بیت بازی کا کھیل!

[ف۔قدوسی]

نا شنا سی دہر کی تنہا ہمیں کرتی گئ
ہوتے ہوتے ہم زمانے سے جدا ہوتے گئے

 

[سید محمد نقوی]

یہ جو ہلکہ ہلکہ سرور ہے
یہ تری نظر کا قصور ہے

 

[ف۔قدوسی]

یادوں کے تسلسل پہ کوئی بس نہیں چلتا
جب یاد کیا تم کو کہاں تک نہیں پہنچے

 

[زھرا علوی]

"یہ رتجگوں کا تسلسل تمہیں عجیب لگا
کبھی تو نیند کے قرض اتارنے تھے ہمیں"۔۔۔۔۔

 

[ف۔قدوسی]

نہیں نہیں ، یہ خبر دشمنوں نے دی ہوگی
وہ آئے ،آکے چلے بھی گئے، ملے بھی نہیں

 

[شمشاد]

نہ تو ناز و دلربائی، نہ ہی شانِ کج ادائی
ہمیں بھا گئی ہیں ظالم! تری سادگی کی باتیں
(سرور)

 

[سید محمد نقوی]

نسیم صبح گلشن میں گلوں سے کھیلتی ہوگی
کسی کی آخری ہچکی کسی کی دل لگی ہوگی

 

[شمشاد]

یہ بھی کیا شامِ ملاقات آئی
لپ پہ مشکل سے تیری بات آئی
(ناصر کاظمی)

 

[سید محمد نقوی]

یہ جو ہم باغ وبہاراں کا ذکر کرتے ہیں
تو مدعا وہ گل تر، وہ سرو قامت ہے

شب بخیر

 

[شمشاد]

یہ جو ہم ہجر میں دیوار و در کو دیکھتے ہیں
کبھی صبا کو کبھی نامہ بر کو دیکھتے ہیں
(چچا)

 

[الف عین]

ناوک انداز جدھر دیدۂ جاناں ہوں گے
نیم بسمل کئی ہوں گے کئی بے جاں ہوں گے

 

[ف۔قدوسی]

یہ دل،آسیب کی نگری،مسکن وہموں سوچوں کا
سوچ رہا ہوں اس نگری میں تو کب سے مہمان ہوا

 

[شمشاد]

آپ کی بے رخی کا شکوہ کیا
دل تھا ناپائیدار ٹوٹ گیا
(سیف الدین سیف)

 

[ف۔قدوسی]

اجالے اپنی یادوں کے ہمارے پاس رہنے دو
نہ جانے کس گلی میں زندگی کی شام ہوجائے

 

[نوید صادق]

یہ پانی خامشی سے بہہ رہا ہے
اسے دیکھیں کہ اس مین ڈوب جائیں

(احمد مشتاق)

 

[ف۔قدوسی]

نئی رتوں میں دکھوں کے سلسلے ہیں نئے
وہ زخم تازہ ہوئے جو کہ بھرنے والے تھے
یہ کس مقام پر سوجھی تجھے بچھڑنے کی
کہ اب تو جاکے کہیں دن سنورنے والے تھے

 

[شمشاد]

نہ جانے کون سی منزل پہ جا کے ٹھہریں گے
ترے ستم سے گریزاں، مرے سلام سے لوگ
(رام ریاض)

 

[شمشاد]

نئی رتوں میں دکھوں کے سلسلے ہیں نئے
وہ زخم تازہ ہوئے جو کہ بھرنے والے تھے
یہ کس مقام پر سوجھی تجھے بچھڑنے کی
کہ اب تو جاکے کہیں دن سنورنے والے تھے

یہ انتظارِ قیامت بڑا قیامت ہے
جو رام ہم پہ گزرنی ہے ایک دم گزرے
(رام ریاض)

 

[ف۔قدوسی]

یوں جان دی وفا میں کہ قاتل تمام عمر
دل کی عدالتوں میں سزا ڈھونڈتا رہا

 

[شمشاد]

اب تو حالات سے پتھرانے لگی ہیں آنکھیں
زندگی! اور کہاں تک ترا رستہ دیکھوں
(سید آل احمد)