سیف بے خودی لے اڑی حواس کہیں

[صائمہ شاہ]

بے خودی لے اڑی حواس کہیں
ہے کوئی دل کے آس پاس کہیں

حسن جلوہ دکھا گیا اپنا
عشق بیٹھا رہا اداس کہیں

ہم بعید و قریب ڈھونڈ چکے
وہ کہیں دور ہے نہ پاس کہیں

صبر ہی آئے، اب قرار تو کیا
ٹوٹ ہی جائے دل کی آس کہیں

سیف، خونِ جگر پڑا پینا
ایسے بجھتی ہے دل کی پیاس کہیں

 

[مہ جبین]

بہت خوب کلام ہے صائمہ شاہ

 

[سید زبیر]

سیف، خونِ جگر پڑا پینا
ایسے بجھتی ہے دل کی پیاس کہیں
بہت عمدہ کلام

 

[نیرنگ خیال]

حسن جلوہ دکھا گیا اپنا
عشق بیٹھا رہا اداس کہیں

ہم بعید و قریب ڈھونڈ چکے
وہ کہیں دور ہے نہ پاس کہیں

کیا کہنے۔۔ عمدہ جی عمدہ

 

[bilal260]

صائمہ شاہ جیسا نام ویسا کلام سب خوب ہے۔شکریہ شیئرنگ کا۔

 

[صائمہ شاہ]

مہ جبین آپا ، سید زبیر ، نیرنگ خیال ، بلال پسند فرمانے کا شکریہ

 

[الف عین]

یہ سیف الدین سیف ہی ہیں یا کوئی اور سیف؟

 

[محمداحمد]

بہت خوب۔۔۔۔!

 

[محمد وارث]

یہ سیف الدین سیف ہی ہیں یا کوئی اور سیف؟

جی اعجاز صاحب یہ پری فکس سیف الدین سیف ہی کا ہے، میں نے سوچا تھا کہ شاید کوئی اور سیف تخلص مشہور نہیں۔

والسلام

 

[کاشفی]

بہت خوب محترمہ۔ بہت عمدہ انتخاب ہے۔۔