بے نامی جائیدادیں: ن لیگی سینیٹر چودھری تنویر کی 6 ہزار کنال اراضی ضبط

[جاسم محمد]

ایف بی آر بے نامی جائیدادیں رکھنے والوں کیخلاف ان ایکشن،ن لیگ کے سینٹر چودھری تنویرکی 6 ہزار کنال اراضی ضبط
Jul 03, 2019

اسلام آباد(ڈیلی پاکستان آن لائن)ایف بی آر نے بے نامی جائیدادیں رکھنے والوں کیخلاف کارروائی شروع کردی ،مسلم لیگ ن کے سینٹر چودھری تنویر کی 6 ہزار کنال اراضی ضبط کرلی،ن لیگ کے سینٹر نے جائیداد ملازمین کے نام پر رکھی ہوئی تھی۔نجی ٹی وی دنیا نیوز کے مطابق ٹیکس ایمنسٹی سکیم سے فائدہ نہ اٹھانے والوں کیخلاف ایف بی آر متحرک ہوگیا ہے،ایف بی آر نے راولپنڈی میں 6 ہزار کنال اراضی ضبط کرلی، چودھری تنویرنے بےنامی جائیدادملازمین کے نام پررکھی تھی،ملازمین میں عبدالعزیز،اظہر،موہن معروف ،شاہجہاں بیگم،راجہ شکورشامل ہیں،ایف بی آرنے ملازمین کونوٹس جاری کردیئے۔واضح رہے کہ ٹیکس ایمنسٹی سکیم سے فائدہ اٹھانے کا آج آخری روز ہے ۔

 

[جاسم محمد]

 

[سید ذیشان]

گڈ۔

 

[سید عاطف علی]

یہ ایک کنال کتنے مربع گز یا مربع فٹ ہوتا ہے ؟

 

[محمد تابش صدیقی]

یہ ایک کنال کتنے مربع گز یا مربع فٹ ہوتا ہے ؟

ایک کنال 20 مرلے کا ہوتا ہے۔
اور ایک مرلہ 272 مربع فٹ

 

[فرقان احمد]

زرعی اراضی زیادہ ہو گی اور کچھ اراضی شاید بحریہ ٹاؤن میں بھی شامل ہے۔ یہ تو مثبت سمت میں ایک اچھا قدم ہوا تاہم، ہم جاننا چاہیں گے کہ 'یہ رقبے تمہارے لیے ہیں' کا نمبر کب آئے گا؟

 

[سید ذیشان]

زرعی اراضی زیادہ ہو گی اور کچھ اراضی شاید بحریہ ٹاؤن میں بھی شامل ہے۔ یہ تو مثبت سمت میں ایک اچھا قدم ہوا تاہم، ہم جاننا چاہیں گے کہ 'یہ رقبے تمہارے لیے ہیں' کا نمبر کب آئے گا؟

ان کے اثاثے تو ڈکلئیرڈ ہیں۔

 

[جاسم محمد]

زرعی اراضی زیادہ ہو گی اور کچھ اراضی شاید بحریہ ٹاؤن میں بھی شامل ہے۔ یہ تو مثبت سمت میں ایک اچھا قدم ہوا

سابق صدر آصف علی زرداری کی آٹھ بے نامی جائیدادیں ضبط کر لی گئی ہیں

سمیرا فقیرحسین جمعرات 4 جولائی 2019 11:49

اسلام آباد (اُردو پوائنٹ تازہ ترین اخبار۔ 04 جولائی 2019ء) : سابق صدر آصف علی زرداری کی آٹھ بے نامی جائیدادیں ضبط کر لی گئی ہیں۔ تفصیلات کے مطابق مائیکروبلاگنگ ویب سائٹ ٹویٹر پر اپنے پیغام میں وزیراعظم عمران خان کے معاون خصوصی نعیم الحق نے بتایا کہ آصف زرداری کی 8 بے نامی جائیدادیں ضبط کر لی گئی ہیں۔ نعیم الحق کا کہنا تھا کہ ٹھٹھہ سیمنٹ کمپنی کے شئیرز بھی ضبط کر لیے گئے ہیں۔پلاٹ نمبر 126 ای ون ، پلاٹ نمبر 122 کلفٹن کراچی بھی ضبط کر لیے گئے ہیں۔ آصف زرداری کے بے نامی نجی بینک کے 30،30 ملین کے شئیرز بھی ضبط کر لیے گئے ہیں۔ نعیم الحق نے بتایا کہ آصف زرداری کے بے نامی پلاٹس بھی ضبط کر لیے گئے ہیں۔ آصف زرداری کا بے نامی پلاٹ نمبر 18-2 سول لائنز کراچی بھی ضبط کر لیا گیا ہے۔
انہوں نے اپنے ٹویٹر پیغام میں ایک دستاویز بھی شئیر کی۔

View image on Twitter


یاد رہے کہ ایف بی آر نے ایمنسٹی اسکیم کے لیے ایسسٹ ڈکلیئریشن فارم جاری کیے تھے۔ ڈکلیئریشن فارم جاری ہونے پر کالا دھن رکھنے والے افراد و کمپنیوں کو اپنے اثاثے ظاہر کرنے کا پورا پورا موقع دیا گیا۔ وفاقی حکومت کی جانب سے اعلان کردہ ایمنسٹی اسکیم میں تین جولائی تک کی توسیع کی گئی تھی جس کی مدت گذشتہ رات بارہ بجے ختم ہو گئی جس کے بعد اب سیاستدانوں اور ملک کی مختلف کمپنیوں کی بے نامی جائیدادوں کی ضبطگی کا سلسلہ شروع ہو گا۔بے نامی اثاثوں کے خلاف کارروائی کے لیے انتظامات مکمل کرلیے گئے ہیں۔ بے نامی ایڈجیوکیٹنگ اتھارٹی آج سے کریک ڈاؤن شروع کرے گی۔ لاہور،کراچی اور اسلام آباد میں بے نامی زونز کے کمشنر تعینات کردیے گئے۔ بے نامی جائیدادوں کے خلاف کارروائی کے تحت ہی سابق صدر آصف علی زرداری کی آٹھ بے نامی جائیدادوں کو ضبط کیا گیا جبکہ مزید سیاستدانوں کی بھی بے نامی جائیدادیں ضبط ہونے کا امکان ظاہر کیا جا رہا ہے۔