تازہ بہ تازہ نو بہ نو ( شعرائے اردو محفل کے اشعار)

[یاسر شاہ]

السلام علیکم
یہاں اہل محفل اپنے اشعار پیش کریں ۔تازہ ہوں تو کیا ہی بات ہے ۔تاریخ بھی ساتھ لکھ دی جائے تو اور اچھا ہو۔

 

[یاسر شاہ]

ایک تازہ قطعہ

کیا ہوا گر کوئی سچا عاشق نہ ہو
بوالہوس ہی سہی پر منافق نہ ہو

مسلک_عشق میں کوئی کچھ بھی ہو پر
میر جعفر نہ ہو میر صادق نہ ہو


یاسر شاہ
21۔09۔18
​

 

[یاسر شاہ]

کس نے یہ کہا تھا دل _بےباک لیے پھر
شاباش گریبان کا اب چاک لیے پھر
21۔09۔08​

 

[محمد عبدالرؤوف]

کس نے یہ کہا تھا دل _بےباک لیے پھر
شاباش گریبان کا اب چاک لیے پھر
21۔09۔08​

واہ واہ۔۔ بہت خوب

 

[محمد عبدالرؤوف]

کیوں پوچھتے ہو مجھ سے کہ اب کیسی گزر ہے
سب حال مرا جب کہ ہے چہرے سے نمایاں

 

[La Alma]

کس نے یہ کہا تھا دل _بےباک لیے پھر
شاباش گریبان کا اب چاک لیے پھر
21۔09۔08​

گریبان کا چاک لیے پھرنا۔۔۔ مبہم لگ رہا ہے۔

کس نے یہ کہا تھا دل _بےباک لیے پھر
شاباش گریبان کو اب چاک کِیے پھر

 

[یاسر شاہ]

گریبان کا چاک لیے پھرنا۔۔۔ مبہم لگ رہا ہے۔

کس نے یہ کہا تھا دل _بےباک لیے پھر
شاباش گریبان کو اب چاک کِیے پھر

شاباش۔ابہام تو بالکل دور کر دیا آپ نے۔یعنی ایک صاحب ہیں(میں تو نہیں) اپنا گریبان خود ہی پھاڑ کر سمجھ رہے ہیں کہ میں بہادر ہوں۔تشریف لایا کریں کبھی کبھی۔

 

[La Alma]

شاباش۔ابہام تو بالکل دور کر دیا آپ نے۔یعنی ایک صاحب ہیں(میں تو نہیں) اپنا گریبان خود ہی پھاڑ کر سمجھ رہے ہیں کہ میں بہادر ہوں۔تشریف لایا کریں کبھی کبھی۔

اگر کوئی دوسرا بھی گریبان پر ہاتھ ڈالے گا تو گریبان چاک کرے گا۔۔۔گریبان "کا" چاک مجھے خلافِ محاورہ معلوم ہو رہا تھا۔

 

[یاسر شاہ]

اگر کوئی دوسرا بھی گریبان پر ہاتھ ڈالے گا تو گریبان چاک کرے گا۔۔۔گریبان "کا" چاک مجھے خلافِ محاورہ معلوم ہو رہا تھا۔

جہاں تک میں آپ کی بات سمجھا ہوں آپ یہ کہنا چاہ رہی ہیں کہ "گریباں چاک کرنا" یا" گریباں کو چاک کرنا" ان اصطلاحات کا فعلیہ استعمال روا ہے۔" گریباں کا چاک" ترکیب کا بطور اسمیہ استعمال رائج نہیں۔ایسا نہیں۔دیکھیے میر کا ایک بڑا شعر ہے:
اب کے جنوں میں فاصلہ شاید ہی کچھ رہے
دامن کے چاک اور گریباں کے چاک میں

​

اور ایک آزردہ کا شعر دیکھیے:

ناصح یہاں یہ فکر ہے سینہ بھی چاک ہو
ہے فکر بخیہ تجھ کو گریباں کے چاک میں

 

[سیما علی]

ایک تازہ قطعہ

کیا ہوا گر کوئی سچا عاشق نہ ہو
بوالہوس ہی سہی پر منافق نہ ہو

مسلک_عشق میں کوئی کچھ بھی ہو پر
میر جعفر نہ ہو میر صادق نہ ہو


یاسر شاہ
21۔09۔18
​

واہ واہ زبردست
💫⭐️💫⭐️💫

 

[سیما علی]

کیوں پوچھتے ہو مجھ سے کہ اب کیسی گزر ہے
سب حال مرا جب کہ ہے چہرے سے نمایاں

کیا کہنے کیا کہنے 🌻🌻🌻🌻🌻

 

[محمد عبدالرؤوف]

کیا کہنے کیا کہنے 🌻🌻🌻🌻🌻

بہت شکریہ

 

[سیما علی]

بہت شکریہ

جیتے رہیے شاد و آباد رہیے

 

[یاسر شاہ]

گلاب نامی طوفان کے ٹل جانے پر ایک نظم

دیکھیے تو گزر گیا ہے گلاب
پتی پتی بکھر گیا ہے گلاب
اچھے ناموں کی ہے یہی تاثیر
بے ضرر کوچ کر گیا ہے گلاب

محمد احمد۔
محمداحمد
21۔10۔1

 

[یاسر شاہ]

اِس قدر اضطراب دیوانے؟
تھا جُنوں ایک خواب دیوانے!

آئے نکہت فشاں چمن میں وہ
ہو رہے ہیں گلاب دیوانے

ہیں خرد مند فیس بک پر خوش
پڑھ رہے ہیں کتاب دیوانے

انتخاب از غزل
محمد احمد
جولائی /اگست 2021

 

[یاسر شاہ]

بھرے ہوئے خُم اکڑے کھڑے ہیں
پیمانے سب خالی پڑے ہیں
یاسر شاہ
21۔10۔03

خُم=شراب کا مٹکا

 

[یاسر شاہ]

اب ہم کو بازار_ جہاں سے گم جانو
کیا لینا ہے کیا دینا ہے تم جانو
منیب احمد
(18ستمبر 2022)

 

[یاسر شاہ]

میم الف

بہت خوب بھئی بہت خوب !ماشاء اللہ

 

[میم الف]

میم الف

بہت خوب بھئی بہت خوب !ماشاء اللہ

شکریہ یاسر بھائی
بہت اچھی لڑی ہے
یہاں اپنے اشعار پوسٹ کرتا رہوں گا
اور امید ہے آپ کے بے باک اشعار بھی پڑھنے کو ملتے رہیں گے
اور دیگر محفلین کے بھی

 

[یاسر شاہ]

مدنی نام بس مدینے کا ہے
ڈھنگ ان میں کہاں وہ جینے کا ہے

ہو مبارک ربیع الاول انھیں
عشق جن کا فقط مہینے کا ہے

میٹھے بھائی کی لاکھ میٹھی ہو بات
یہ وہ شربت نہیں جو پینے کا ہے