عاطف ملک
محفلین
توجہ دلانے کا بہت شکریہ فرقان بھائییہاں ایک تابش بھیا ہوا کرتے ہیں؛ حد درجہ خوش مزاج اور ملنسار وغیرہ وغیرہ۔ کوشش ان کی اکثر یہی رہا کرتی ہے کہ قریب قریب ہر معاملے میں اپنی رائے سے محفلین کو مستفید فرمائیں۔ وجہ اس کی یہ بتلاتے ہیں کہ انہیں اس روئے ارضی پر خدائی خدمت گار کے روپ میں بھیجا گیا ہے۔سچ پوچھیے تو اپنی ذہانت و فطانت کے سبب وہ اس بات کے حق دار بھی ہیں کہ جملہ مسائل پر ان سے رائے طلب کی جائے، سو، ایسی صاحب الرائے شخصیت کے دس ہزار مراسلات یقینی طور پر اردو محفل کا بیش قیمت سرمایہ تصور کیے جا سکتے ہیں۔ ہاں، ہمیں ان کی سبک رفتاری پر حیرت ضرور ہے؛ یعنی کہ دس ہزار مراسلات کا ہدف کمال پھرتی سے پار کر گئے۔ جاتے جاتے ہم آپ کو ان کے بارے میں ایک دلچسپ بات بتاتے چلیں؛ جب سے موصوف کی شادی ہوئی ہے، معلوم ہوتا ہے، آنجناب اردو محفل میں لاگ ان بھی کچن سے ہی کیا کرتے ہیں؛ تاہم مان کر نہیں دیتے؛ فرماتے ہیں، یہ 'فرائض' تو وہ شادی خانہ آبادی سے قبل بھی 'رضاکارانہ' طور پر سرانجام دیتے چلے آ رہے ہیں۔ چلیے صاحب! مانتے ہی بنے گی؛ اب ہم بھی یہاں اک ذرا دم لیتے ہیں اور تابش بھیا کواردو محفل کے حوالے سے یہ اہم سنگِ میل عبور کرنے پر مبارک باد کا نذرانہ پیش کرتے ہیں۔ سلامت رہیں تابش بھیا
متفق وغیرہ
محمد تابش صدیقی بھائی،
آپ کو دس ہزار مراسلہ جات کی بہت بہت مبارکباد ہو۔
یقیناً یہ ایک بہت اہم سنگِ میل ہے اور اس پر بقول استادِ محترم پارٹی بنتی ہے (آپ کی طرف سے ہماری
)اس موقعے پر یہ دعا ہے کہ اللہ آپ کو ایک لاکھ بلکہ اس سے بھی زیادہ مراسلہ جات ارسال کرنے کی توفیق عطا فرمائے اور آپ اسی طرح محفل کی رونق کو بڑھاتے رہیں۔
آمین۔
