بیوی پاکستان گئی ہے ۔۔۔ ایک ہنستا مسکراتا کلام

[متلاشی]

بیوی پاکستان گئی ہے​

​

​

گھر کے کاموں سے گھبرا کر​

اپنے جاب سے عاجز آ کر​

چھ ہفتے کی چھٹی پا کر​

کر کے گھر سنسان گئی ہے​

بیوی پاکستان گئی ہے​

​

​

سونے کے سیٹ بنوائے گی​

شان مصالحے بھی لائے گی​

سوٹ بہت سے سلوائے گی​

سلک کے لیکر تھان گئی ہے​

بیوی پاکستان گئی ہے​

​

​

عیش کروں گی اماں کے گھر​

کام کریں گے نوکر چاکر​

کار میں لے جائےگا شوفر​

لے کے یہ ارمان گئی ہے​

بیوی پاکستان گئی ہے​

​

​

بنوں عاقل میں چاچا ہے​

چھانگا مانگا میں تایا ہے​

سب ہی سے مل کر آنا ہے​

بنا کے سارے پلان گئی ہے​

بیوی پاکستان گئی ہے​

​

​

بولی رہنا اچھے شوہر​

دفتر سے سیدھے آنا گھر​

جاتے جاتے ہاتھ میں دے کر​

تسبیح اور قرآن گئی ہے​

بیوی پاکستان گئی ہے​

​

​

طرح طرح کے کھانے پکا کر​

بھر ڈالا ہے سارا فریزر​

تاکہ میں نہ کھاؤن باہر​

کر کے اطمینان گئی ہے​

بیوی پاکستان گئی ہے​

​

​

اک دن فون کیا اس کے گھر​

بولے اس کے نانا اصغر​

وہ تو لے کر سارا ٹبر​

آج صبح ملتان گئی ہے​

بیوی پاکستان گئی ہے​

​

​

دھوپ اور گرمی سے آ کر تنگ​

میلا ہوا جب چہرے کا رنگ​

اپنی ایک سہیلی کے سنگ​

وہاں سے وہ کاغان گئی ہے​

بیوی پاکستان گئی ہے​

​

​

آتی ہے ای میل برابر​

ایک ہی رٹ ہوتی ہے اکثر​

بھیجو ڈالر بھیجو ڈالر​

پھنس مشکل میں جان گئی ہے​

بیوی پاکستان گئی ہے​

​

​

لگتے ہیں بنکوں کے پھیرے​

بھیجوں ڈالر شام سویرے​

چہرہ پُرغم ہے اور میرے​

ہونٹوں کی مسکان گئی ہے​

بیوی پاکستان گئی ہے​

(ماخوذ)​

 

[محمداحمد]

بہت خوب۔۔۔۔!

عمدہ انتخاب ہے۔

 

[زبیر حسین]

زبردست
کیا خیالات ہیں اور کیا وزن ہے مصروں میں۔
کمال ہے بھئی کمال ہے۔

 

[متلاشی]

پسندیدگی کے لئے تمام احباب کا شکر گذار ہوں۔۔۔!

 

[عمر سیف]

زبردست ۔۔

 

[متلاشی]

شکریہ عمر سیف صاحب

 

[شمشاد]

بہت خوب کلام ہے۔ بہت شکریہ شریک محفل کرنے کا۔

 

[محسن وقار علی]

 

[شیزان]

بہت اچھے ۔۔۔۔

 

[محمد بلال اعظم]

اُدھر شوہر پاکستان گیا ہے
اِدھر بیوی پاکستان گئی ہے
کمال ہے جی

 

[محمد بلال اعظم]

ویسے نظم بہت عمدہ ہے۔