ربیع م
محفلین
تاریخ کا عجیب ترین سپاہی
شویشی یوکوی کا شمار تاریخ کے عجیب ترین سپاہی کے طور پر ہوتا ہے یہ 1944 میں دوسری جنگ عظیم کے دوران جاپانی فوج میں جزیرہ غوام guamپر تعینات تھا امریکیوں نے جب جزیرہ پر حملہ کیا تو یوکوی اپنے 9 ساتھیوں کے ہمراہ چھپنے کیلئے جنگل کی جانب بھاگ نکلا
ان دس پناہ گزینوں میں سے 7 محض 3 دن کے بعد ہی واپس آ گئے ،جبکہ یوکوی اپنے 3 ساتھیوں کے ہمراہ وہیں ٹھہرا رہا یہ تینوں گرفتاری کے خوف سے ایک دوسرے سے الگ ہو گئے تاکہ ان سب کو گرفتار نہ کیا جا سکے
یہ وقفے وقفے سے اپنی جگہ بدلتے رہے اور شکار پر اپنا گزارا کرتے رہے ، لباس اور بستر کیلئے جنگل کے پتوں کو استعمال کرتے ،یہاں تک کہ 1962 آپہنچا اور انھیں علم نہ تھا کہ جنگ ختم ہو چکی ہے!
1962 میں یوکوی کے دوستوں کی شدید طوفان کی وجہ سے وفات ہو گئی اس طوفان نے جنگل کے اکثر حصوں کو متاثر کیا۔ لیکن یوکوی زندہ باقی رہا یہاں تک کہ 1972 آن پہنچا جب کچھ کسانوں نے اسے پایا اور انھیں جنگ عظیم کے اختتام کا یقین دلانے کیلئے مجبوراً اسے گرفتار کرنا پڑا
انھوں نے اسے یقین دلایا کہ جنگ ختم ہو چکی ہے اور اسے چاہیے کہ اپنے ملک لوٹ جائے چنانچہ اس نے واپسی پر آمادگی ظاہر کی ۔
یوکوی کا کہنا ہے کہ کہ اس کو کچھ اوراق ملے جس میں جنگ کے خاتمے کا اعلان مذکور تھا لیکن اس نے اسے جنگی چال اور انھیں اپنے ٹھکانوں سے نکالنے کا حیلہ سمجھا!
کہا جاتا ہے کہ یہ جاپانی سپاہی 1997 میں لگ بھگ 82سال کی عمر میں فوت ہوا۔
