 

[شمشاد]

ہم کو کس کے غم نے مارا یہ کہانی پھر سہی
کس نے توڑا دل ہمارا یہ کہانی پھر سہی
(مسرور انور)

 

[ف۔قدوسی]

یہ میری وفا کی ہیں وحشتیں مجھے اختیار جنون نہیں
جہاں نام ھم نے سنا تیرا ، وہاں سر کو جھکا دیا

 

[زھرا علوی]

"انقلابِ دہر سے یا گردشِ تقدیر سے
اب نہیں ملتی مری صورت مری تصویر سے"۔۔۔۔۔

 

[ف۔قدوسی]

یاد کے بے نشان جزیروں سے
تیری آواز آرہی ہے ابھی

 

[زھرا علوی]

"یہ معجزہ ہو محبت میں جو ترے دکھ ہیں
وہ میری اشک بھری آنکھ میں بھنور ہو جائیں"۔۔۔

 

[سارہ خان]

نہ وہ ہوتا، نہ میں اِک شخص کو دِل سے لگا رکھتا
میں دُشمن کو بھی گنتا ہوں محّبت کے سفیروں میں

 

[ف۔قدوسی]

نہ یہ تقدیر کا لکھا تھا نہ منشائے خدا
حادثے مجھ پہ جو گذرے مرے حالات میں تھے

 

[زھرا علوی]

"یاد رکھنا ہی محبت میں نہیں سب کچھ
بھول جانا بھی بڑی بات ہوا کرتی ہے"۔۔۔۔

 

[ف۔قدوسی]

یہ کہاں کی دوستی ہے کہ بنے ہیں دوست ناصح
کوئی چارہ ساز ہوتا ، کوئی غم گسار ہوتا

 

[زھرا علوی]

"آؤ اک عمر کی جدائی کو
وصل کے ایک پل سے تولتے ہیں"۔۔۔۔